مهما لفت بيك الدنيا مصير الزيك يكون وحداني؟؟؟؟

ج

جهاد خالد

:: كاتب نشط::
داير اقولك قبل تسيب دنياي وتغادر
كنت بحبك صاح وبقولا وبرضك لي نسيانك قادر
وكنت حبيبي الاول ايوة لكن ما حتكون الاخر
وماك مخلوق في الكون وحداني ياما الكون بي غيرك زاخر
وماني الزول البزرف دمعو عشان محبوب
وزي ما قلبي اتشرب ريدك قادر يقسي ومنو يتوب
واسمك زي ما ادون فيني قادر ساهل اكتب فيه مشطوب
اصلو الريد والحب لو تعرف ما بتقبلن من مغصوب
والبيفتش سكة يسيبنا نحن نفتش قبلو دروب
وفاكر انو الدنيا عيونك وانو بدونك غيرك فاني
انت قسيت ونسيت وجرحتا وكنت براك علي نفسك جاني
اصلو الزيك ما بستاهل زول في الحب مخلص متفاني
ولا حتلاقي حقيقة ريدنا ولا حتشوف الحب من تاني
زمهما لفت بيك الدنيا مصير الزيك يكون وحداني
زمهما لفت بيك الدنيا مصير الزيك يكون وحداني
 
اخي المبدع جهاد:
أنا أعلم أن القصيدة وليدة لحظة..
وقد تكون انفعالا..وقد تكون اتكاء على ربوة الكبرياء..وقد تكون تجريدا أو تجريبا..
ولكن برغم ذلك داخلني السؤال بقوة:ألا ترتفع ربوة الحب وتسمو جبلا إذا كان انكسارا وخضوعا للحبيب..؟
أين يكون المعشوق..؟ فيك, بجانبك أم أمامك..؟
وأتذكر أخي قول الفيتوري ذائبا صوفيا في المشوق:
في حضرة من أهوى**عبثت بي الأشواق
حدقت بلا وجه ورقصت بلا ساق
وزحمت براياتي وطبولي الآفاق
مملوكك لكني سلطان العشاق
ومعذرة أخي فهي مجرد خربشات أثارتها ابداعيتك..
وتقبل تحياتي ومودتي..
 
يجب تسجيل الدخول أو التسجيل كي تتمكن من الرد هنا.
أعلى أسفل