علي قارعة مول شاهدت..

Ana Mnkom

Ana Mnkom

:: مُـشــــــرِف ::
كنت اتسكع في أحد المولات بمدينة الطائف ولاحظت أمر استوقفني كثيرا..
الكثير من الأسر من مختلف الجنسيات تأتي للتسوق ولكن ما شد انتباهي دخول الأسر السودانية قولوا لي كيف؟.

معظم الأسر التي من جنسيات اخري تجد رب الأسرة يسير مع زوجته وأبنائه جنبا الي جنب ما عدا الأسر السودانية فأما تجد الأب يسير وحده في المقدمة وخلفه بقية الأسرة او تجده في المؤخرة وبنفس الوضع..

شاهدت هذا الوضع في غالبية الأسر السودانية فما السر في ذلك.!!
 
غايتو انا شايف ملاحظتك نوع من الادب والاحترام لانو الراجل من ما تلقاهو متلصق مع مرتو اقنع من خيرا فيهو هههههه
كسرة
بالمناسبة ملاحظتك دى فى امجاداتنا السايقنها دى معايشنها وكتير جدا يركبوا معاك عرسان مشاوير العريس يركب مرتو ورا ويجى يركب نعاك قدام تقول ليهو يا عريس ياخى ماتقعد مع المدام ورا . يقول ليك لا ياخى كدة ما صاح .
 
الرجل السوداني بعد الزواج يعتبر المراة احدي ممتلكاته لا يشاركها في شي سوي الصرف علي المنزل وبعض الامور الحسية التي تساعد علي الانجاب هذة الظاهرة لا تنطبق علي المراة فقط بل حتي اطفاله يعجز عن التعبير المباشر بمحبتهم لو قلت لابوك بحبك ينتفض زي الشاف عقرب ولكن الام لها قدرة التعبير تجاه أطفالها لذا عادة ما يميل السودانيين تجاهم امهاتهم كرد فعل طبيعي نتاج سهولة التواصل
 
ود سنترها قال:
غايتو انا شايف ملاحظتك نوع من الادب والاحترام لانو الراجل من ما تلقاهو متلصق مع مرتو اقنع من خيرا فيهو هههههه
.
أنقر للتوسيع...
يعني عايزو يتلصق فيها متين ههههههه
مافوكا حاجه لو مشيت مع مرتك رجل برجل علي الاقل تشعرها بالحماية وتشعر اطفالك بالترابط والمحبة عشان هم مابكونوا شايفين التلصق التاني داك القصة فيزيائية لا اكثر يعني مسالة نشر طاقه ايجابية داخل الاسرة
 
Nabil :: nabsho قال:
الرجل السوداني بعد الزواج يعتبر المراة احدي ممتلكاته لا يشاركها في شي سوي الصرف علي المنزل وبعض الامور الحسية التي تساعد علي الانجاب هذة الظاهرة لا تنطبق علي المراة فقط بل حتي اطفاله يعجز عن التعبير المباشر بمحبتهم لو قلت لابوك بحبك ينتفض زي الشاف عقرب ولكن الام لها قدرة التعبير تجاه أطفالها لذا عادة ما يميل السودانيين تجاهم امهاتهم كرد فعل طبيعي نتاج سهولة التواصل
أنقر للتوسيع...
انا معاك انو فى تغليف للمشاعر بقشرة تبدو قاسية وده برجع للتربية الاتوارثناها لكن الدواخل هشة جدا وحلوة وطاعمة
كسرة
شفتا البطيخة من برا كيف ومن جوة كيف ده ابلغ مثال
 
Nabil :: nabsho قال:
يعني عايزو يتلصق فيها متين ههههههه
مافوكا حاجه لو مشيت مع مرتك رجل برجل علي الاقل تشعرها بالحماية وتشعر اطفالك بالترابط والمحبة عشان هم مابكونوا شايفين التلصق التاني داك القصة فيزيائية لا اكثر يعني مسالة نشر طاقه ايجابية داخل الاسرة
أنقر للتوسيع...
نظريا كلام مية المية لكن الواقع مختلف نتاج تربية تراكمية تضع الرجل الذى يفضح مشعاره وعواطفه ولا يكبتها شخص ضعيف وهش ولا يؤبه له
كسرة
يعنى عندك مثلا شافعك الصغير لمن يعبر عن موقف بالبكاء مثلا بتقول ليهو عيب الراجل ما ببكى ويكبر على كدة . تعرف فى ناس نهائئ دمعتهم ما ممكن تنزل قدام زول مهما تعاظمت الفاجعة ولكن متى ما اختلى بنفسه وحيدا بكى بكاء الخنساء على صخر
 
Nabil :: nabsho قال:
ولكن الام لها قدرة التعبير تجاه أطفالها لذا عادة ما يميل السودانيين تجاهم امهاتهم كرد فعل طبيعي نتاج سهولة التواصل
أنقر للتوسيع...
عندى ولدى الصغيرونى مشاتر متعلق بى اكتر من امو لانها قاعدة تجلدو يوم بتراجع ليهو فى حديث ( قال ثم من قال امك ) وكان بتلاعب وما خاتى بالو معاها قامت رصعتو اثناء ما هو ببكى قال ليها ما امك ولا اى حاجة ( ابوك ثم ابوك ثم ابوك ) هههههههه
 
ود سنترها قال:
غايتو انا شايف ملاحظتك نوع من الادب والاحترام لانو الراجل من ما تلقاهو متلصق مع مرتو اقنع من خيرا فيهو هههههه
كسرة
بالمناسبة ملاحظتك دى فى امجاداتنا السايقنها دى معايشنها وكتير جدا يركبوا معاك عرسان مشاوير العريس يركب مرتو ورا ويجى يركب نعاك قدام تقول ليهو يا عريس ياخى ماتقعد مع المدام ورا . يقول ليك لا ياخى كدة ما صاح .
أنقر للتوسيع...

دي العقلية الرجعية زاتو نفترض انك ماشي انت وزوجتك اها تمشي أمامها وهي خلفك زي السايق لك بهيمة معقولة دي ي عمك..
دي إهانة ليها..
 
Nabil :: nabsho قال:
الرجل السوداني بعد الزواج يعتبر المراة احدي ممتلكاته لا يشاركها في شي سوي الصرف علي المنزل وبعض الامور الحسية التي تساعد علي الانجاب هذة الظاهرة لا تنطبق علي المراة فقط بل حتي اطفاله يعجز عن التعبير المباشر بمحبتهم لو قلت لابوك بحبك ينتفض زي الشاف عقرب ولكن الام لها قدرة التعبير تجاه أطفالها لذا عادة ما يميل السودانيين تجاهم امهاتهم كرد فعل طبيعي نتاج سهولة التواصل
أنقر للتوسيع...

ده الحاصل فعلا الرجل السوداني متحجر العواطف وبعيد كل البعد عن الرومانسية..
 
ود سنترها قال:
عندى ولدى الصغيرونى مشاتر متعلق بى اكتر من امو لانها قاعدة تجلدو يوم بتراجع ليهو فى حديث ( قال ثم من قال امك ) وكان بتلاعب وما خاتى بالو معاها قامت رصعتو اثناء ما هو ببكى قال ليها ما امك ولا اى حاجة ( ابوك ثم ابوك ثم ابوك ) هههههههه
أنقر للتوسيع...

طبعا لما يحدث الأمر ده بتتكيف للطيش
هههههههههههههه
 
( وجعل بينكم مودة ورحمة )
تعرف المودة والرحمة ديل ماكنم القلب والمرة السودانية مرة مفتحة ولا تخدعها المظاهر الكضابة وبتعرف راجلها من عويناتو كان مكجنها ولاكان بريدها والقلوب شواهد
كسرة
الولية منهم من ما تديها كلام مورنش بتقول ليك هوى يا راجل بتتعاور مالك قول داير شنو دغرى هههههههههه
 
اها شوف ناس بتتعاور ديل الراجل ما غلتان لو ما بكب حنان زاتو..
ناس مثني ورباع ديل يكونوا فاقدين حنان والا الفحولة زائدة...
 
يجب تسجيل الدخول أو التسجيل كي تتمكن من الرد هنا.
أعلى أسفل