حااااااااااااااااااره والله حاااااااااااااره

[الزوول]

رد: حااااااااااااااااااره والله حاااااااااااااره

دي بالجد حااااارة جدا
وتخليك تعيد حساباتك
وربما تغير نظرتك للدنيا
في الحالة دي لازم تعتزر
والاعتزار موجه لنفسك
لانو النصيب الاكبرمن الالم
كان من نصيب نفسك​

اهلين يا العوض اخوي

ده لو نفسك قبلت الاعتزار يعني بتجيب ليك ياسكري ياضغط ياوجع قلب كُلما تزكرت الموضوع .

وحاااااااااااااااار لما تمشي الدكان وعندك ضيوف في البيت وتقول ليهو اديني رطل سكر ووقية شاي وقيتين بُن .

يقول ليك سدد القديم

تقول ليهو ياخي عندي ضيوف

يقول ليك : انا مالي ومال ضيوفك

والزبائن يتفرجوا فيك ، بتخلي عضلات وشك ترجف كُلها . وقلبك يسخن تقول جاري ليك مية كيلو .


احترامي

 

[اشباوي]

رد: حااااااااااااااااااره والله حاااااااااااااره

حارة وحرينة زاطوووووووووو
الحر برضو حار
والرمة برضو حارة
الحار كتتتير
لكن كلام ود الطابية في محلو

 

[Dunya]

رد: حااااااااااااااااااره والله حاااااااااااااره

الحااااااااار
انك تقيف فى طابور طويل .. والشمس تلهب نافوخك
ولما تصل اقول ليك ... "خلصنا تعالوا بكرة .."

 

[ام حمود]

رد: حااااااااااااااااااره والله حاااااااااااااره

حارةه لما ترجع بلدك بعد غياب وتلقي الحله تغيرت معالمها والاحبه رحلووو

دي احره منها مافي والله يازول
كل ممكن تعيد حساباتك فيهو
بس تغير ملامح الحلة والناس الرحلو
مافي ايدك شي تغيرو

 

[ليالى]

رد: حااااااااااااااااااره والله حاااااااااااااره

وحاااارة لما تتشك دى !!

تحية

 

[ود الطابية]

رد: حااااااااااااااااااره والله حاااااااااااااره

ود الطابيه عارف انت مُحتاج تسمع اغنيتين مع بعض

الاولى : لي هاشم ميرغني (( حان الزفاف ))

الثانيه : اسمعها عند الحوت الله يرحمه (( جاي تفتش الماضي
لو الزمن يرجع مره واتزكر حكايتي معاك ))

الليله والليله ود الطابيه بكي عديل لما سمعهم .

والله حااااااااااااار كلامك الفوق ده حااااااااااااااااااااار مكوة شنو وصاج شنو دي بتلوي الكُراع عديل وبتزوغ الركبه وتاني ما بتخليك تدق الكفر كلو كلو .

احترامي

بالجد يا الزوول حارة وباين عليك انت ضايقها اعترف ساي ههههههههههه
بالجد اغنية هاشم ميرغني حان الزفاف وانا حالي كيفين بوصفه
بكيت فيها لمن الدموع نضبت وقعدت
افتش لي ريقي ابلعه برضو ما لقيته كل السوائل نشفت وخشمي بقى
ملح ملح
كلامك ده كلام خبير ضاق الالم والمر وانضرب شاكوش يفت الحديد :003:
كله اصبح ذكريات لكن لا بتتنسي لا من الذاكره بتفوت لمن الواحد يموت :hang:

 

[كاميلا]

رد: حااااااااااااااااااره والله حاااااااااااااره

الزول
والمتداخلين المشوشوين
سلام

حاااااااااااره لما الزول يغسل ويقرض ويظهر ويشر الهدوم ... وطق ( احابيله ) تتقطع

( حى ....وتانى حى )

 

[عماد بطة]

رد: حااااااااااااااااااره والله حاااااااااااااره

الحاااااااااااااااار لما بتكون في السوق بتحلق في الصوالين المتحركة ونوع الحلااااااااااااااااااقة جوردن ولما يبدوها من اسفل الرأس ناس المحلية يكبسو والحلاق يشيل مكنة الحلاقة ويجري

 

[Dunya]

رد: حااااااااااااااااااره والله حاااااااااااااره

حااااارة
تساهر الليالي انت والزملاء في مريض ونتعب لحد ما اتعافي من مرض صعب
بكرة تلقي الدكتور الكبير مطلع ورقة علمية في طريقة جديدة للتعامل مع المرض
الفلاني .. ولا اسم واحد فينا مذكور
وساعة العلاج والسهر حضرته كان في اجازة في المالديف
زي ده عليكم الله اسوو ليهو شنو؟؟؟؟؟
حاااااااارة وبنشرب في الشاي الحااار

 

[الزوول]

رد: حااااااااااااااااااره والله حاااااااااااااره

حارةه لما ترجع بلدك بعد غياب وتلقي الحله تغيرت معالمها والاحبه رحلووو

اهلين mam mustafa ومرحب حبابك عشره بلا كشره

عارف دي الحرورية البتحرر القلب وبتخلي العيون تكب وما بتقيف يازول انتي بتعرفني ولاشنو والله الشىء ده حصل لي بعد غربه 5 سنين رجعت درب بيتنا لولا بعض المعالم شجر ومركز البوليس كان تُهت لكن اخوك فاكي جوعيره لمت الحله كُلها .

وحاره لما تقعد وتسأل الناس من فلان وفلان وفلان وعزيز وصديق في الحله تسالهم يقولوا ليك ده مات ليهُ 6 شهور تاني تبكي وحاااااااااااره .

يازول العملتها فينا الغربه دي حاااااااااااااااره .


احترامي .

 

[الزوول]

رد: حااااااااااااااااااره والله حاااااااااااااره

حارة وحرينة زاطوووووووووو
الحر برضو حار
والرمة برضو حارة
الحار كتتتير
لكن كلام ود الطابية في محلو

اهلين اشباوي

الحر حااااااااااره شديد والكهرباء قاطعه

الرمه وحارسها ولا امانه عليك تقطع اضينك ما سته - شد واركب ( غمدت لبدت ) .
كلامو حااااااااار وحااااااار شديد .

احترامي .

 

[الزوول]

رد: حااااااااااااااااااره والله حاااااااااااااره

الحااااااااار
انك تقيف فى طابور طويل .. والشمس تلهب نافوخك
ولما تصل اقول ليك ... "خلصنا تعالوا بكرة .."

اهلين رمز الاحترام

عاره يا دنيتنا الجميله مره واحد منتظر كده الصف في الخدمه الالزاميه - قال لي عسكري لايسوي البوت اللابسهُ وخاتي ليهو سفه ورافع رجوله في المكتب فوق
ساله وين اسلتم الشهاده
قال لي قال ليهو تعال بُكره .
قال ليهو مافي طريقه الان
قال : تمشي يازول ولا اقوم احلق ليك صلعه .
السأل مهندس كمبيوتر في الدوحه . تخيلي الزول ده بحكي لي وعيونوا حمرت وكان داير يبكي عديل كده .

والحاااااااااااااااار كتير خلاص .

احترامي .

 

[الزوول]

رد: حااااااااااااااااااره والله حاااااااااااااره

وحاااارة لما تتشك دى !!

تحية

اهلين ليالي

عارفه يا ليالي كان تشتها شويه رغم حروريتها لكن ممكن تمشي الحال

قولي لو عندك بلوزه واحده نضيفه واليوم خميس وبعدين راجعه تغسلي الملابس عشان تكوي يوم الجمعه -
المهم نسيتي المكوه وطوالي جبتيها من قدام وشالت ليكي البلوزه شيله كده ما منها تصليحه بس تقعدي تعايني للمكوه
والمكوه زي البتقول ليكي كان صحي انتي جدعه المسيني عشان اشيل ليكي يدك كمان حااااااااااااااااااااره وحااااااااره .


احترامي

 

[الزوول]

رد: حااااااااااااااااااره والله حاااااااااااااره

الزول
والمتداخلين المشوشوين
سلام

حاااااااااااره لما الزول يغسل ويقرض ويظهر ويشر الهدوم ... وطق ( احابيله ) تتقطع

( حى ....وتانى حى )

هههههههههههههههههه
اهلين كاميلا شايفه الضحكه الفوق دي طالبك ليها

احي انا حااااااااااااااره شديد دي والله التقول بس في زول دعي عليكي وقولي كان زول من ناس البيت قام وعمل فيها ظريف وقال ليكي انا مش كلمتك الهدوم ديل كووووتار ما تشريهم في السلك ده طلعي ليكي سرير شرشري فيهو الهدوم التُقال ديل .
تنفصمي فيهُ انفصام وتبردي جوفك فيهُ .

صحي حااااااااااااااااره دي حرورية ما بعدها حروريه .

وحاااااااااااااره اكتر لو كُنتي مكشحه موية الغسيل في الحوش وتحت السلك ونزلوا كده في الحته اللينه ياااااااااااي حاااااااااااااااره .

احترامي .

 

[الزوول]

رد: حااااااااااااااااااره والله حاااااااااااااره

بالجد يا الزوول حارة وباين عليك انت ضايقها اعترف ساي ههههههههههه
بالجد اغنية هاشم ميرغني حان الزفاف وانا حالي كيفين بوصفه
بكيت فيها لمن الدموع نضبت وقعدت
افتش لي ريقي ابلعه برضو ما لقيته كل السوائل نشفت وخشمي بقى
ملح ملح
كلامك ده كلام خبير ضاق الالم والمر وانضرب شاكوش يفت الحديد :003:
كله اصبح ذكريات لكن لا بتتنسي لا من الذاكره بتفوت لمن الواحد يموت :hang:

اهلين حبابك يازول ياطيب

عارف يا الحبيب موضوعي ما ضواقه بس شبع عدددديل بخشمم الباب اخوك لكن صنديد يدوهوا شاكوش بي جاي ينقلب على الصفحه التانيه يحب تاني

اصلي مقتنع بي الشطر الاول من البيت ده

نقل فؤادك حيث شئت من الهوى

اياك واياك تكمل البيت ده

لو كملتوا ح تتزوق مرارة الشاكوش

اسال خبير ومُجرب .


وحاااااااااااااار لما تحضر الحفله يا تكون نايم في البيت وناس البيت يجوا يقول ليك الليله ما عرس فلانه ما ماشي ولاشنو قالو حفلتهم بالفنان الانته بتسمعوا طوالي . احي انا حاااااااااااااااره تكتل القلب الاصلو مُعني .


احترامي

 

[الزوول]

رد: حااااااااااااااااااره والله حاااااااااااااره

حااااارة
تساهر الليالي انت والزملاء في مريض ونتعب لحد ما اتعافي من مرض صعب
بكرة تلقي الدكتور الكبير مطلع ورقة علمية في طريقة جديدة للتعامل مع المرض
الفلاني .. ولا اسم واحد فينا مذكور
وساعة العلاج والسهر حضرته كان في اجازة في المالديف
زي ده عليكم الله اسوو ليهو شنو؟؟؟؟؟
حاااااااارة وبنشرب في الشاي الحااار

اهلين رمز الاحترام

عارفه يا دكتوره دي اسمها
الخيل تجغلب والشُكر ليك ياحماااااد

والله حااااااااره تقطع حتة التفكير في المُخ .

قولي نحن الاداريين ديل تصيغ الخطاب وتعمل ليه رقم صادر وتنزله في الجهاز والمدير يوقع بس - الترقيه وزيادة الراتب للمدير ونحن قاعدين نتفرج حاااااااااااااااااره .


احترامي .

 

[عماد بطة]

رد: حااااااااااااااااااره والله حاااااااااااااره

قول بسم الله

 

[عابرة]

رد: حااااااااااااااااااره والله حاااااااااااااره

قول بسم الله

كان قال بسم الله
بتبقي باااااارده والله بااااااارده ؟
:smilie11:
عماد تحياتي ​

 

[الزوول]

رد: حااااااااااااااااااره والله حاااااااااااااره

قول بسم الله

اهلين عماد بطه

الظاهر عليك داير تبداء في الحرورية بتاعتك

بسم الله بدينا

دي بي بسملتها الزول ده انكوى بالحاااااااااار كتير .

-------------

احترامي