انتخاب الرئيس لزومو شنو؟؟

معتصم سليمان كاشف

معتصم سليمان كاشف

:: كاتب نشـط::
لماذا يترشح الامام المشير المفدى عمر البشير ؟ ما ببقى رئيس بدون انتخابات؟
ولماذا الانتخابات والصرف فى الفاضى ؟
اصلا النتيجة محسومة ومعروفة يبقى ما فى داعى تقوم تعمل الحوامة بتعتك وتخطب فى الناس ب (على الطلاق) وتختمها برقصتك السكسكونية والمرة دى حتكون كاربة بعد اجراء التعديلات الماكنة للركب (يابانى اصلى) ثم من الذى سيغامر ويحاول ينزل ضدك فانت تملك المال والحاشية والطبالة من مذيعات وتلفزيون وردايو ومكبرات صوت ايرانية وتركية وحاجات تانية... لزومو شنو يا سيادتك ؟؟ اتخيل انو واحد مجنون قام نزل ضدك والناس عندا فيك قاموا صوتوا ليهو!! يبقى ايه موقفك مع الامم البرانية؟ تفتكر بيشوف بكرة ؟ اذا مافى داعى يا عمر تعملوا نتخابات.. ومافى داعى تحملوا المواطن المغلوب على امره مصاريف الانتخابات
احسن حاجة تعملوها توزعو نص القروش بيناتكم والنص التانى للشعب السودانى ..واهو كلكم تكونوا اخدتو الفى النصيب.. طبعا فى القسمة دى ناس الصف الاول والتانى ما عندهم نصيب لانهم اخدو الدايرنو بالتمام والكمال. خلوها للناس الصغار.
بالمناسبة وقبل الانتخابات ..اخبار كسرات جبرة المكسورة وما دايرة تنجبر شنو؟؟
واخبار الحاويات التلاتة شنو ؟
واخبار سودان لاين شنو؟؟
واخبار الواد بتاع الوالى ....وووو مشروع الجزيرة وين؟؟؟؟؟؟؟؟؟
 
رد: انتخاب الرئيس لزومو شنو؟؟

قالو في اثنين واحد عنده دجاجه والثاني عنده ديك قامت الدجاجة وضعت بيضه واحده بتاع الدجاجة قال البيضه حقتي انا وبتاع الديك قال البيضه حقتي انا حجة بتاع الديك ان لولا ديكو فسه في الدجاجه ماكانت بيضة وبتاع الدجاجة ان دجاحته كانت بتبيض من غير الفسوه دي يعني لزوم اللف والدوران تعملوا انتخابات ما الفسوة تحصيل حاصل فائز فائز
 
يجب تسجيل الدخول أو التسجيل كي تتمكن من الرد هنا.
أعلى أسفل