ا
ابو نمر
Guest
يا جايانى وجايى معاكى الزمن الرايق
انا راجيكى ومستنيكى بى لهفة خافق
***
يا جايانى وانا راجيكى
دفق الشوق زلزلنى وبرح
ايدى فى ايدك خطوة بخطوة
بمرق غيمة معاك نتفسح
بالمشوار دفينا السكة
والكفين بالمطرة بتنضح
لا مرتعشة خطاك مرتبكة
عزمك ما صداك واتارجح
لا مرعوبة نواظرك خايفة
ومض البرق البجهر ويقدح
***
اكسرى حاجز الفرقة تعالى
جيتك تجبر خاطر المنية
تمى معاى مطلع موالى
شيلى معاى الحان الغنية
بهتف ليك بالصوت العالى
بيك احلوت لى الدنيا
***
اى مكان فى الكون عالمنا
بيك يكتسب اللون والنكهة
واى زمان يصدف يجمعنا
يدى حياتنا طعامة البرهة
وانت معاى حواسنا تسكن
عمق الريد صاحية ومنتبهة
انا راجيكى ومستنيكى بى لهفة خافق
***
يا جايانى وانا راجيكى
دفق الشوق زلزلنى وبرح
ايدى فى ايدك خطوة بخطوة
بمرق غيمة معاك نتفسح
بالمشوار دفينا السكة
والكفين بالمطرة بتنضح
لا مرتعشة خطاك مرتبكة
عزمك ما صداك واتارجح
لا مرعوبة نواظرك خايفة
ومض البرق البجهر ويقدح
***
اكسرى حاجز الفرقة تعالى
جيتك تجبر خاطر المنية
تمى معاى مطلع موالى
شيلى معاى الحان الغنية
بهتف ليك بالصوت العالى
بيك احلوت لى الدنيا
***
اى مكان فى الكون عالمنا
بيك يكتسب اللون والنكهة
واى زمان يصدف يجمعنا
يدى حياتنا طعامة البرهة
وانت معاى حواسنا تسكن
عمق الريد صاحية ومنتبهة