ﺭﺑﺎﻋﻴﺎﺕ ﻓﻲ ﺍﻟﻐﺰﻝ

ابو نمر

:: المشــرف العــام ::
ﺍﻟﺮﺑﺎﻋﻴﺔ ﺍﻷﻭﻟﻰ :
ﺇﻥ ﻣﺪﺣﻮﻛﻲ ﻳﺼﻐﺮﻭﺍ ﻣﻦ ﻣﺪﻳﺤﻚ ﻧﺎﺱ
ﻭﺇﻥ ﻭﺻﻔﻮﻛﻲ ﻭﺻﻔﻚ ﻣﺎ ﺑﺸﻴﻠﻮ ﺍﻟﺮﺍﺱ
ﻭﺇﻥ ﻗﺎﺳﻮﻛﻲ ﻭﻳﻦ ﻟﻴﻚ ﻳﺘﻠﻘﻲ ﺍﻟﻤﻘﻴﺎﺱ
ﺇﻧﺘﻲ ﻣﻜﻤﻠﻪ ﻭﻏﻴﺮﻙ ﺭُﺑُﻊ ﻭﺃﺧﻤﺎﺱ
ﺍﻟﺮﺑﺎﻋﻴﺔ ﺍﻟﺜﺎﻧﻴﺔ
ﺯﻱ ﺟﺪﻱ ﺍﻟﻐﺰﺍﻝ ﻛﺎﺣﻼﺕ ﻋﻴﻮﻧﺎ ﻭﺯﻳﻨﻪ
ﻭﺇﻥ ﻗﺎﻣـﺖ ﻣﺸﺖ ﺗﻘـﺪﻝ ﻣﺘﻞ ﻭِﺯِّﻳﻨﻪ
ﺍﻟﺴﺒﺐ ﺍﻟﻘﺒﻴﻞ ﺧـﻼﻫﺎ ﺗﺒﻘﻰ ﺣﺰﻳﻨﻪ
ﻗﺎﻟﺖ ﻟﻲ ﺑﺨـﺎﻑ ﻋﻴﻦ ﺍﻟﺤﺴـﻮﺩ ﺗﺄﺫﻳﻨﺎ

ﺍﻟﺮﺑﺎﻋﻴﺔ ﺍﻟﺜﺎﻟﺜﺔ:
ﺯﻱ ﻣﻬﺮ ﺍﻟﺴﺒﻖ ﻓﻲ ﻣﺸﻴﺘﻮ ﻭ ﺭﺣﻴﻠﻮ
ﺿﺎﻣﺮ ﻫﺎﻓﻮ ﺗُﻘﻞ ﺃﺭﺩﺍﻓﻮ ﻫﺪﻥ ﺣﻴﻠﻮ
ﻃﻠﻘﻮﻟﻮﺍ ﺍﻟﺒﺨﻮﺭ ﺟﺪﻉ ﻋﻘﻮﺩﻭ ﻭ ﺗﻴﻠﻮ
ﻃﺒﻖ ﺍﻟﺒﻮﺧﺔ ﻗﺎﻡ ﻋﺮﻗﻮ ﺍﻟﺼﻔﻴﺢ ﻣﺎ ﻳﺸﻴﻠﻮ
ﺍﻟﺮﺑﺎﻋﻴﺔ ﺍﻟﺮﺍﺑﻌﺔ
ﻣﻦ ﺻﺪﺭ ﺍﻟﻘﻤﺮ ﺭﺿﻌﺖ ﺭﻭﺕ ﻭﺟﻨﺎﺗﺎ
ﻭﻣﻦ ﺿﺮﻉ ﺍﻟﻐﺰﺍﻝ ﺣﻠﺒﺖ ﺳﻤﺎﺣﺘﺎ ﺟﺎﺗﺎ
ﻣﺘﻞ ﺍﻟﻀﻞ ﺑﺸﻴﺶ ﺟﻮﺍ ﺍﻟﻘﻠﻮﺏ ﻭﻟﺠﺎﺗﺎ
ﺗﺴﻜﻦ ﻓﻲ ﺍﻟﻨﻔﺲ ﺗﺘـﺎﻭﻯ ﻓﻲ ﺧﻠﺠﺎﺗﺎ
ﺍﻟﺮﺑﺎﻋﻴﺔ ﺍﻟﺨﺎﻣﺴﺔ
ﻗﺪﺭ ﻣـﺎ ﻗﻠﺖ ﺃﺗﻮﺏ ﻣﻦ ﺍﻟﻐـﺮﺍﻡ ﻭﻓﻌﺎﻳﻠﻮ
ﻳﺒﺮﺍﻧﻲ ﻭﻳﻔـﻮﺡ ﻃﻴﺐ ﺍﻟﻤﺴﻚ ﻓﻲ ﺟﺪﺍﻳﻠﻮ
ﻛﻴﻒ ﻋﺎﺩ ﺍﻟﻔﻜﺎﻙ ﻭﺍﻧﺎ ﻗﻠﺒﻲ ﻣـﺎ ﻛﺖ ﻗﺎﻳﻠﻮ
ﻳﺒﻘﻰ ﺍﻟـﺮﻳﺪ ﺩﻭﺍﻡ ﻓﻲ ﻛﺘﻔﻮ ﺣﺎﻳﻢ ﻭﺷﺎﻳﻠﻮ
ﺍﻟﺮﺑﺎﻋﻴﺔ ﺍﻟﺴﺎﺩﺳﺔ
ﺗﺠﻴﻚ ﺑﻲ ﻣﻬﻞ ﻭﺍﻟﻔﻠﺠﻪ.... ﻟﻤﺎ ﺗﺸﻮﻓﺎ
ﻋﻨﻘﺎ ﺑﺎﻫﻲ ﻣﺨﺮﻭﻃﻪ ﻭﻣﻀﻤﺮ ﺟﻮﻓﺎ
ﺯﻱ ﻣﻬﺮ ﺍﻟﺴﺒﻖ ﻣﺘﺤﻀﺮﻩ ﻭﻣﻜﻠﻮﻓﺎ
ﻗﻠﺒﻲ ﺍﻟﻜﺎﻥ ﺻﻤﻴﻢ ﺟﺎﺑﺘﻠﻮ ﻓﺮﻩ ﻭﺧﻮﻓﺎ
ﺍﻟﺮﺑﺎﻋﻴﺔ ﺍﻟﺴﺎﺑﻌﺔ
ﻳﺎ ﻗﺼﻴﺒﺔ ﺍﻟـﻮِﺍﺩَﻱ ﺍﻟﺸﺎﻝ ﺑﺮﻡ ﻗﻨﺪﻭﻻ
ﻟﺒَّﻦ ﻭﺇﻧﺘﻨﺖ ﺳـﺎﻗﺎ ﺍﻟﻨﺤﻴﻞ ﻣـﺎ ﺑﺸﻴﻼ
ﺇﻥ ﻧﻀﻤﺖ ﻣﺘﻞ ﺳﺠﻊ ﺍﻟﻘﻤﺎﺭﻱ ﻫﺪﻳﻼ
ﻭﺇﻥ ﺿﺤﻜﺖ ﻣﻄﺮ ﻳﺠﺮﻑ ﺭﻭﻳﺤﺘﻚ ﺳﻴﻼ
ﺍﻟﺮﺑﺎﻋﻴﺔ ﺍﻟﺜﺎﻣﻨﺔ
ﺇﻥ ﻣﺮﻳﺘﻰ ﻓﺮﻋﺎ ﺑﺎﻟﻨﺴﺎﻳﻢ ﻣـــــــــــﺎﺱ
ﻭﺇﻥ ﻣﺴﻮﻙ ﻣﻦ ﻣﺴﻚ ﺑﺨﺎﻓﻮﺍ ﺍﻟﻤـــﺎﺱ
ﻓﻰ ﺻﺪﺭﻙ ﻗﻨﺎﺑﻼ ﺧﻮﻓﻦ ﻓُـــــــــــﺮﺍ ﺱ
ﻭﻓﻰ ﻋﻴﻨﻴﻚ ﺑﺘﻮﻩ ﺍﻟﺰﻭﻝ ﺗﻘﻮﻝ ﻣﻮ ﺣﺎﺱ
ﺍﻟﺮﺑﺎﻋﻴﺔ ﺍﻟﺘﺎﺳﻌﺔ
ﺁﻩ ﻣﻦ ﻧﺎﺭﻙ ﺍﻟﺴﻤﺤﻪ ﺍﻟﻠﻬﻴﺠﻪ ﻋﺴﻴﻼ
ﻭﺁﻩ ﻣﻦ ﺧﺪﻙ ﺍﻟﻮﺻﻔﻮ ﺍﻟﻨﻀﻴﺮ ﻭﺃﺳﻴﻼ
ﻭﺁﻩ ﻣﻦ ﻭﺻﻠﻚ ﺍﻟﺘﺐ ﻣﺎ ﻟﻘﻴﺘﻠﻮ ﻭﺳﻴﻠﺔ
ﻭﺁﻩ ﻣﻦ ﺩﺭﺑﻚ ﺍﻹﺻﻠﻮ ﻣﺎ ﻟﻘﻴﺘﻠﻮ ﺳﺒﻴﻼ


.
.
اعجبني
 
رد: ﺭﺑﺎﻋﻴﺎﺕ ﻓﻲ ﺍﻟﻐﺰﻝ

لايكات كتااااار

ولايكات تاني كتار ..
اهلاً وسهلاً بت بشرى وحبابك الف فى الراكوبة .
اتمنى ان يطيب لكي المقام ونسعد بمواضيعك ونفخر بمشاركاتك .
 
رد: ﺭﺑﺎﻋﻴﺎﺕ ﻓﻲ ﺍﻟﻐﺰﻝ


ولايكات تاني كتار ..
اهلاً وسهلاً بت بشرى وحبابك الف فى الراكوبة .
اتمنى ان يطيب لكي المقام ونسعد بمواضيعك ونفخر بمشاركاتك .

وانت حبابك عشرة الف
و مقاكم زين
و مادام قلت كده اها جيتكم
 
رد: ﺭﺑﺎﻋﻴﺎﺕ ﻓﻲ ﺍﻟﻐﺰﻝ

وانت حبابك عشرة الف
و مقاكم زين
و مادام قلت كده اها جيتكم


هلا ومليون هلا بت بشرى
اشرقت الانوار واينعت الازهار بي ضياها
تحلا القعدة دايما بى حلات الفيها
كل واحد بقول الكلمة ما بضاريها
يا البيكم سعادتى وحزنتى المابيها
فيكم جد لقيت الطيبة من كل جيهة
 
ناح القمري جاب طاري الهجر للحي
وقاد الشوق جمر في قلبي ولع حي
وحين طار فَّر قلت من الحنين احي
متين الشوفة تنعاد ياكريم يا حي
،
 

  • من سيرة العيون ما كان أخير تختاني
    ليش تفتح علي بابا كم منو كنت بعاني
    كم لحظا هرد قلبي وتوّر علي مصراني
    وكم طرفا كحيل لي نوم عيوني حماني
 
أعلى أسفل