⋟ قدُر فتشت .. للرائع الراحل هاشم ميرغني⋞

ضى القمر

:: كــاتبة نشــطة ::

وهذا شعر من اكثر الاشعار التي احب .......

قدُر فتشت

قدُر فتَّشت ما لقيت لي شبه ساكت مقارب ليك
اتاريك بي قساوتك ديك
حَنان الدنيا كُلها فيك

اقول للناس نسيت ريدك ولا شاغلاني ذكراكِ
افتش دنيا غير دنياك ألاقي الدنيا دنياكِ
وعلى الدرب المشيناه زمان لسه خطايا راجياكِ
تكوني نسيتي كل الكان اريتني قِدرتَ انساكِ

وصدقي في بعادِك لي درب للفرحه ما لاقيت
لا دوبني بعدِك ريد ولا لعيون حُنان غنيت
قُلت وراكِ حأفرح يوم ياما كتير وراك شقيت
بعد لميت خطاي منك شنو الخلاني هسه جيت

وبعدِك كيف إكون حالي لمَّا يجيبو سيرتِك لي
مره بَلُوم زمن غدار ومرَّه اللوم بجيبو عَلي
بس ياريت الزمان إقبل تاني لي دنياكِ إرجع بي
منو القال ليك نسيت ريدِك ما ريدِك شايلو في عيني

قدُر فتَّشت ما لقيت لي شبه ساكت مقارب ليك
اتاريك بي قساوتك ديك
حَنان الدنيا كُلها فيك
 
أعلى أسفل