يوميات مدهول ، كلاكيت تاني مرة

رد: يوميات مدهول ، كلاكيت تاني مرة

...دي اخلاق بنات بتحب ؟ ما فهمتك قاصدة شنو؟ عايزا تورينا ناس عمتك ضبحو خروف في طهور بتهم نحن طهور البنات دا بنبلغ فيه عديييل ي هبلة... لو متخيالاها خفة دم .. نحن الحركة دي عندنا عواارة ودروشة وطلاق وفسخ خطوبة وقتل اي علاقة عاطفية بدم بااارد ... ي بت الناس في حاجة اسمها وردة من الصباح ..لكن صينية وليمة .. لالالا دي استاذ الغرام ما درسنا ليها ..ونظرية اقرب طريق لقلب الرجل معدته المحفظاها ليك امك دي ما بتخارج معانا .. نحن في رمضان بنطلق في العوارة دي .. وصينيتك دي غير الشطة بالدكوة الهناااك دي ما فيها حاجة ذاتو ... احييييييي انا منك القاها منك ولا من ناس الهريدي البشوو شيتهم من الساعة عشرة ... عموما يوم الليلة بسببك جلدته .. ودبلة الخطوبة وباقي الهدايا اديهم لي ريان بت الجيران .. وتاني سلام الله بينا مافي .. اقعدي باري لي امك .. في نهار رمضان تصبحي علي بصينية .. انتي قايلاني ابو لهب ولا شنو .. انعل ابوك ي واتساب ..بالمناسبة دي عاشر اخطوبة افسخها في رمضان
...كسرة للبت الحديقة ...
من بعدك كل شي صغر علي حتي القميص الكاروهات واتبهدلت ...ردي السلام خلي الروح ترجع لي
 
رد: يوميات مدهول ، كلاكيت تاني مرة

خالد بيرم الأمين العام للأمم المتحدة
......................................
.. الموضوع بسيط وما بحتاج لي تعب .. اسهل وظيفة في العالم بأغلي مرتب واكبر مخصصات ..كل الموضوع تلم مناديب وسفراء ورؤساء العالم وتقول ليهم : (اعرب عن قلقي لي ما يحدث في كيتك من كيتك) .. هسع اعراب القلق دا بحتاج لي البيعمل فيه بان كي مون .. والله البدلة كتيرة عليه دا حدو تلبس شورت وفانلة حمالات شربانة وسفنجة خضراء نخرتها مربوطة بي دبارة وتقيف تحت عمود كهرباء في ناصية اي بيت وتسف سفة تمباك كبييرة وبريالة سايلة وتقول للعالم (اعرب عن قلقي) . . نحن اعراب القلق عندنا دا حدو ..يعني مافي داعي لي تلتلت الروس والهنود وتجيبهم من اخر الدنيا وتلبس بدلة وكرفتة وجزمة ايطالية وشراب انجليزي ومنديل وعطر فرنسيين عشان تقول ليهم (اعرب عن قلقي لما يجري في كيتك من كيتك) .. قلقك دا ممكن تعربو في حيطة اي نادي ما محتاج تسيب كوريا وتجي تتجدع لينا في نيويورك عشان تعرب لينا عن قلقك ... ولو الحكاية حكاية قلق والله عندنا كمية قلق شايلينو يكفي الامم المتحدة لمدة عشرة قرون ...ولو اصلا الملايين دي بتقبضها عشان اعراب قلقلك.. من الليلة انا عينت نفسي امين عام الامم المتحدة .. والكلام دا كان مفروض اكتبه بالفرنسي او الروسي.. بس لأنو معانا ناس زي اللمبي وعايزين نوريهم البتعمل فيه الامم المتحدة .. وعايزينهم يفهموا انو البدلة اللابسها بان كي مون مافي تحتها غير اعراب عن قلقه زي ندين ونستنكر بتاعت جامعة الدول العربية ...وعشان برضو يقول للريس انو حكاية محكمة الجنائيات الدولية دي ما اكتر من اعراب عن قلق زيو وزي الحرقان فورة اندروس بتروحوه.
... وبعد ما استلم منصب الأمين العام للامم المتحدة .. ابدأ ليكم باعراباتي عن قلقي .. واول حاجة بعد اعراب قلقي عن البت الحديقة ح اعرب ليكم عن قلقي علي موبايلي الجلاكسي لأنو ما عايز يطور نفسه لي نوت6 .. وبعد داك اعرب ليكم عن قلقي من غنم جيرانا ناس هريدي ..وزريبة وكلب انور لأنو بهددوا الأمن الاجتماعي في الحلة وعشان امشي لي ناس خالتنا الفي ناصية بيتنا مجبور امشي ليهم بدرب التبانة .. وكذلك اعرب عن قلقي لعدم زواجي انا وتلاتة من اعز اصحابي واعرب عن قلقي للارتفاع الجنوني في سعر التمباك .. حكاية السكر والدقيق والعيش والزيت والوقود والكهرباء والدواء ح نخليها لي جامعة الدول العربية عشان تلقا ليها حاجة تدين وتستنكر فيها .. نحن ما طماعين .. وبرضو طعمية مصطفي الحلفاوي بعرب عن قلقي لبورتها ... وطالما ما جيبنا سيرة البورة والبنات نططو عيونهم .. اعرب عن قلقي لارتفاع نسبة البايرات في السودان ... شفتو الحكاية ساهلة كيف وما محتاجة ليها لي بدلة وكرفتة وبان كي مون .. اعراب القلق اسهل منه مافي واي واحد او واحدة عنده مشكلة رسلوها لي في الخاص وانا اعرب ليكم عن قلقي عليها ... واما عن مشكلة فلسطين وتفجيرات داعش .. مني للمجتمع الدولي مليون اعراب عن قلقي ولمن المليون اعراب دي تنتهي بكون حصل واحد في الاتنين بخصوص فلسطين يا انقرض الفلسطينين او زهج اليهود من طقيع حجارة اطفال فلسطين وطلعو منها ..وبرضو ح نعرب عن قلقنا وبخصوص داعش يا فجروا العالم كله وريحونا يا قطر وامريكا وتركيا فلسو وفكوهم عكس الهواء ... وايضا اعرب عن قلقي علي ما يجري في نهر النيل من المنبع الي المصب ...ولسع في اعرابات عن قلقي كتيييرة بس الزمو الصبر ..واوعدكم اعرب ليكم عن قلقي بخصوص الدهشة ظاااتووو .... واما بخصوص حكومة السودان والله لمن تعفن ما ح اعرب ليكم عن قلقي عليها
.... كسرة للبت الحديقة ...
رغم اني لي زمن ما سمعت صوتك ومشتاق ليه بس برضو (اعرب عن قلقي للعبرة الفي صوتك ..)
 
رد: يوميات مدهول ، كلاكيت تاني مرة

خبر الشؤوم!!!!
...عادي جدا تصحي الصباح وتقول عايز اكتب قصيدة وتكتبها وممكن كمان نكون قاعدين مجموعة ونقرر نكتب قصيدة او رسالة حب لأي بت حديقة .. كان الكلام ساهل بس رصين ورزين.. وكانت الاغنية هي البتتحكم في وجدانا .. لمن نحس بالحزن .. بنلقي وردي بيغني لينا الحزن القديم .. وود المقبول يشدو بالحزن النبيل .. ولمن نشتاق لي محطة الوطن الكبير كان القطار هو رمز البعاد وننداح مع بابكر الزكار وندوب في قطار الشوق ..ونستناهو عشان ..نزور بلدا حنان اهلها .. ونحس بي نسائم عطبرة الحلوة .. ولمن يبعد مننا حبيب بنلاقي صوت أبو علي يزلزل فينا من جوا .. قطاره حﻻ ي ناس قطاره حلا .. وترك لي عمري الالآم والمظنة .. ... وبرضو الدوش بصوت وردي يشجينا ونحن وبنفتش للراح مننا ... بقاااابلك في زمن ماشي وزمن جاي وزمن لسع واشوف الماضي فيك باكر .. وياريت باكر يكون هسع ... .. ولمن الشوق يسابق خطواتنا بنلقي مصطفي بيغني لينا .. يا ضلنا المرسوم علي صدر المسافة وشاكي من طول .. قول للبنية الخايفة من نيران الطريق تحرق بيوتات الفريق ... قول ليها ما تتخوفي ...وبرضو بنرسل مع الكابلي ..مرسال الشوق.. ولمن خلاااص تضيق بينا .. بنغني مع عقد الجلاد .. حاجة امنة اتصبري ...
...حتي الحب المؤدب فينا كنا بنلاقيه في اغاني ابو عركي . بخاف اسأل عليك الناس .. .. ونغني برضو معاه .. بس تاني لمن تسيبني وتسافر .. خت في بالك انو دنياي في مدارك .. جد لفافات الصبر انا دخنتها .... وبرضو يجينا ود اللمين يدندن بذاد الشجون . .. وبرضو هو الخلانا نتعلم من الايام . . ولمن نحتار بنسأل مع زيدان ابراهيم .. مين علمك يا فراش تعبد عيون القاش .. ولمن خلاص تقفل معانا ..بكل الشجن الجوانا ونغني مع ابراهيم عوض .. ليه بنهرب من مصيرنا ... ونحلق مع الكاشف في رحلة بين طيات السحاب .. وبنعبر عن محالة لقاء الحبيب .. باغاني سيد خليفة ... انت السماء بدت لنا واستعصمت بالبعد عنا ... ولأن المناديل كانت رمز العشاق .. كانت اغنية ابو داؤود .. المنديل .. بتشجينا وتزيدنا طرب .. ..... و...... و.... عيييييك غناوي الزمن الجميل ما بتكمل ولا نحن بننسي انو نحن من الزمن الجميل .... ولسع في الكتير... بس خبر الشؤوم دي جاتنا من وين .. والناس الجوا الخبر الشؤوم دا منو الاداهم حق يتحكمو ويتحكرو فيك ي بلد؟؟؟؟؟؟؟؟؟؟؟؟؟؟؟
......كسرة للبت الحديقة .....
....العمر زادت غلاوته معاك ي احن الناس ....
ولمن كتبتي لي (أفل نجمك)والله ما زعلت ..وبعد زمن من بعيد شفتك وكنت بين تعب السنين مندسي ومنسي.. وفي سري غنيت ليك :
لمحتك ..
وقلت بر آمن ..
...وبديت احلم..
............
عليك الله خليني اتم حلمي
 
رد: يوميات مدهول ، كلاكيت تاني مرة

..القنوات المصرية مستفزة جدا .. تحضر المسلسل بكون تلاتة ارباع الحلقة ما بين المطبخ في البيت او مطاعم الفايف استار .. والدعايات مطاعم ام حسن ما بتقصر .. اما القنوات اللبنانية بتجرح الصيام بخنجر مسموم زي خنجر ابو لؤلؤة المجوسي..
..اما القنوات السودانية منها ولغرفة الانعاش .. ضغط وسكري وانفصام شخصية عشان تجهجه الاطباء في الطب القروه ظاااتو...
...كسرة للبت الحديقة...
ما قلنا طلقانة ..تاني في شنو؟
 
رد: يوميات مدهول ، كلاكيت تاني مرة

شكراً للمرة المليون خالد، والله ابدعت وامتعت عيوماومشاعرنا واحاسيسنا بقلمك، تصور بوستيك دا بساهر بيهو الليل!
كن بعافية يا جميل
 
رد: يوميات مدهول ، كلاكيت تاني مرة

خالد بيرم الأمين العام للأمم المتحدة
......................................
.. الموضوع بسيط وما بحتاج لي تعب .. اسهل وظيفة في العالم بأغلي مرتب واكبر مخصصات ..كل الموضوع تلم مناديب وسفراء ورؤساء العالم وتقول ليهم : (اعرب عن قلقي لي ما يحدث في كيتك من كيتك) .. هسع اعراب القلق دا بحتاج لي البيعمل فيه بان كي مون .. والله البدلة كتيرة عليه دا حدو تلبس شورت وفانلة حمالات شربانة وسفنجة خضراء نخرتها مربوطة بي دبارة وتقيف تحت عمود كهرباء في ناصية اي بيت وتسف سفة تمباك كبييرة وبريالة سايلة وتقول للعالم (اعرب عن قلقي) . . نحن اعراب القلق عندنا دا حدو ..يعني مافي داعي لي تلتلت الروس والهنود وتجيبهم من اخر الدنيا وتلبس بدلة وكرفتة وجزمة ايطالية وشراب انجليزي ومنديل وعطر فرنسيين عشان تقول ليهم (اعرب عن قلقي لما يجري في كيتك من كيتك) .. قلقك دا ممكن تعربو في حيطة اي نادي ما محتاج تسيب كوريا وتجي تتجدع لينا في نيويورك عشان تعرب لينا عن قلقك ... ولو الحكاية حكاية قلق والله عندنا كمية قلق شايلينو يكفي الامم المتحدة لمدة عشرة قرون ...ولو اصلا الملايين دي بتقبضها عشان اعراب قلقلك.. من الليلة انا عينت نفسي امين عام الامم المتحدة .. والكلام دا كان مفروض اكتبه بالفرنسي او الروسي.. بس لأنو معانا ناس زي اللمبي وعايزين نوريهم البتعمل فيه الامم المتحدة .. وعايزينهم يفهموا انو البدلة اللابسها بان كي مون مافي تحتها غير اعراب عن قلقه زي ندين ونستنكر بتاعت جامعة الدول العربية ...وعشان برضو يقول للريس انو حكاية محكمة الجنائيات الدولية دي ما اكتر من اعراب عن قلق زيو وزي الحرقان فورة اندروس بتروحوه.
... وبعد ما استلم منصب الأمين العام للامم المتحدة .. ابدأ ليكم باعراباتي عن قلقي .. واول حاجة بعد اعراب قلقي عن البت الحديقة ح اعرب ليكم عن قلقي علي موبايلي الجلاكسي لأنو ما عايز يطور نفسه لي نوت6 .. وبعد داك اعرب ليكم عن قلقي من غنم جيرانا ناس هريدي ..وزريبة وكلب انور لأنو بهددوا الأمن الاجتماعي في الحلة وعشان امشي لي ناس خالتنا الفي ناصية بيتنا مجبور امشي ليهم بدرب التبانة .. وكذلك اعرب عن قلقي لعدم زواجي انا وتلاتة من اعز اصحابي واعرب عن قلقي للارتفاع الجنوني في سعر التمباك .. حكاية السكر والدقيق والعيش والزيت والوقود والكهرباء والدواء ح نخليها لي جامعة الدول العربية عشان تلقا ليها حاجة تدين وتستنكر فيها .. نحن ما طماعين .. وبرضو طعمية مصطفي الحلفاوي بعرب عن قلقي لبورتها ... وطالما ما جيبنا سيرة البورة والبنات نططو عيونهم .. اعرب عن قلقي لارتفاع نسبة البايرات في السودان ... شفتو الحكاية ساهلة كيف وما محتاجة ليها لي بدلة وكرفتة وبان كي مون .. اعراب القلق اسهل منه مافي واي واحد او واحدة عنده مشكلة رسلوها لي في الخاص وانا اعرب ليكم عن قلقي عليها ... واما عن مشكلة فلسطين وتفجيرات داعش .. مني للمجتمع الدولي مليون اعراب عن قلقي ولمن المليون اعراب دي تنتهي بكون حصل واحد في الاتنين بخصوص فلسطين يا انقرض الفلسطينين او زهج اليهود من طقيع حجارة اطفال فلسطين وطلعو منها ..وبرضو ح نعرب عن قلقنا وبخصوص داعش يا فجروا العالم كله وريحونا يا قطر وامريكا وتركيا فلسو وفكوهم عكس الهواء ... وايضا اعرب عن قلقي علي ما يجري في نهر النيل من المنبع الي المصب ...ولسع في اعرابات عن قلقي كتيييرة بس الزمو الصبر ..واوعدكم اعرب ليكم عن قلقي بخصوص الدهشة ظاااتووو .... واما بخصوص حكومة السودان والله لمن تعفن ما ح اعرب ليكم عن قلقي عليها
.... كسرة للبت الحديقة ...
رغم اني لي زمن ما سمعت صوتك ومشتاق ليه بس برضو (اعرب عن قلقي للعبرة الفي صوتك ..)

اعرابك عن قلقك لازم تستخدم فيهو قواعد سيبويه بصفتك من العرب المستعربة فرع السودان
وبعيدا عن اعراباتك دي كلها والجار والمجرور والناصب والمنصوب وهيئة النصابين الدولية بسعلك بالجنبة كدا
دحين طعمية مصطفى الحلفاوي بقت تبور ؟
المانت بتخلس من ضو والناس تكوسها كواس
حصل شنو ! .. صحيح دنيا فرندقس وابو الحصين راكبلو فرس ... سلامات لمصطفى الحلفاوي
وسلامات للبت الحديقة رغم الظروف :005:
 
رد: يوميات مدهول ، كلاكيت تاني مرة

الاكثر جمالاً ابراهيم حوشه
منورنا والله
 
رد: يوميات مدهول ، كلاكيت تاني مرة

شكراً للمرة المليون خالد، والله ابدعت وامتعت عيوماومشاعرنا واحاسيسنا بقلمك، تصور بوستيك دا بساهر بيهو الليل!
كن بعافية يا جميل
... العزيز سايمون ، تشكرات للاطراء
 
رد: يوميات مدهول ، كلاكيت تاني مرة

اعرابك عن قلقك لازم تستخدم فيهو قواعد سيبويه بصفتك من العرب المستعربة فرع السودان
وبعيدا عن اعراباتك دي كلها والجار والمجرور والناصب والمنصوب وهيئة النصابين الدولية بسعلك بالجنبة كدا
دحين طعمية مصطفى الحلفاوي بقت تبور ؟
المانت بتخلس من ضو والناس تكوسها كواس
حصل شنو ! .. صحيح دنيا فرندقس وابو الحصين راكبلو فرس ... سلامات لمصطفى الحلفاوي
وسلامات للبت الحديقة رغم الظروف :005:
و قريباً من موقع الحدث ... هجمتني بطعمية مصطفي الحلفاوي ، امبارح متسحر بيها والليلة ح افطر بيها ويوم العيد الصباح فطوري برضو بيها ، وكما الشعراء بقول ليك : طعمية مصطفي شكلت وجداني هههههه
وتاني هاااام البت الحديقة طلقتها طلاق وجباتنا لطبق لحمة
 
رد: يوميات مدهول ، كلاكيت تاني مرة

من نظرية الدفاع بالنظر لي صرف النظر (1)
..........................................
تباشير خريف
طبعا الخريف من قالو ليه اللمبي اتعين والي الخرطوم .. انبسط اخر انبساطة وختة سفة وخلف سحابة فوق سحابة وقال تاني جيتنا باليل وطافين انوارنا وقاطعين سلك بورينا .. يعني لا برق ولا رعد ....
..وبينما كانت مؤسسة الرئاسة بتذيع في الوزارة الجديدة .. كان حبيبنا اللمبي .. خاتي السماعات وبسمع في جديد اغاني علي كبك .. ويدندن ..:
ي السايق التراكتر ..
بجري وراك واتعتر
ولو ففكتي مني هسع بفطر بكستر..
واقع من راس البيت وحتة حتة اتكسر
وعليك الله ما.......
ترن ترن ترن تلفون من القصر واللمبي عاين للنمرة .. وقال هااا
وواصل في غنية علي كبك
..وعليك الله ما تخليني عشان ما اتكسر
وبسببك الدكاكين اتعدم فيها الكستر ..
....ترن ترن ترن النمرة الخاصة بتاعت أبووو ..كبيير ..اللمبي طنطن وقال : يااااخ دا وقته .. ورد علي التلفون بكسل : الو قطعت لي غنية علي كبك
:ولا يهمك ي عبدو .. ابشرك تم تعينك والي للخرطوم ..
:لا لا لا علي الطلاق انا وزارتي ما بخليها .. اقول شنو للنظريات الما تمت دي ..وبي ياتو منطق من وزير دفاع ابقا والي الخرطوم ي شماتت ود بيرم فيني ... لالالالالا
:صلي علي النبي ي عبدو .. انت مثلك الاعلي في العسكرية منو ؟ مش عمرو بن العاص
:ااااي مثلي الاعلي عمر بن العاص وانت عمر بن الخطاب .. الحاجة دي من زمن الكلية متفقين عليها.
:طيب مش زمن عمر بن الخطاب .. عمرو بن العاص شالو من الجيش وبقي والي مصر..
:ايوا خلاص انا كمان بقوني والي مصر .. بس الخرطوم دي ما نافعة معاي..
:لكن يا عبدو .. مصر دي دولة قايمة بي ذاتها والخرطوم دي ولاية زيها وزي شيكاغو في امريكا....
اللمبي سرح بخياله بعيييد وقال: طيب خلاص وكتين ولاية لي ولاية .. انا عايز ولاية شيكاغو ..بقوني والي شيكاغو .. أن شاء الله شريف شيكاغو ..عشان الكاوبويات ديل اوريهم حاجة اي حصان بقطعو ليك ايصال من المحلية .. والعجب لو لميت في ناس سارتانا وترنتي وأميقو وديجانقو ..والله اطبق فيهم نظرية صرف النظر عني والله سلام الله ما اديهو ليهم ح اتغابا فيهم العرفة عديل اهئ اهئ اهئ ..
:يا زووول عايز تجيب لينا هوا امريكا دي ما معانا وعدانا مع الخيانة ... حدك ولاية الخرطوم بس..
:خلاص موافق بس عندي شرط ودا ما بتنازل منه ..
:اشرط ي سيدي
:ضموا لي مع الخرطوم ..أم درمان وبحري ومبني الاذاعة والتلفزيون.. كدا برضي ابقا ليكم والي .. غير كدا خلوني في دفاعي...
:ابشر ي الحبيب ح نضمهم ليك . وكدا اعتمدناك والي ولاية الخرطوم
:من هسع بدينا الزمزقة .. اسمها ولاية الخرطوم وبحري وأم درمان ..والاذاعة
.......
اول يوم في مكتب الوالي ...
اللمبي لي مدير مكتبه : جيب لي ملفات الولاية دي كلها عشان اصرف ليك عنها النظر .. والله نحن لو ودونا الواق واق ..النظر دا ما بنخلي ..
....ونواصل...
....كسرة للبت الحديقة..
..والله كل يوم روحي بتهاتي بيك
 
رد: يوميات مدهول ، كلاكيت تاني مرة

من نظرية الدفاع بالنظر لي صرف النظر (1)
..........................................
تباشير خريف
طبعا الخريف من قالو ليه اللمبي اتعين والي الخرطوم .. انبسط اخر انبساطة وختة سفة وخلف سحابة فوق سحابة وقال تاني جيتنا باليل وطافين انوارنا وقاطعين سلك بورينا .. يعني لا برق ولا رعد ....
..وبينما كانت مؤسسة الرئاسة بتذيع في الوزارة الجديدة .. كان حبيبنا اللمبي .. خاتي السماعات وبسمع في جديد اغاني علي كبك .. ويدندن ..:
ي السايق التراكتر ..
بجري وراك واتعتر
ولو ففكتي مني هسع بفطر بكستر..
واقع من راس البيت وحتة حتة اتكسر
وعليك الله ما.......
ترن ترن ترن تلفون من القصر واللمبي عاين للنمرة .. وقال هااا
وواصل في غنية علي كبك
..وعليك الله ما تخليني عشان ما اتكسر
وبسببك الدكاكين اتعدم فيها الكستر ..
....ترن ترن ترن النمرة الخاصة بتاعت أبووو ..كبيير ..اللمبي طنطن وقال : يااااخ دا وقته .. ورد علي التلفون بكسل : الو قطعت لي غنية علي كبك
:ولا يهمك ي عبدو .. ابشرك تم تعينك والي للخرطوم ..
:لا لا لا علي الطلاق انا وزارتي ما بخليها .. اقول شنو للنظريات الما تمت دي ..وبي ياتو منطق من وزير دفاع ابقا والي الخرطوم ي شماتت ود بيرم فيني ... لالالالالا
:صلي علي النبي ي عبدو .. انت مثلك الاعلي في العسكرية منو ؟ مش عمرو بن العاص
:ااااي مثلي الاعلي عمر بن العاص وانت عمر بن الخطاب .. الحاجة دي من زمن الكلية متفقين عليها.
:طيب مش زمن عمر بن الخطاب .. عمرو بن العاص شالو من الجيش وبقي والي مصر..
:ايوا خلاص انا كمان بقوني والي مصر .. بس الخرطوم دي ما نافعة معاي..
:لكن يا عبدو .. مصر دي دولة قايمة بي ذاتها والخرطوم دي ولاية زيها وزي شيكاغو في امريكا....
اللمبي سرح بخياله بعيييد وقال: طيب خلاص وكتين ولاية لي ولاية .. انا عايز ولاية شيكاغو ..بقوني والي شيكاغو .. أن شاء الله شريف شيكاغو ..عشان الكاوبويات ديل اوريهم حاجة اي حصان بقطعو ليك ايصال من المحلية .. والعجب لو لميت في ناس سارتانا وترنتي وأميقو وديجانقو ..والله اطبق فيهم نظرية صرف النظر عني والله سلام الله ما اديهو ليهم ح اتغابا فيهم العرفة عديل اهئ اهئ اهئ ..
:يا زووول عايز تجيب لينا هوا امريكا دي ما معانا وعدانا مع الخيانة ... حدك ولاية الخرطوم بس..
:خلاص موافق بس عندي شرط ودا ما بتنازل منه ..
:اشرط ي سيدي
:ضموا لي مع الخرطوم ..أم درمان وبحري ومبني الاذاعة والتلفزيون.. كدا برضي ابقا ليكم والي .. غير كدا خلوني في دفاعي...
:ابشر ي الحبيب ح نضمهم ليك . وكدا اعتمدناك والي ولاية الخرطوم
:من هسع بدينا الزمزقة .. اسمها ولاية الخرطوم وبحري وأم درمان ..والاذاعة
.......
اول يوم في مكتب الوالي ...
اللمبي لي مدير مكتبه : جيب لي ملفات الولاية دي كلها عشان اصرف ليك عنها النظر .. والله نحن لو ودونا الواق واق ..النظر دا ما بنخلي ..
....ونواصل...
....كسرة للبت الحديقة..
..والله كل يوم روحي بتهاتي بيك
 
رد: يوميات مدهول ، كلاكيت تاني مرة

حبيبي يا لمبي .. يا لمبي طمني
ـــــــــــــــــــــــــــــــــــــــــــــــــ
.. لاول مرة ومنذ زمن طويل التيلة ( زي قطن الجزيرة الله يرحمه ) .. نقعد انا واللمبي قعدة صفاء ونتونس .. انا كدا .. مزاجي يكون متعكر بمشي للمبي واقعد معاه قعدة صفاء واتونس .. ومن ونسته يا عكار المزاج بقي جن يا طلعت منه مبسوط .. دخلت علي اللمبي وكالعادة لقيته خاتي قدامه سبعة تلفونات اندرويد فيهم تلاتة 4g واللمبي ما عارف .. ومعاهم بلاي استشن .. وقاعد متمحن .. ما سالتو مالك ولا حتي سلام الله ما اديته ليه .. قعدت في كرسي قصاده وختيت يدي في خدي وضربت المحنة .. اللمبي احيانا بكون حسيس (حساس) .. سألني : مالك يا ابو الخا
: والله مافي حاجة .. غير حكاية العرس .. ما لاقي عروس واي واحد اشكي ليه يقول لي شن كتر بلا البنات العايزات عرس...
اللمبي : الناس كلامها صح شن كتر بلا البايرات ( اصلا اللمبي بحب يجيب الكلام من اخره) .. عموما انا عندي ليك طريقة تجزب بيها البايرات .. اصلا هن بعملن فيه تقال ودا سبب بورتهم ..
: واها اسوي شنو ؟؟
: تعرف يا ابو الخا زمان انا وعمك ابوو الكبير كنا كمسنجية وكمسارييين.. انت قايل الرئاسة والمنجهة دي ولدونا بيها .. والله ادردنا جنس دردرة في الدنيا .. وانا ح اديك عصارة دردرتنا في الكمسنجية والكمسرة.. الناس دي كلها دايشة .. وبكونو ما عارفين هم ماشين وين اها دورنا انا وصحبي بنوريهم يركبو وين .. وبنقيف ونكوريك باعلي صوتنا كوبر كوبر كوبر( معاها وقفة من اللمبي ونبحة باعلي صوت) .. اها ناس كوبر بيكبسو البص في ثواني البص بتملي .. مش انت بتاع تطبيق نظريات ..؟ طبق النظرية دي وصدقني ما ح تندم ..
: اطبقها كيف يعني .؟ يعني مثلا امشي ميدان جاكسون واكوريك كوبر كوبر كوبر ..
اللمبي : يا ود انت اهبلوني ولا شنو؟
: طيب اسوي شنو؟
اللمبي : تغيير بنطلون الجينز المعفن بتاعك دا وتقطع نقص بقميص احمر وبنطلون ابيض .. واهم حاجة (كررها تلاتة مرات) في لياقة القميص تربط منديل احمر .. واول ما تشوف بنات جايات عليك تقيف في نص الشارع وتكورك : عرس عرس عرس واهم حاجة تمد يدك الشمال زي مدت رقصة النبق النبق النبق .. وتف في وشي اكان ما البنات كبسن عليك زي كبسة الناس علي بص الحاج يوسف الساعة تلاتة ونص ...
... بيني وبينكم الفكرة عجبتني وقلت اجربها .. ومن ابتسامتي اللمبي عرف انو انا النظرية وقعت لي .. وقبل ما اقوم قال لي(نظام بستغلني) : شايف السبعة جلكسيات والايفونات ديل ومعاهم البلاي استيشن .. انا موقفهم في لعبة كلمة السر .. وسؤال كلمة السر وقفت لي في حلقي مع انو انا عارفة .. بس اجي اكتبه يطلع غلط .. وهو شاعر عراقي من اصل هندي وثوري وقضي حياته في المنافي ..
: اها وطلع منو
اللمبي : ضفر السنون ..
: ضفر ؟؟؟ ضفر دا بيلعب في المريخ ما شاعر ..
اللمبي : بيلعب في مريخ حنانك اقول ليك شاعر .. ياخ انا عرفتو منك وجنو يشتم الانظمة العربية وما عندو شغلة غير اغتصاب واحدة اسمها القدس .. ضفر السنون يااااخ ما اتزكرتو؟؟؟
انا في اللحظة دي حسيت اني عايز استفرغ من الهجمة وقلت ليه
: قصدك مظفر النواب .. وقبل ما اتم كلامي طار فيني اللمبي بريال مدريده :
ايووووووا نقرتوووو يااااااااااخ انعل ديييييييشك زااااااتو ياااااااااخ !!!
... انة وجع ...
.. لسع ما وريتونا منو النتف شجرة الصندل الخشم باب القصر الجمهوري ..
.. كسرة للحلفت تاني ما اجيب سيرتها..
.... الله يسامحك ( تعديل لللمرة العاشرة)
 
رد: يوميات مدهول ، كلاكيت تاني مرة

البت هداية
.............
... اسوأ مافي الاعلانات هذا العام هو ان 25% من زمنها مسلسلات .. أنا ربنا خلقني بحب الاعلانات والدعايات .. فرجتي المفضلة في الدنيا الاعلانات .. اكون صايم وخاتي مسواك في خشمي .. لو عايزني افطر والعن ابو اليوم العرفتك فيه جيب لي مسلسل في نص الدعايات .. بكرهك ذي ما البت الحديقة كرهتني .. في ناس مستغربين في هوايتي دي .. بس لو عرفتو امنية (هداية) البت الشغالة في ليلة القدر اكيد ح تشوفي هوايتي دي عااادية جدا ..
...هداية زيها وزي الملايين من الاثيوبيات الأنتشرن في العشرة سنوات الاخيرة في السودان .. عانو من الجهل الحكومي المتعمد . . لأن النظام هناك قبلي وعنصري لدرجة مغيتة .. التعليم والخدمات لقبيلة او قبيلتين .. ولأنها اصبحت كفرد من افراد العائلة لا ازكر تاريخ قدوم هداية الينا ..وبخفة دمها دخلت قلوبنا .. لدرجة أن الاولوية في كل شئ اصبحت لها .. وفي احدي عصريات رمضان وأنا جالس علي سجادة الصلاة وبأدعو سألتني هداية :
بابا أنتي بتعرف ليلة الكدر(القدر)
: ههههههه كيف ما بعرفها ي هداية دي حتي هي العرفتني برمضان
: انا في هبشة(الحبشة) جاتني ليلة القدر..
: اها ي هداية وقلت ليها عايزة شنو ؟
طبعا نهائي ما كنت متوقع امنية هداية لليلة القدر .. لمن سالت في خدها دمعة وقالت :
قلت ليها ي ليلة الكدر انا آآيزة أروه سودان .. وتواالي بعد الأيد جيت سودان ...
...أما انا فضحكتي فاقت ضحكة ابو جهل فجورا ولم اجد رد سوي :
السودان ي هداية .. امنيتك لليلة القدر السودان ي هداية. والله ي هداية احرجتينا مع ليلة القدر .
:وهسع لو جاني تاني ه اقول ليهو رجعني هبشة لماما تاني...
..
 
رد: يوميات مدهول ، كلاكيت تاني مرة

دهولة بطعم مونديال السامبا
.....................................
بعد الهزيمة المتلتلة لمنتخب البرازيل .. كان اللمبي اكثر الناس سعادة .. بالرغم من انو بحب البرازيل وبشجعها .. بس كان مبسوط .. وطبعا هزيمة البرازيل هي دخول اللمبي لتاريخ المشاهير والعباقرة .. طبعا هسع في ناس روحهم محرقاهم عايزين يعرفو اللمبي بقي عالم كيف .. بس انا كمان في حاجات محرقاني .. ولازم اتفشي .. مثلا زي حكاية (حصريا ) ما عارف غيرو معناها ولا الحصل شنو . تقتح اي قناة تلقي المسلسل شغال وفوق في الشاشة تلقي كلمة حصريا .. وفي الفاصل تلقي اعلان لكل مسلسلات رمضان حصريا في القناة الانت فاتحا . تقول خلاص انا اقرض علي القناة دي .. تمشي الحمام وتجي تلقي دعاية بايخة زي التحلية بعد فطور رمضان .. تروح قالب لقناة تاني تلقي نفس المسلسل وبرضو حصريا ومعاه بقية المسلسلات .. كدا حاجة محرقاني انتهت .. اها نرجع لي موضوع عالمية اللمبي . لكن في حاجة لو ما عرفتها ممكن افطر هسع وباقي رمضان كله.. نفسي اعرف سر اسم نادية لبطلات افلام الزمن الجميل .. تفتح اي قناة كلاسيك تلقي الفلم شغال رومانسية نادية .. احزان نادية .. افراح نادية .. زي الكانو نادية دي كانت كاسرة ضلعة في احسان عبد القدوس ودفعته... طيب حرقت روحنا .. ورينا عبقرية اللمبي الوصلتو للعالمية .. ابيييت لو ما قلت العبقرية دي ما بوري زول سبب عالمية اللمبي . وهي عبقرية شافع الشوايقة القتل ابوه .. لما القاضي ساله.. قتلت ابوك ليه رد عليه شافع الشوايقة .. عشان قالو في المدرسة عاملين رحلة والايتام ما ح ياخدو منهم رسوم ... شفتو العبقرية دي .. غايتو الشافع دا انا برشحو يكون خليفة اللمبي.... اها نرجع للمبي ..
طبعا اللمبي لمن ابتدع نظرية الدفاع بالنظر .. كلنا شلنا حاله وقلنا دلاهة .. بتاعين الكاركتيرات ما رحموه .. وناس المعارضة عملو فيها مسرحيات وافلام .. لمن جاتو نفسيات وبقي يباشر عمله بالواتساب .. كره طلعت الشارع بسبب.. نظرية الدفاع بالنظر ... لحدت يوم امبارح .. نحن كنا بنضحك علي اللمبي في نظريته .. لحدت المساء الساعة حداشر وعشرة دقايق .. كنا متخيلين اللمبي دلاهة بس لمن جات الساعة حداشر ونص بتوقيت مكة .. صدقنا وعرفنا انو اللمبي دا ما ساهل وعالمي كمان .. ولمن الساعة عملت اتناشر وخمسين دقيقة عرفنا انو اللمبي ابو العبقرية ... طبعا في ناس الكلام دا ما واقع ليها .. يا اخوانا من الاخر كدا .. ليلة امبارح منتخب البرازيل طبق (نظرية الدفاع بالنظر) .. زي ما جات في الكتاب وزي ما اللمبي قال .. والله البرازيليين طبقو النظرية لمن اللمبي زاتو احتار في نظريته .. كل ما يجي مهاجم الماني كاسح .. كل البعملو مدافعين البرازيل بيحدرو ليه .. وطبعا الالماني ما بهتم بتفاصيل الوجه كتير .. يعني حدرت البرازيلي ما بتعني ليه اي حاجة ويروح مدخل الكرة قووون لمن وصلوا سبعة كل البعملو البرازيلين كان بتزكروا كلام اللمبي انو نحن دفاعنا بالنظر .. وبعد المغرب الشوف بيقل .. يا اخوانا ما تظلمو راقصي السامبا . ديل عندهم نظرية وطبقوها بحذافيرها. . اها بس ان شاءالله تكونوا عرفتو سبب فرحة اللمبي ودخوله تاريخ المشاهير..
....كسرة...
البت الحديقة الله معاك .. يغطيك ويضاريك ومن كل حزن وهم ينجيك
 
رد: يوميات مدهول ، كلاكيت تاني مرة

حضور في شكل جمهور ..


زروق
 
رد: يوميات مدهول ، كلاكيت تاني مرة

...قالت له والعشق تفضحه عيناها : حبيبي .. انت روحي وحياتي .. ولك كل ما املك ..و..
فقاطعها قائلا : . . وطيب ما تدينا الجلاكسي الشايلاه دا...
 
رد: يوميات مدهول ، كلاكيت تاني مرة

.. صباح العيد
بينما كان (اصلو انا كدا لمن ابدا ب.. بينما كان بكون قاصد اتوه اللمبي من البوست ï»»نو بيظنه قصيدة للمتنبئ) اللمبي وهو في الحمام بيستحما ..(برضو ما تبقو زي اللمبي وتستغربو دا حمام العيد) وهو بغني بصوت اشتر .. بس الحمام سره باتع ودايما بديك احساس انك أم كلثوم .. وكان صوته واصل لأخر الشارع وهو بيغني في خمسمية غنية في كوبلي واحد: هل رأي العيد سكاري مثلنا .
.مثلنا.. ويعبر لي رحلة بين طيااات السحاب .. ويروح ناطي لي ..جاات تبارك عيدها وراسما حنة في ايدها .. ومنها لي .. جانا العيد وانت بعيد ... ولمن الصابون يدخل في عيونه ينط لي الليلة بااااااا وبااكية مالك ي العيون ..وفجاءة ينطط في الحمام بفرح طفولي وهو بيردد النبق النبق النبق .. وي بهية ااااي .. الشحم دا ااااي (والله ما عارفو كان بعاين وين) .. اللحم دا اااااي ..ويرجع تاني لي خواطر فيل .. ظلموني ليه ليه حبسوني .. وينط لي ناس ناسيانا .. حتي القمري ما بخليه وهو بيغني ركي ي قمريةفي الزنكية واتصنتي القضية .. وثم اصبح الصبح ولا السج ... لا لالا دي ما معانا هههه . انا مشي نيالا اووا اوو انا ماشي نيالا كمبلا ...والليمونة جوا قلبي مشتولة الليمونة ..وتعال لي ي الحنان وتعال لي ي البلال تعال لي وتعال لي وتعال لي وما تشمت الناس علي... والريد قسم ي عيني .. ولمن خلاص الصابونة تبقا بروة بغني .. جلابية بيضا مكوية حبيبي بسحروك ليه .. وحمام اللمبي دا الحلة كلها بتعرفو لأنو ما بعرف يستحمي الا هو بغني باعلي صوت.. ونرجع تاني لي بينما ... وبينما اللمبي منتشي في الحمام وصديق عمره في انتظاره للذهاب لصلاة العيد ... فجاءة سمع صديقه صراخا فات صراخ ابا لهب هولا وهند عويلا .. : ياااا صديق العمرررررر الصابون دخل عيوني .. شوف لو في واحد من الشفع فااتح ماسورة موية الحمام قطعت ااااااااح اهئ اهئ
..: ما في زول فاتح ماسورة
..: طيب شوف ناس الحلة لو في زول فاتح ماسورة خليه يسدها الله يسد نفسهم
..: برضو ماافي زول فاتح حنفية..
..: طيب شغل الموتور سريييع ياااخ .. الصابون طلع ميتين صليب عيوني..
فأبتسم صديق العمر بخبث قائلا..
..: الكهرباء برضو قاااطعة
..: طيب خلي الاولاد يشغلو الجناريتر
..: هههههههه الجناريتر قاطع جااز
..: طيب اتصل بأي واحد خلي يتصرف..
..: اخخخخخ شبكات التلفون طاااشة
...: علي الطلاق اطلع من الحمام اقلب الحيكومة دي ......
...فردت عليه بروة الصابون بخبث :.. سجمي ي لمبينتوش جاك زهايمر ولا شنو .. ما أنتو الفيها ... ......يعني الا يجي العيد عشان تحسو بقطعت الموية بالنظر
...وكما بدأت متوها اللمبي بالكلمات اختم ... ب...
...وأما نحن وكأن كل شياطين الكون دعت علينا (كل سنة وانتو نايمين)
....كسرة للبت الحديقة ...
بين عيدك وعيدي بحور ... كوني بخير لحين الملتقي
 
رد: يوميات مدهول ، كلاكيت تاني مرة

دهولة صغنونة
دردشة علي الفيس
حبيبتي يكتب الآن......
انتظار لمدة 67 دقيقة و72 ثانية يظهر الرد:
:
اهاا
 
رد: يوميات مدهول ، كلاكيت تاني مرة

....وعلي شارع النيل كان ابا جهل يتمشي مع ابو لهب فرأ عاشقين يتناجيان حبا وهياما ..
فقال ابا جهل:
يا ابا لهب دعنا نسترق السمع لهما
فوقفا خلف شجرة يجلس امامها العاشقين فسمعا العاشق. يقول لحبيبته:
ماهو الحب ؟
قالت له:
الحب وﻻء - وفاء وسناء والحب صفاء هناء وبهاء الحب هيام وئام ورحمه الحب خلود عهود وفرحه الحب اخﻼص احسان اشواق الحب افراح امل وموده الحب سعاده بهجه ومسره .والحب......
ساعتها لم يتمالك ابا جهل نفسه فضحك ضحكة هزت شعاب مكة قائلا لابو لهب:
دا حب ولا داخلية بنات
فرد عليه ابو لهب : لا خارجية بنين ..
فواصلا في ضحك حتي دخلا مشارف قريش .. فقال ابا جهل لكبار قريش .. اليوم عيد الحب و حساب العرقي علي ..فسكر القوم ورقصو طربا لغناء مرة بت السرة..
الجميع يكرش بطنه ومرة تغني..
..: يا حجة دقي لي الكاروشة...
...الكارووووشة .......
..حكوو لي الكاروشة..
..فثمل ابا جاهل ونام .. فعم الامن والامان ارجاء المعمورة..وقال لي ابو لهب :
المعمورة ولا الطائف.
فقلت له : لا الرياض..
فقال ابو لهب : مدام وصلنا الرياض ننططني سور المطار
فقلت له: مدام ولا انسة
فضحك ابولهب قائلا : انت يا هنغاري ما بتسكر ..اتخمد خلينا ننوم...
.. كسرة للبت الحديقة...
..كل التواريخ مستنية يوم فرحك..
 
أعلى أسفل