يوسف محمد احمد الحداد "منابع الطيبة"

ضى القمر

:: كــاتبة نشــطة ::
منابع الطيبة

سلامكم اهنا من غربة
سلامكم مني الف سلام
سلامكم يامنابع الطيبة
ياصدر الحنان الضام
سلامي كتير عدد قرآن
تحملا ليكم الأنسام
تجيكم وانتو بالعافية
وتعمروا تاني لي قدام
دروب الرجعة كان بلقاها
كت رجعت جيت قوام
اقش فيكم دميعاتي
وانسي عذاب فراق كم عام
طاريكم وحات عيني
وغيركم مابشوفلي منام
وكان للشوق كتلني كتل
سلبني سلب بقيت عضام
وقلبي الكان حنين داك
يفيض بحنانو لي هسي
لكن بهدلو الأيام
تجيه النسمة عز الليل
تجدد فيهو طعم الشوق بعد مانام
وكل ما احس بطعم الغربة
اعيشكم يامنابع الطيبة
شوق زولاً يتوق لي زول مكانو بعيد
ويوم يلقاهو يفرح بيهو
وبي تحنان يقالدوا شديد
وزي فرحاً يرن جواي كالزغريد
وزي العيد وطعم الريد وكالاحلام
اشوفكم في قصاد عيني سحاب وغمام
ورشة نور وشعاع بلور
ربيع يادوب بدا النوار
نجيماتاً يراقصو الليل
يداعبو رمال شواطي النيل
محنة وطيبة زي إكرام
وزي نظرات عزاز والماظ
وزي ضحكة مني وضرغام
** *
فرح ومرح
حب ووئام ود وسلام
وكان القدرة
ماقدرت تجيبني قريب
بعيش ذكراكم الحلوة
قصيدة وغنوة
وحجوة وزاد مدي الايام
 
أعلى أسفل