يوسف محمد احمد الحداد "خطاوي الشوق"

ضى القمر

:: كــاتبة نشــطة ::
#1
خطاوي الشوق

ابقي غالي وابقي نادر
وابقي زي ماانت داير
يا سمحنا ويا عديلنا
يا حريرة ويا ضراير
يافرحنا وامنياتنا
وذكريات أيام طفولة
ماضي نحتفي بيهو دايما
وديمة في ذكرانا داير

يا سما الغايات وغنوة
فوق خدود الليل ضفاير
ياحروف كلمات رقيقة
أسمي تعبير للمشاعر
يا خطاوي الشوق سحابة
يا أماني الريد رحابة
يامني الأحلام صبابة
يادروب وسكك طويلة
ما مسافة يوم وليلة
يامسرات يا عديلة
وغيمة من وهج الهجاير

ياربيع أزهر وحالم
رسمة من أرقي المعالم
هاكني ليك ولا تكابر
سيبني في عينيك اسافر
أصلو عينيك لما تبسم ولما تدمع كالغداير
فيها القي رويحتي تاهت
سافرت من غير تذاكر

يافريع ياسمين وحنة
يارذاذ لحن المحنة
بيك بفرح وفيك بسرح
وليك بسوي الدنيا مسرح
وياما بيك بالفرحة طاير
 
أعلى أسفل