يحي فضل الله «التقطني يا صديقي في الدروب الما بتجيبك ودفئ حضنك بالأغاني»

ضى القمر

:: كــاتبة نشــطة ::
رفقة

التقطني يا صديقي
في الدروب الما بتجيبك
ودفئ حضنك بالأغاني
كلما يضهب طريقك
وامسك الجمرة البتبرق
بين رمادك
وبين حريقك
وارفق الدمعة البتعرف
شاسع الحزن البعيقك
ولو فضل في العمر خطوة
وسع الأحلام
واهرب منو ضيقك
لي براح في الشوق يتاوق
في شبابيك غربة حبيبك
ويا أخي سيبك
من متاهات في الخواطر
والمشاوير التشاتر
يا اخي سيبك
هي ضلمة وانت عارف
ضي بريقك
وبرضو عارف
قبل ما تختار طريقك
ابقي واثق من رفيقك
وامسك الجمرة البتبرق
بين رمادك
وبين حريقك
مين رفيقك
غير شجن
واشواق
ولوعة
شحنة الحزن البصيبك
يا اخي سيبك
وانت سر عشقك
كلما اتخمر عتيقك
يا اخي سيبك
من سريقك
ومن سليبك
وابقي فتش في لي طريقك
يمكن الاحزان تسيبك
يا اخي سيبك
 
أعلى أسفل