يا شباب ويا أحزاب الثورة ناجحة 100% لا تضيعوا الفرصة

alsanhori

:: كاتب نشـط::
كل اهل السودان يعرفون جيدا فساد وفشل حكومة الكيزان والناس يجب ان تنشر اخبار هذا الفساد وتوثيقه ولكن الجهد الاكبر والتركيز يجب ان يبذل في كيفية التخلص من هذا النظام وعندها سوف تكتشفوا ما لا عين رات ولا اذن سمعت عن الفساد في السودان.

ابذلوا جهدكم في رسم الطريق الصحيح للثورة والاستفادة من كل التجارب السابقة وفكروا في كيف نحمي الشعب عند تحركه من بطش الكيزان القذرين.

في بداية الثورة لابد ان نشتت الكيزان في حيز جغرافي كبير ونفقدهم السيطرة تماما على الشعب واقترحت عليكم دعوة الناس للخروج خطوة واحدة امام منازلهم عند المغرب ويهتف كل الجيران مع بعض لتوحيدهم واشعال حماسهم وكسر حاجز الخوف وفي نفس الوقت شل حركة الكيزان وارهابهم.

ارجوا من الشباب المناضلون ان يبادروا ويعلنوا في وسائل التواصل خروج الناس وحشدهم يوميا بعد المغرب امام منازلهم رفضا للفساد وسياسة التجويع.

لتفاصيل أكثر ارجوا الاطلاع على الموضوع في الرابط ادناه

https://vb.alrakoba.net/threads/اقتربت-هبة-الشعب-السوداني-فاستعدوا-لها-بالتكتيك-الصحيح-الذكي.213403/


هيا شباب غضبة الحليم غضبتنا
وثورتنا سلمية وشعاراتا سلمية
قولنا سلام وعملنا سلام وبنحب السلام
ومن الكيزان السفلة بندور نحرر ارضنا
ووقفتنا السلمية قدام بيوتنا عند المغربية حا تكون ضرورية
ونهتف مع الجيران لن يحكمنا الحرامية
نهتف بالصوت العالي بنات واولاد
لن يحكمنا تجار الدين ... لن يحكمنا تجار الدين
نهتف صغار وكبار نساء ورجال
فوق فوق سودانا فوق ... فوق فوق سودانا فوق
ولمتنا تزيد وتزيد ترعب السارقننا
وحماسنا يزيد ويزيد ما فينا زول خواف
ياكيزان الشعب غضب خلاص انتو الليلة وين شاردين
وثروتنا النهبتوها وفي ماليزيا كدستوها اصلنا ما بنخليها
بلدنا عزيزة وشريفة ما بنخليكم تفسدوها
بلد الرجال بلد اجدادنا وين نمشي نخليها
نعيش فيها مستورين حال وبالعدل والقانون نتحكم فيها
عيشة بسيطة وسكن متواضع وعلاج وتعليم
ما فينا زول طماع عاوز يشيل حق الناس
الا بس الكيزان اصلهم ذي الشيطان
كذابين وسراقين وتجار دين
و نفاقهم حتى ابليس مندهش منو
ما تخافوهم ديل حقيرين مجرد حرامية
لو كركبتوا ساي حا يهربوا يمشوا يخلوها
و اموالنا النهبوها بالقانون يرجعوها
والدمر بلدنا وشرد بالانتربول نحن بنجيبوا
حليمة غضبتنا وسلمية ثورتنا
ما فينا زول خراب ما فينا زول نهاب
معلم الشعوب الليلة عندوا كلام
العالم كلو حا يشوفنا كيف بنقلع الكيزان
ده شعبا في الثورات معلم يشهد ليهو تاريخو
والثورة احموها من خباثة الكيزان والفبركة البعملوها
ابقوا عشرة علي البلد ومن المستعمر حرروها

مع تحيات عمكم السنهوري


من الكيزان السفلة نحن مغبونين
والغضب فاح وعم البلد
وفي لحظات الغضب
دينا السمح امرنا بي ضبط النفس
غضبة الحليم غضبتنا واصلها سلمية
بس خطوة واحدة قدام بيتكم عند المغربية
وتهتف مع الجيران
فوق فوق سودانا فوق ... فوق فوق سودانا فوق
وفي جقلبة الحرامية تفرجوا
و الشاردين الليلة المطار اصلو ما بكفيهم

مع تحيات عمكم السنهوري



السودان بلد العزة والكرامة

بلد اجدادنا اهل الكرم والجود

بلد السلم والسلام

بلد الامن والامان

وناسو حنان وظراف

لكن اووووب يا بلد

اووووب يا بلد

استعمروك الكيزان

الاشرار الاشرار

اخوان الشيطان

ضمائرهم قذرة

ونفوسهم نتنة

قلوبهم سوداء

وحقدهم دفين

قتلوا شرفاء بلدنا

عذبوهم وشردوهم

نهبوا خيرات البلد

وهم ابدا لايشبعون

لايخجلون ولايتورعون

وابدا من الله لايخافون

نهشو البلد متل الذئاب الجائعة

ما خلو مشروع يشتغل

لا الجزيرة ولا الرهد

لا سودانير ولا السكة حديد

وقروش بترولنا سرقوها

روجو المخدرات

فسدوا الشباب

انتهكوا العروض

جوعوا الفقراء

نشروا المرض

اشعلوا الحروب

شردوا الاهل

فصلوا الجنوب

باعوا الناس والارض

جونا من وين شايلين الفقر والتعاسة

جونا من منبع الشوووم

جونا من بيت ابليس اللعين

راضعين الحقد والكراهية

جونا رافعين المصاحف

مهللين ومكبرين

يتبسمون ويضحكون

ومثل الثعالب يمكرون

داسيين لينا الخنجر المسموم

وبين الاهل يزرعون الفتن ويكيدون

عووووك يا الشباب انجدونا

انجدونا من تجار الدين

انجدونا من الضياع

يا الشجعان ويا الابطال تعالوا

هيا علي الثورة

واهتفوا نسوان ورجال، صغار وكبار

ثورتنا سلمية ،، سلمية سلمية

ثورتنا سلمية ،، سلمية سلمية

ثورتنا سلمية ،، سلمية سلمية

نبدأها بوقفة سلمية

خطوة واحدة قدام بيتكم عند المغربية

واهتفوا مع الجيران

فوق فوق سودانا فوق ... فوق فوق سودانا فوق

فوق فوق سودانا فوق ... فوق فوق سودانا فوق

وهدير اصواتنا بقطع قلوب الحرامية

سقطت سقطت يا كيزان

سقطت سقطت يا كيزان

سقطت سقطت يا كيزان

والجقلبة حا تشوفوها

معلم الشعوب صمم خلاص

يا كيزان الليلة وين شاردين


مع تحيات عمكم السنهوري
 
أعلى أسفل