ونسة مواطن

رد: ونسة مواطن

- وين انت امبارح منتظرنك لى الساعة 9 بالليل ماجيت...
- والله اتأخرت ... لى بعد المغرب ... وتانى رفضوا نطلع من البوابه ..
- وها بيت وين ...؟
- يازول فى ناس وصفوا لى امش ابيت فى استراحة المحلية...
- اها مشيت بيتا ..هناك الصباح وانا جاى طالع لاقنى زول كبير فى خشم الباب ..
- الناس الحارسين الاستراحة .. قال سلم على الزول ده المعتمد ...عمك كبارى كده...
- ههههههههه
عمك ده ياخى ده زول عجيب ... هسى مابقدر يقابل المواطنيين فى اى حاجة .- ليه مالو ؟
- ياخى كان قبضوه مع واحده شغاله معاه فى المعتمديه ...شكله كان بمشى ليه طوالى اها الجماعة عملوا ليه كمين ... وقبضوه ... معاها ... الا دفع 50 مليون حتى فكوه ...
- خمسين مليون دفعها لى منو ؟ للناس القبضوه ... وطبعا الموضوع ده اى زول هناك عارفو ...
والله يا اخوانا الناس ديل مافيهم زول اصلا يمكن يقولوا عليه كويس...

- لا حولا ولا قوة .... وهسى ده بقابل الناس عادى ؟
- الناس مابتعاملوا بس داير ورق ومكاتبات بتكون فى المكتب لكن من اليوم داك ما اظن التقى بيهم ...
- ياخ دى بلد ...والله ناس الحركة الاسلامية ديل كل يوم يقرفونا بالجديد ده مفروض يترجم مش فى الشريعة كده..
- شريعه!!!!! شريعة دى علينا نحن المساكين ديل يغشونا بيها
بس.
 
رد: ونسة مواطن

_اسمع يا بقه نقراء ليك الكلام ده...
(يكفى ان نستعيد ماظل يقال ويكتب عاما وراء عام ويوما وراء الاخر عن التنمية والديمقراطية وتسليم السلطة للجماهير واستتاب الامن والثورة التعليميه والصحية وسياسة التركيز وبرنامح الانعاش واسباب رفع الدعم عن السلع وغيرها حتى نرى غسيل المخ اليومى الذى يتعرض له شعبنا الامر الذى ادى الى فجوة تصديق واسعة بين السلطة والجماهير بسبب الفرق الظاهر بين ماتقوله السلطة والواقع المر ومن ثم ظهر ذلك الشعار الاعترافى المضحك (تمليك الحقيقة للجماهير ) اذن ماذا كانت تملك قبل ذلك غير الاكاذيب ولكن الشعب كشف ايضا ذلك الشعار وعرف انه ليس سوى مدخل الى حملات تضليلية جديدة وكما ثبت ذلك بالفعل . ومن الجهة الاخرى ماذا يمكن ان يفيد الحزب الشيوعى من الاكاذيب؟ ان علاقته بالجماهير تختلف جوهريا عن علاقة السلطة بها فهو لايملك وسيلة لكسبها غير الاقناع فاذا تبين انه يكذب وحبل الكذب قصير فلن يقتصر الامر على عزوف الجماهير عنه بل سينفض اعضاؤه عنه ايضا.)

مقتطف من نص الدفاع الذى قدمه المناضل الشيوعى التجانى الطيب بابكر امام المحكمة العسكرية (محكمة امن الدولة) فى نظام مايو البائد والتى قضت بالحكم عليه السجن عشر سنوات فى اكتوبر 1982 .
_ ياسلام يامحمد ياخ التجانى قدم مرافعة قويه ايام مايو ...
_هم الشيوعين ديل ما ساهلين..
_لكن لاحظ ان الانظمة الشمولية دى منهجيتها واحدة اصلا ما بتتغير ...

نواصل
 
التعديل الأخير:
رد: ونسة مواطن

- بالله شوف نفس الاكاذيب تتعاد تانى ...
- هم اصلا العساكر ديل حياتهم كلها مبنية على العنف والاخطاء ...
وبعدين عندهم عقدة تجاة المجتمع المدنى ... والسياسين المدنيين لانهم بشعروا بعقدة النقص معاهم لانهم عارفين انه زمان ابلد ناس بخشوا العسكرية .... عشان كده دائما العسكرى اول ما يتخرج اول شى بفكر فيه طوالى داير يعمل انقلاب ويبقى رئيس ...
-انت مش زمن المرافعة ده مش نفس الفترة الكان الترابى مع النميرى ...
-ايوه ودى الفترة البداء فيها الاعداد لقوانين سبتمبر .. وتصفية خصوهم من الساحة السياسية ...
- سلام ...
- او ميرغنى .... كنا بنتكلم عن مرافعة التجانى الطيب فى عهد نميرى ...
- اوه يااخ شوفوا طبعا انا ما شيوعى لكن احترم جدا الشيوعين لانهم كانوا بالجد رجال .... ياخ نحن الوقت داك حاضرين لان 79 انا يادوب اتخرجنا من المعهد الفنى ....
- ياخ النميرى غايتو قتل ناس تانى ما بتعوضوا ... والله عبد الخالق ده لو كان عايش كان تغيرت الخرطة السياسية ... تماما ...
-ياخ كان عقلية رهيبة ...
- ياخ بالله كتلوهم وقعدوا فيها زى ناس الترابى الواحد يتفصل زى التقول عاضاهو نعجة... تقول لى السودان يتقدم...
- والله ياخوانا دى مشكلة الانظمة الشمولية دائما بتنظر تحت رجليها...
نواصل
 
رد: ونسة مواطن

_ والله ياخوانا تاريخ الحركة السياسية دى فى السودان مر بمنعطفات خطيرة
_ غايتو ياجماعة الحركة السياسية دى ماخربها الا الملاعين ديل ...ياخى ديل غريبين ...
_ الغش والخداع وكل ماهو قزر ..دخل مع دخولهم السياسه ...واكثر شى اضر بالحراك السياسي هو دخول الدين فى السياسه..
_والله يابقه انا مع كلامك ده ...ياخى هسى شوف الكذب المورس على الناس فى السودان باسم الدين ...ياخى شى فظيع ..
_انا غايتو يابقه ومرغنى عندى راى فى الاحزاب التانيه دى زى حزب الامه والاتحادى ...رغم انا هسى حزب امه لكن الممارسات البمارسوها ناسنا ديل والله ياخى تطمم البطن هسى عليك الله شوف ابو ام سلمة ده والله حيرنا ماقادرين نعرف حاجه رغم ان الشباب وناس كتار معترضين على البسوي فيه ده الا لكن ماعنده شغلة بى زول بس الشى الفى راسه بسويه ما بشتغل بالناس خلقه.
_ههه والله ياحمود ناسكم ديل مع الاتحادين مشكلتهم السلطة ....وهم البرجوازية مسيطر عليهم تماما .....
_ياخ الاتحادين ديل مش كان حاربوا الهندى ومجموعة لم رفعوا شعار لا قداسة مع السياسه ....
_يازول البيوتات ده ولا بتطور ولا بتخلى الناس تطور ....هسى هم لم كبروا حاولوا يلمعوا اولادهم ودخلوهم فى النظام عشان فى المستبل يضمنوا وجودهم واستمراريتهم فى الحكم بشتى الاشكال..
_ياخوى شايف الايام الاتحادين الايام دى بلمعوا ليهم فى شافع صغير كده اسموا ابراهيم الميرغنى ...ده ببقى ود ياتو فى المراغنه.....
_ والله ما عارف لكن الود ده قبل ايام كان متشاكل مع على السيد...
_ده ما قالوا الناطق الرسمى للحزب .....ياخى ديل دايشين ...ساكت ....
_ ياخوانا والله بى ده الديمقراطية دى خير .....والناس مفروض اصلا ما تستسلم .....للعواليق ديل...

الونسه الجايه ...
عصابه تخطف طفل فى مدنى حى دردق عمره 6 شهور وتطالب زويه بدفع 40 مليون ...حاجة اغرب من الخيال
 
رد: ونسة مواطن

عصابه تخطف طفل فى مدنى حى دردق عمره 6 شهور وتطالب زويه بدفع 40 مليون ...حاجة اغرب من الخيال
بقه سلام يا حبيب

الاغرب منو عصابه من ابناء الميسورين (وانته عارف والعالم زاتو عارف ابناء الميسورين ديل منو)
تخطف شنط البنات
 
رد: ونسة مواطن

القيثاره زرياب .....تحياتى...

ابناء المبسورين ....بناء على ماتربوا به من اموال الشعب السودانى .....فكان لابد لهم ان يطلعوا كذلك ....لان من تربى فى بيت الرزيله لا ينشد الفضيله....

شكرا على المرور وتوقيعك.....ياصديق..
 
رد: ونسة مواطن

_ الو ....كيف الحال..
_ الامور كلها تمام الا فى موضوع مقلق بينا شديد الايام دى
_اها مالكم الحاصل شنو؟
_ عندنا بت خالتنا اللفى مدنى ....حى دردق فى سرقوا طفلهم عمرة 6 شهور ..
_ ده كلام شنو ده وحصل كيف.؟
_والله هم كانوا نايمين لم صبحوا الصباح ...الاولاد الصغار مشوا يصحوا امهم لقوا الطفل الصغير مافى ..
المهم لم صحوا ناس البيت لقوا باب الحوش فاتح ...وطبعا اتخلعوا ...
_المهم الناس الشالوا الطفل ...كتبوا رقم تلفونهم فى التربيزه....ومشوا...
_فتحوا بلاغ فى الشرطة ....وبعد ده جوه ....وعملوا تحقيقات ....
_المهم جابوا الكلب البوليسى وبعد شمموه ملابس الطفل ...الكلب ...يمشى ويجى فى الشغالة...
_وبعد ده بدأ سيناريو تانى....
 
رد: ونسة مواطن

_ تانى يوم اتصل واحد من افراد العصابه على اهل الطفل وقال ليهم الولد تمام وغشينا الصيدليه شلنا ليه كل مستلزماته ...وهسى صحته تمام...
_اها قالوا ليه انت مالك داير شنو ؟
_قال ليهم حاتصل عليكم ...
_اها البنت الشغالة لقوا تلفون واحد من الخاطفين فى تلفونها ...وبعد حققوا معاها ...قالت هى رشت المخدر فى المكيف ...عشان كده قدرت تشيل الطفل ..وتسلموا ليهم بره الشارع....
_ اخدوها على اساس انها بتعرف بيت واحد من العصابة الخاطفين ...لم مشوا ما لقوا فى البيت اى زول..
_وناس المباحث قالوا البنت عندها سوابق.
_تانى اتصل عليهم احد افراد العصابه وقال ليهم تدفعوا 60 مليون.. ولو اى جهة امنية عرفت نحن ما حانرجع الطفل.
_ قال ليهم بتصل عليكم وبحدد ليكم تختوا القروش وين ...
_ عدى 3يوم ما اتصل بعدها اتصل قال ليهم انا شايف الناس كتار .....ودايرين 80 مليون...
_ناس المباحث طردوا الناس من البيت وقالوا لناس البيت خلوكم براكم .....
_وطيب ناس المباحث لى هسى ماقدروا يصلوا ليهم ؟
_وين لسه وقالوا قلبوا مدنى دى قلب ما عرفوا مكانهم ...
_ والله والدته فى حال صعبه شديد
_..................
بعد 15 يوم
_الو الو ..
_اها الطفل جابوه ...
_وين هسي قبل تلاته يوو اتصلوا على اهله تانى وقالوا عايزين 100 مليون ...

لا حولا ....ياخ معقوله ...
......بالمناسبة الطفل بهذا اليوم له 18 يوم لم يرجع الى اهله ....والاجهزة الحكومية ماقادره تصل ليه....
....
اللهم اجمع بالطفل مصطفى محمد ..
ويا عصابه مازنب الطفل .....
 
رد: ونسة مواطن

_ كيف الاحوال ....انت وين ياخى...
_ والله قاعد ..بس عندنا ولد عمنا قتلوه ....ومشيت العزاء..
_ قتلوه وين ؟
_فى احداث الفاشر الاخيرة دى ...
_هو كان ماشى فى الشارع ...وفى تبادل اطلاق النار بين الجيش وجماعة عيسى المسيح .....جاتو طلقة طايشه..
_ لا حول لا ...
_ ياخى ديل وصلوا لدرجة من الافتراء انت عارف يتلقوا العربات قبل ماتخش البورصة ..بالمواتر ....وعلى عينك ياتاجر....
_ ياخى ده كله من افرازات الحكومة الوسخه دى ..
_ هم اصلا الناس ديل جنجويد ...لم يلاقوا المواطنين العزل بمثلوا خرامية ... ولم يواجهوا قوة نظامية بطلعوا بطاقاتهم...ابعسكرية...
_ يعنى يستخدموا سلاح الحكومة وعربات الحكومة فى سرقة المواطنيين...
_ يا عوذ بالله منهم ...
والله ياجماعة الناس ديل عملوا فينا عمايل ...
_ ياخى سنة 2004 عندنا اسر كاملة اغتصبوا النساء وقتلوا الرجال...
_ ياخى خشوا قرية اول حاجة بعد النهب والسلب .....جمعوا البنات ..والنساء الكبار .. البنات بقوة السلاح اجبروهن بعد الاغتصاب انه يقعدن عرايا....
...........
_عندنا واحده ....كانت مخطوبة لود اعمها قالت ليهم اقتلونى ورفضت الاغتصاب ...ادوه طلقه ...بدون تردد...
_ياخى فى واحد كبارى طالع مع بناته 4 وامهم ...اغتصبوا بناته قدام عينه .. الغريبة بتبادلوا فى الاغتصاب .....
_ ياخى والله مأسى كتيرة ...تعمل مجلدات ....
_ وسبحان الله هسى .....ناس الحكومة تدافع عنهم .......
_ ياخى الصادق المهدى لم اتكلم عنهم هسى اعتقلوه.....
_
 
رد: ونسة مواطن

_ الايام دى شنوا عاملين فيها مشغولين...
_ واله بينى بينك مافى شغلة بقولوا عليها ...لكن مشاكل ..مابتخلص..
_ياخ شكله ناسك ديل متعبنك...
_ تعب شديد ...انت ديل هسى قايلهم عساكر...
_ديل ناس ملقطنهم ساى .....كلهم كانوا جنجويد ...جزء ودوه حرس الحدود وجزء جابوه لينا هنا ...
_صحى القصة السمعناها بتاعت زولكم الاختلس القروش .....
_تقصد بتاع ...كتم ...
_اى .....
_ياخى ده انا لوحكيت ليك ...والله تضحك بس...ده عمل عملية ابليس ما فكر فيه ...
_اول حاجة الزول ده رطب ترطيبه عجيبة ....ياخى الاجازات من هنا بركب الطيارة ....اولاده يلاقوه فى المطار ..دبى ماليزيا...الحبشه ...تركيا..
_ ياخ معقول؟
_ والله زى ما بقول ليك..
_ده اى صرفية اقل حاجة بلقى ليه فيها 300 مليون ....
_ودى كيف ...؟
_طبعا عنده كمية من الاسماء فى الكشف...
_ مرتباتهم تجى كامله ....وهو مفرقهم ...بس يدى ليك اى واحد ...زى 150 جنيه ..وشوية سكر ...وشاى ..
_ وديل ما عارفين ...!!!
_ هم ديل ما صدقوا ... الواحد يلقى ايه بندفية وخلاص....
_وطيب كشف المرتبات ده البوقعه منو؟
_هو اصلا انكشف لم اختلف مع الناس البايكلوا معاه فى 100 مليون ...يعنى 100 الف . قام واحد وصلها فوق ..
_ المهم لم راجعوا الكشوفات عشان يطابقوا البصمات.... ماقدروا يعرفوا ديل بصمات شنو ؟
_ المهم فى النهاية اتخيل لقوه ببصم ...بي شنو؟
_ اها ....!.
لقوهوا ببصم بى ذكره ...
_ههععه ياخى دى والله ابليس ما عملها....
_ والله زى ما بقول ليك ......بس
_ وهسى عملوا ليه شنوا ... ؟
_حايعملوا ليه شنو يعنى تلقاه بأكل ناس كبار ....بكره بعد بكرة ...يفكوه زى الماحصل حاجة ....
.........ا
اخ يابلد كل يوم ...تظهر حاجة تقرف..اكتر من الفاتت
 
رد: ونسة مواطن

من الذى سرق ....اثار صوارده....وقبض مقابلها ....ثمن بخس....من الاتراك....
.....
الان ....اصبح ....يقبع فى المسجد.....
ترقبوها الونسة الجاية....
 
رد: ونسة مواطن

_ يا دكتور ....
_ اهلا كيفكم...وينكم ماظاهرين.
_اهو نحن جاريين مع المشاغل البقت كتيرة.
_ شايف الناس كلها مشت على التعدين الاهلى ...
_اى والله الناس تعمل شنو؟ ..
_ والله فى ناس قاعدين ليهم سنيين ما لاقين حاجه ...وناس محظوظين ..
_ لكن انا شايف الشركات الامنية كلها مشت التعدين...
_اى والله بقوا يتعدوا حتى على ابار المواطنين ...لانه فى مواطنيين بلقوا ابار .. بجوا يهددوهم مرات . ومرات لازم يشركوهم معاهم...
_غايتو كمال عبد اللطيف يادكتور عمل عمايل ..
_ياخى ده رجل حرامى ...وهسى عامل فيها زاهد...
_زاهد!!!!! هم اصلا كلما يسرقوا ...ويسلبوا ..برجعوا يقعدوا فى الجوامع..ويعملوا فيها انبياء..وملائكة...
_ياخ الزول ده فى عهده ...عمل عمايل ...رغم انه كلهم عفن فى عفن ....الا فى واحدين ريحتهم بتطق..من بعيد..
_صحى الزول ده متورط فى بيع الاثار بمنطقة صوارده؟
_انا طبعا عندى ود اختى شغال معاهم ...ياخى قال لى قبضناه بالثابته...
_فى شنو؟
_فى اتراك رشوه فى موضوع الاثار دى ...ب5 مليون دولار...
_ الظاهر هم بقوا يكيدوا لى بعض ...فقال لى عرفوا من جهة تانية ..انهم اتفقوا معاه...وجابوا ليه كراتين . ..فى المكتب..
_المهم بعدما دخلوا عليه الكراتين ..فى المكتب ...الناس ديل كبسوا عليه...
_اها ود اختى دا قال لى لم خشينا عليه اتهجم واتبهدل ...طوالى عاجلنا .. قال الاتراك جابوا لي هدايا كيك وبسكويتات وجبنه فى الكراتين ديل.
_اها قلنا ليه نحن جاين عشان الكراتين دى ...فتحناها لينا القروش...5مليون دولار...
_اها لم شلنا بعض الاثار اللقينا ...وديناها للرئيس بالله يعاين فيها ويرفعها لفوق ويضحك...
_هههه يادكتور يكون الرئيس ذاتو ما عارف قيتمتها...
_والله يا ابنائى الناس ديل ضيعوا البلد ده ضيعه ...مابعدها...
 
رد: ونسة مواطن

مدثر .... اخبارك ...
وينك ... فتره ما ظاهر...

- التعدين يابقه ... الدهب .... شال الناس ..كلها ...
- دهب ؟؟ وين ؟؟
- والله لافى مرة الشمالية ... مره جبال النوبه ... مرة شمال كردفان...
- كويس معناها امورك سالكه يامان ....
- هههههه سالكه .... سالكه من وين ... مع الناس الحراميه ديل .. يا عبدالباقى ديل مافيا مافيا عديل كده... يااعوذ بالله منهم... عالم مابشبعوا ... من حق الناس ...
- طبعا .... بشتغل فى الكرته ... معاى واحد كده .... المهم جمعنا ...كميه منها ... اشتريناها بقروشنا من المواطنين الشغالين هناك ... لم جينا نرحلها ... الحكومه جات قالت مافى طريقه ... المربع ده حق ناس رضا ؟؟
- رضا ؟
- رضا ده يابقه هو هسى العامل الموازنه فى الميزانية ... وهو زول عنده مجموعة من شركات التعدين اشهرها رضا للتعدين .... الزول ده ...عنده سبعه طن قاعده فى بنك السودان .... يعنى ... ولابس ليك الوزارة دى خاتم ....
- يعنى شنو؟
- يعنى كتير بتطردوا ليه ناس من مناطق تعدينهم ... بحجة المربع تابع ليه ومرات كتيرة ... بتصيد المنطقه الفيها الدهب كتير .. ويمشى على الحكومة ... تجى تجهجه الناس...
- طيب ... اها الكرته عملتوا عليها شنو؟
- طبعا ناس الوزارة قالوا عشان انتوا تشيلوها امشوا اتفقوا مع الشركة .... اها بقوا يتأندلوا علينا ... قالوا القلاب ب250 جنيه...
- وانتوا مشترينه بى كم ...؟
- مكلفنا اكتر 1500 ...
- انت صحى فى واحد لقى ليه كتله كبيره ؟
- ايوه ... لقى دهب باعه بى 263 مليار .... ههه صاحبك الكارورى طوالى مشى عمل معاه ابو القاسم ... مشى ليه واخذ من 25% .... والشىئ المحير انه القروش الشاله منه ما دخلت خزينة الوزارة ولا الدوله...
- يا خ انا شايف الكارورى صرح وقال مافى دهب بتلقى بالصوره دى .... وان الزول القى كتله ...من الدهب دى اشاعة ساى....
- بقه نحن ناس شغالين فى المجال ده ... وقاريين تعدين ... الدكاتره ذاتم استغربوا من التصريح ده...
- واذيدك كمان انا بعرف لى زول فى الوزارة من الناس المشوا مع الكارورى للزول ده واخد منه قروش ...حلف لى انه الزول ده شالوا من القروش...
- لاحولا....
- طيب انا ماشايف بنك السودان مستثمر فى الدهب ده؟
- بنك السودان شغال سمسار ... سمسار يابقه .... بشترى من الاهالى ... ويجى يبيع للتجار بفارق 5 جنيه للجرام .... نحن عندنا بنك قال ليك هو ....
والله يا صاحبى الله يكون فى العون ...كيزان الجن ديل ما لاقين زول يطلع ابو ا هلم...
 
رد: ونسة مواطن

- الو ....كيفكم

- اهلا ... كيف احوالك ...


- كيف الامور ... والاحوال....

- والله تمام بس علا ناس الحكومه العواليق ديل .... الايام دى لافين فينا كل يوم ...


- مالهم فى شنو ؟

- قالوا دايرين مراجعة الكشوفات للانتخابات .....

- هههههههه انتخابات ؟؟ انتخاباتات شنو؟؟ والله ديل بحاولوا يصدقوا انفسهم هسى انه فى حكم وديمقراطية ..

- ها الشعال بيهم منو ؟؟ والله هسى قاعدين ليهم يومين والله كان جاتهم فد مره الناس تعاين فيهم ويضحكوا عليهم ...


- الناس عرفت حقيقتهم من زمان .... وديل عبارة عن حرامية ... وصعاليك ساى...

- والله ياولدى الناس عارفنهم لكن المشكلة ساكتين ليه ماعارف ...


- ابوى الناس بقت مشغوله فى لقمة العيش وكمان الناس هاجرت ...والقتل البتسوى فيه الحكومة للمتظاهرين برضو بأثر ..

- الله يصرفهم .... لكن الناس قنعانه منهم .... وانتخباتهم دى مافى زول عاقل كده بمش عليها ..عل انت كيف عليك الله....


- والله كويسين الا بعض المشاكل

- ياساتر المشاكل دى من وين ؟؟؟

- مرة ناس الدفاع الشعبى .... ومره واحدين يقولوا تابعين حرس الحدود ... المهم ناس مسلحاهم الحكومة .... وخلتم سايبين .... كل فترة والتانية يقطعوا الطريق على الباصات وينهبوا فى الناس ..

- الله يستر عليكم .... لكن الدخلته الحكومة فى الناس مابمرق بسهوله.... لكن يومهم بجى..
 
رد: ونسة مواطن


- هو اسرائيل دى كل حاجة مدخلنها فيها هو اصلا تاريخ البشرية ... ده كله اكتر زول قاتل ... هو الانسان العامل لينا فيها بتاع دين وبتاع

وشوف السماء دى كلها معلقة بى الدم .. وماتقولى هلال ومريخ ... وبرشلونه ... وهى تشاد دى زاتها لم كانت ولا حاجة كانت بتأكل من خيرات اسرائيل ...

وبعدين عمر البشير ده كان ودوهو الجنائية ناس كبر ديل ما الا اسرحوا بالغنم ... والله زى مابقول ليكم هو عمر ده ماقتل الزبير ... والزبير ده ما كتل ناس كتار ...

- يا صلاح هو خلاص امش هاك الجنيهين ديل ماتجيب لينا هوا..


- اى انا عارفكم كلامى ده ما بتدوروه ... الا هسى انا باخرتى واقفه .. والله انا بأكل منها كل الناس الجعانيين ديل لكن والله زول عنده دقن .. ما يضوها ياخى ديل صعايك... هههه ههههه واحد بالله يلقوه.....

- امش امش امش .....
- هههه خلاص ماش ....

- جعفر ياخى ماتخليه .... مالك ... الزول ده مالو ...

- هسى كان فتح .... بجيب لينا حاجات ماتقدر تتصورها ... مسكين ... والله الزول ده كان عبقرى عديل ....

- والحصل عليهو شنو؟

- قصته طويله .... بحكيها ليك ....
 
رد: ونسة مواطن

- شوف انا اقول ليك الزول كان كويس ....كلن بدرس فى الجامعة ..
وكان محبوب جدا ... فى الجامعة كان ناشط .. مسكوه ناس جهاز الامن ... عدى فترة ...

المهم طلع كويس بعد داك كان موضوع الاباده الحاصلة ديك ... وهو قريتهم قريبه من هنا اسمها مبروكه ....

لمت ليك الملشيات مع جيش الحكومة ضربتهم ليك ... لم هو جاء كل افراد اسرته راحو فى الاباده ... بقى هو وحيد .... ومنها حصل عليه هذا الحصل ....

- لا حولا بالله انت جادى كده انه الحكومة دى حرقت قريتهم كلها ....


- اى والله زى مابقول ليك ... انت خليك من دى ياخ الحكومة فى ليلة واحده حرقت ليها اكتر من 8 قرى ...

- وطيب الحكومة والاعلام ... وكل يوم تصريحات ان الحرق تم بواسطة الحركات وغيره ...

- ياخ ده كذب وتطبيل ساى اعلامك منو ياهم ناس الهندى واحمد البلال ههههههههه...

- ياخى خلى ده يا خ عمك المجنون البقولوليه الاستاذ ... بتلقاه طوالى شايل الرادى بتاعو ...داك

- ايوه بعرفو بعرفو ... ده مالو كمان ...

- ده ماحصل ليه نفس الاشكال ... مسكين والله...

- ياخ منعول ابوى دى حكومة ... وديل اسلاميين..
 
اها يابقة الثورة الكنتوا بتهاتوا بيها عملتوها ولكن الازمة لسة فى محلها وكمان زيادة ..
---- او
حبيبنا انت لسة ياكافى البلاء لابتجدع لا بتجيب الحجار والله انت غايتوا اخير منك الكوز عديل زمن النظام الفات شغال فينا ما بتقدروا عليها وهسى لم اتحققت الثورة داير بين يوم وليلة كل الحاجات تظبط ..
هههه--- والله شوف نحن ناس تبع المصالح
المصالح دى ما الطلعت ميتين الشعب ده تلاتين سنه..
جزء من حوار مع ارزقى وانضم اليه اخرين نواصل ....
 
أعلى أسفل