وفاء قاسم « حالي بلاك كيف »

عزيزوغالي

:: كاتب نشـــط::

حالي بلاك كيف
************

لو شفت حالي بلاك كيف
ما كنت يوم قسيت علي
ما إنت دنيا ولون وطيف
الله في سماهو كريم علي
هجر الحبيب لقليب رهيف
طويتو في ضلوعي طي
إتمردت كل الدواخل
وقالت فيك ووب وأحي
سيب الضنى وليه البعاد
ما إنت هجرك كاويني كي
مشتاقة لي شخصك معاي
وبنادي ليك أسي أسي
صمتك يا غالي صعيب علي
والله ريدتي كتير شديدة
وقليبي نجيض موهو ني
نار البعاد وديمة في سهاد
أتعب دواخلي ولواها لي
ليه يا حبيب صدك رهيب
خلاني زي ميت وحي
 
أعلى أسفل