وطنك شهر | منتديات الراكوبة

وطنك شهر

الموضوع في 'الحوار العام' بواسطة ناجي فرح, بتاريخ ‏يوليو 10, 2016.

الوسوم: إضافة وسوم
  1. ناجي فرح

    ناجي فرح كاتب جديد

    إنضم إلينا في:
    ‏يوليو 9, 2016
    المشاركات:
    7
    الإعجابات المتلقاة:
    0
    نقاط الجائزة:
    1
    صباحا زي عيونك ... مافي زيو صباح .... صباح الخير يا بلد .... يا ناس البلد

    تعالوا نبقى عشرة على البلد .. نغير كل المفاهيم القديمة

    وليه نكون نحن الشعب الوحيد في العالم البقول منعول ابوك بلد .....وعفوا يابلد .... ليه بنربط الزنقات بالبلد ...... نعيب زماننا والعيب فينا وما لزماننا عيب سوانا
    معقولة بس

    وعارفين ليه تربية وطنية مافي الكان عندهم تربية وطنية صاح شالوا الاستعمار عشان البلد وجا الجيل البعدهم جيل اكتوبر .. برغم غناهم وبرغم السمعناهو والشفناهو الا انهم هم الذين رسخوا لفهم عدم الوطنية وتضييق وعاء الوطن

    بقى الوطن اكتوبر .... اختزلوا السودان في شهر .... يعني يمكن نقول ديل العسكر الغيرو فهم الوطن؟ دا سؤال بس

    وهام الناس عشقا في الوطن وسقط اكتوبر ..... اكتوبر الشهر البلف ويجي وما واصل الاربعين يوما بقى وطن تصوروا
    سقط اكتوبر وسقط الوطن واتشكل في رحم السنة وطن تاني .... وطن جديد .... بناه الناغمون على الوطن السابق (اكتوبر) .....
    جات مايو
    واي زول يقول انا كان لدي وطن أغني له حكايتو بايظة وغنينا ... مايو حبيب ..... وامتد الوطن ليكون زي امي وابوي وزي اختي واخوي ... وكما قالوا ....... نحن من مايو وفي مايو بعثنا من جديد ....... وكانت مايو الوطن بل البعث الجديد ....... مايو الوطن الذي جب كل الاوطان قبله ... وطن جديد لبعث جديد وشعب جديد ..... والشعب القديم يتلصص ... يتربص ... وينسج الحكايات والمعاملة بالمثل
    يود ان يقول ان هذا الوطن تافه .... لان من بناه تافهون وهكذا ... وتوت توت ... سقطت خلاص ورقة التوت .... واتململ الناس .... والجيش كما الحدادين ... كل يحاول ان يصنع وعاء الوطن الذي يدين له
    وجددناك يا اكتوبر في ابريل ... وكنسواا اثار مايو ... ومايو كان الوطن ... واعمدة سور البرلمان كانت 25 عمود صغير تليها 5 اعدة طويلة يعني تاريخ بعث الوطن 25 مايو ..... غيروها تتخيلو .. وحدايق مايو سموها ابريل ... حي مايو دا ما كنسوهو ليه ...... عشان فيهو التعابى ... دا شكل الوطن الجديد ... وناس الوطن الجديدين .... وابريل والهرجلة وناس اكتوبر وبعض من تاريخ الاستقلال ... او خلونا نكتب الحرف زي ما بنطقوهو معظم السودانيين الاستغلال عشان دي الحقيقة ... الله خلقنا ننطق القاف غين بس تقول عشان الكلمة دي ....
    وجاطت حقي وحقك .... وكم وطن في الكيو ..... في الصف ... وجات الانقاذ ... الوطن الجديد .... بمفهوم الموت والشهادة ..... الوطن المسلم ...... نحن اوطاننا بقت شهور ..... بقت ثورات وانظمة
    عشان كدا مافي حب للوطن
    بعض الاغاني خلدت ..... لانها تغني للوطن المحض ...... وبتتغلغل جوة اي زول لما يسمعها ........ يعني قابلين للحاجات دي ..... بس البسن السنة الحسنة دي منو ....... يا وطني يابلد احبابي
    وان ربط الوطن بالحبيبة لكن برضو الوطن ولو ماتت الحبيبة هل سيموت الوطن
    وتبقى لوحة العطبراوي
    انا سوداني انا
    ولوحة الكاشف
    انا افريقي انا سوداني

    اوع تخلو الوطن ثورة
    علموا النشء ان الوطن تراب حتى يحافظوا عليه
     
  2. Awad alawad

    Awad alawad :: مُـشــــــرِف ::

    إنضم إلينا في:
    ‏سبتمبر 7, 2011
    المشاركات:
    5,055
    الإعجابات المتلقاة:
    9
    نقاط الجائزة:
    38
    رد: وطنك شهر

    صدقت الناس بتخلط بين الوطن والحكومة والحكومة بتساعد على نشر مفهوم ان الوطنية الكاملة لا تتم الا من خلالها والحقيقة يذهب الطغاة الى الجحيم ويبقى الوطن كمان كان وان تشرزم فلا بد من عودته يوما ما كما كان تحياتي ناجي
     
  3. Ana Mnkom

    Ana Mnkom :: مُـشــــــرِف ::

    إنضم إلينا في:
    ‏أكتوبر 13, 2011
    المشاركات:
    10,075
    الإعجابات المتلقاة:
    97
    نقاط الجائزة:
    48
    رد: وطنك شهر

    مرحب بيك الاخ ناجي
    بتذكر ايام نميري ادخلت مادة التربية الوطنية لتدرس في المتوسطة ..
    حكومة الانقاذ اسهمت بصورة كبيرة في تفعيل الفبلية والطائفية واصبح الولاء للقبلية ويتضح ذلك في رموز الانقاذ فاذا كان مثلا شايقي تجد كل من يعملون معه شوايقة وهلم جر ..
    فانتفت معني الوطنية والولاء الوطني وحل محله الولاء القبلي ...
     

مشاركة هذه الصفحة