وداعة الله إبراهيم «عشانك يا تراب بلدي»

ضى القمر

:: كــاتبة نشــطة ::
عشانك يا تراب بلدى
عشقت الغربة والرصاص
وعشانك يا تراب بلدى ،،
بندفع بس بلا مقياس
وعشان شرف بنوتنا ما انداس
نحارب الجوة والبرة ،،
ونشيل الخير لكل الناس
وحتى الفينا ماهو كبير عند الناس
معروف وراكب الراس
موية النيل رواها كتير
وشارب النيل محال اعطش
وارثنا الباقى فى الوجدان
محال هو يضيع على درب الزمن ويطش
كرام عزاز نشيل الضيف
يمين بالله نرويه ومن بين كتوفنا يعيش
سماحنا كتيرعفونا كتير
وديمة بنقبل البيرجع حتى لو يقول معليش
ويلا يا قطن الجزيرة امشى فى كل المصانع
يلا يا سمسم غربنا ويلا يا حبة شرقنا
نمشى لى اناناس مريدى نطرد الزيف المخادع
نرسم الوطن المعذب خرطه كاملة بدون موانع
 
أعلى أسفل