وتشرق لينا اكيد فى يوم وتصبحى حره ياخرطوم

رد: وتشرق لينا اكيد فى يوم وتصبحى حره ياخرطوم

اى تفاوض مع النظام هو نوع من الغباء .... والجهل المعرفى ....بخباثة ...فمتى كان لاسلاموى عهد او ميثاق
يحاولون زج الناس والمعارصين فى مسرحيات هزيلة الاخراج ....
فالحل ان يحارب النزام بكافة السبل .... وحتى برفع السلاح ....لان من سفك دماء الابرياء لايمكن ان يتنازل عن السلطلة الا بسفك دماؤه

فالخرطوم الان مؤهلة تماما لتحريك الثورة .....لان كل السودان الان فى الخرطوم

فيا خرطوم ...ثورى ثورى
 
رد: وتشرق لينا اكيد فى يوم وتصبحى حره ياخرطوم

هاهى الخرطوم .. تشرق شمسها امس بسقوط قتيل اخر .. بايدى قتلة النظام وسفاكى دماء .... ادمنوا القتل والسحل ... فى ابناء شعب صبر كل تلك السنين ....
والخرطوم الان تفتح اياديها مستنجده ....بمن يخلصها من براثن ... السفلة .....
فيا ترى سوف يمر هذا الحدث كسابقه ام الضمائر الحيه سوف تصحى من ثباتها .... وتجهز على النظام..
 
رد: وتشرق لينا اكيد فى يوم وتصبحى حره ياخرطوم

التواجد الامنى الكثيف...والحائط المدرع الذى بناه كلاب الامن مع مسعورى الشرطة ...وضرب هذا السياح السميك . للفصل مابين المقابر والمشيعين ..
وقبلها منع الجماهير من ركوب المواصلات من المشرحة الى المقابر. باجبار عربات المواصلات من التحرك وعدم ...ايقالها اى شخص ...لهو دليل واضخ واثبات بان النظام لامحال هالك ..لان الخوف والرعب ظهر فى اعينهم وتصرفاتهم ... فالتواجد المكثف اليوم لا يمكن ان يكون بهذه الصورة حتى لو الحرب كانت على عدو للبلاد من الخارج ...وان غزت الجيوش الخارجية الخرطوم لايمكن ان يواجهوهم بهذه الكميه لانهم يخافون المقابلة بالسلاح.. ولكن هكذا حكومة الجبناء تقابل مواطنها الاعزل بقوة السلاح حينما يطالب بابسط حقوقه ... ويدخلون السيوف فى غمدها ...ويلبسون الجبن ثياب ويغضون الطرف ...عندما تحتل مصر حلايب...وحتى اذا احتلت اثيوبيا حدود الشرق باكمله...وتضرب اسرائيل عربة داخل المدن السودانيه...
يغضون الطرف عن اى مايسمى بالعدو الخارجى .. وينتقمون من طالب تسلح بالعلم لهزيمة جهلهم .. فيا ايها الجبناء الرعاديد .. حتما سوف يخرج الشعب يوما ....حتى لو تسلح بقوة السلاخ لمواجهة صلفكم وغروركم.....وحينها ستكون الخرطوم خالية من كل اسلامى .. يا اشباه الرجال...ويا مخنثى الفكر ...والمبداء..

..........
وتشرق لينا اكيد فى يوم وتصبحى حرة ياخرطوم
 
رد: وتشرق لينا اكيد فى يوم وتصبحى حره ياخرطوم

امى بت الحاج
قات لى فى المشوار
لاتهادنو الكيزان
هتفت مع الشجعان
ومشينا متفقين
بيناتنا امدرمان
وصتنى برضو كتير
لا ترضى بالازعان
وامسك دريب الحق
حت لو بقيت عدمان
قت ليها يا والده
حق الوصية على
كان تنقطع ايدى
مابسرق السودان
مابدى حرفى رخيص
مابمدح السلطان
ومشينا متفقين
بيناتنا امدرمان
دقت حبوب البن
ادتنى بالفنجان
الجنزبيل الريد
والبسمه للحبان
الصحبه فى الله
الهشه فى الطله
والرحمه بالانسات
يا امى ست الكل
شجر النخيل الضل
ياروعة الازمان
ياحبى لمن اموت
فى الذكرى والنسيان
بيناتنا حق الريد
والعشره والاحسان
يا امى فى الخرطوم
سقط الشهيد محموم
واتشهد الرحمن
كتلوهو دون احساس
ضربوه بالرصاص
ناس لابتخاف الله
لابتعرف الاخلاص
اقريلو يا صالحه
الحمدو والاخلاص
ولد الوطن ولدك
واصلو البشر بالناس
........



ابو مريم
 
رد: وتشرق لينا اكيد فى يوم وتصبحى حره ياخرطوم

عبد الباقي .. يا حبيبنا ..وضيوف البوست .ز الأحرار .. الشرفاء
النظام الفاشي .. البغيض .. أذاقنا .. ما أذاق .. من .. الويلات
تقتيل .. تجويع .. تشريد .. تقسيم .. وكم أشاع .. البغضاء .. والعنصرية
والقبلية .. ومارس .. فينا فساداً .. ما أنزل الله به .. من سلطان .. !!
لكن ..
لابد .. للقيد أن ينكسر .. ولا .. بد لليل .. أن ينجلي ..
ولا بد .. أن يستجيب .. القدر .. !!
وغدا ..
ستشرق شمس .. الوطن الذي .. نبتغي .. !!
 
رد: وتشرق لينا اكيد فى يوم وتصبحى حره ياخرطوم

الى الذين يتحدثوا عن جبن الشعب السوداني
تذكروا أن ذاكرته غير مثقوبة
الى الذين يروجون خطاب التخوين للناشطين والتشكيك في بعضهم البعض
تذكروا أن ذاكرته غير مثقوبة
الى الذين يروجون الخطابات التى تسيئ لشعب قدم الالاف من الشهداء
تذكروا أن ذاكرته غير مثقوبة
الى الذين يتحدثون عن جبن الشعب السوداني هذا عار واستخفاف بالأرواح التى قدمت نفسها رخيصة لقيم هذا الشعب الكريم الفاضل الشريف أستخفاف بصمود النساء والرجال والأطفال والشباب الذين دخلوا سجون وبيوت أشباح هذا النظام وخرجت أكثر مضاءاً وشرفاً
تذكروا أن ذاكرته غير مثقوبة
هذا الموج المخضب بدماء أطفالنا وشبابنا ونسائنا تعبأ فينا فهو قادم كموج الأزرق الثائر والأبيض الهادر
تذكروا أن ذاكرته غير مثقوبة
هذا شعبنا وبه نفاخر ونرفع الهامات
 
رد: وتشرق لينا اكيد فى يوم وتصبحى حره ياخرطوم

الجميل الحلاوى ...
اكيد سوف تشرق ....شمسنا يوما.....

وكما ذكرت ..ان السهم يرجع للوراء لينطلق اكثر قوة ...



تحياتى
 
رد: وتشرق لينا اكيد فى يوم وتصبحى حره ياخرطوم

الى الذين يتحدثوا عن جبن الشعب السوداني
تذكروا أن ذاكرته غير مثقوبة
الى الذين يروجون خطاب التخوين للناشطين والتشكيك في بعضهم البعض
تذكروا أن ذاكرته غير مثقوبة
الى الذين يروجون الخطابات التى تسيئ لشعب قدم الالاف من الشهداء
تذكروا أن ذاكرته غير مثقوبة
الى الذين يتحدثون عن جبن الشعب السوداني هذا عار واستخفاف بالأرواح التى قدمت نفسها رخيصة لقيم هذا الشعب الكريم الفاضل الشريف أستخفاف بصمود النساء والرجال والأطفال والشباب الذين دخلوا سجون وبيوت أشباح هذا النظام وخرجت أكثر مضاءاً وشرفاً
تذكروا أن ذاكرته غير مثقوبة
هذا الموج المخضب بدماء أطفالنا وشبابنا ونسائنا تعبأ فينا فهو قادم كموج الأزرق الثائر والأبيض الهادر
تذكروا أن ذاكرته غير مثقوبة
هذا شعبنا وبه نفاخر ونرفع الهامات

الاخ كشوما ....
الشعب واعى وراعى ... وان اقعده رصاص الظلم ... ولكنه مازال يقاوم .. ويقدم الشهداء...

وسوف يأتى يوم والتاريخ لا يرحم كل من باع ضميره .. ليعمل قوادا لصعاليك النظام .. والمواقع تحتفظ بتوثيقهم...

وطريق الثورة ماضى رغم انف المخزلين ...اشباه الرجال...

تحياتى
 
رد: وتشرق لينا اكيد فى يوم وتصبحى حره ياخرطوم

ما جاب المطر بنزين
شعر هاشم صديق

ماجاب المطر
بنزين
ولا سوت خُطَب مولانا
( تاج الدين )
بلد طيبة
وقوم آمنين
ولا ارتاحت
جيوب الناس
في الطابونة
والكنتين .
.............
قعدتو تبولو
في ريسينا
كم حولاً
فات في العد
عدد عشرين .
خليتو البلد فقران
سواد الأمة
بات محتاج
وجُل الشعب
صار مسكين .
...............
ما شفنا يا ( مولانا )
يا ( بشبش )
ءاسم ءاسلامي
ءاسلامين
ولا شفنا الصلاح أفعال
ولا قامت شريعة
ودين .
سويتو البنوك ( كعبة)
و ( هرولتو )
بين ( كافوري ) و ( البدعة )
وبين ( السفة) ( واللبعة )
جيتو نحاف
تقول أطياف
بقيتو كروش
شحم وقروش
وقاطرين من ورا
الجعبة
وما فيكم ءاسم ( صالح )
ولا صالحين .
.................
يا مولانا يا ( بشبش )
وتاج الدين
انحنا ولاد بيوت الطين
ما دخلت بيوتنا ( البيتزا )
ولا عارفين شنو
( الهوت دوق )
ولا ( اتحنكشنا )
( بالمصاصة )
ءانتو المصوا
دم الشعب
ما خليتو قطرة دم
وانتو السُقتو
بي حالو
وطن للجوع
ونار الهم
وانتو البعتو
خير الأمة
شرف الذمة
لما خجل
عديل
من روحو
حتي الذم
وانتو الجيتوا
بس للم
وكم في كم
وقهر الأمة والتنكيل
...................
يا ( بشبش )
هو ده التأصيل ؟
وجنس ( البيتزا )
مش ايطالي
ما ( جعلي )
ولا شايقي
( والهوت دوق )
موش نصراني ؟
ولا كمان
صبح سوداني
ساي بالغش
والمصاصه
يا حصحاصة
ده الاعجاز
وده الانجاز ؟!
..............
..............
مما جيتو
اتباع الشرف
في السوق
عكّرتو البحر
بالغم
وكتْلتو العباد
بالهم
وسطرتو الظلم
بالدم
رقّيتو الرمم
لي فوق
زرزرتو الرقاب
بالطوق
ولغيتو
الخجل
والذوق .
...............
يا ( بشبش )
أمير الدين
نحن ولاد
بيوت الطين
كنا عُزاز
ومستورين
وشبعانين
نعوس الكسرة
فوق الصاج
وبينا العُشرة
والنفاج
ونكرم ضيفنا
والمحتاج
لا ( هوت دوق )
ولا ( بيتزا )
و ( مصاصة )
شبعنا عشقنا
اللقمة ( بالتقلية )
والقراصة
بالدمعة
وبالسمنة
وسَلطةْ روب
كمان خاصة .
...............
قَبُل ما تجونا
ما كنا
ناس فاجرين
ولا كفار
وعارفين
الفروض والدين
انتو الجيتو كضابين
وسفاحين
وسراقين
نشّفتو البلد والريق.
وتجار دين
لا شوف سبحة
لا ءابريق
ما زدتو البلد
انجاز
ولا ميزة
غير ( مصاصة )
أو ( بيتزا )
كُلْ شيتاً
عكس روحو
ونكر سيدها
شَمِس
بتجينا بوشيها
بقت بتجينا
بي ( ....... ) .
...............
كل شيتاً صِبح بالعكس
عقل الباقي
صابو المس
لا خَدّر زرع
أو قش
ولا نجض الثمر
للحش.
...........
كل شيتاً
صِبح بالعكس
وطن كامل
أذاهو القص
حتي الضُل
دخل القش
سماع ءاضني
كورك كش .
..............
كل شيتاً صِبح بالغش
العولاق
صبح عملاق
والرمة
صَبح قِمة
ديك الوادي
صار والي
( الباطل )
صبح راجل
كمان كاتل.
والمهبوش
قدل منفوش.
ده بس
زمن الكضب
مفروش
وبيع شرف البنات
بقروش
وصوت النخوة
صار مقروش .
.................
يا مولانا
يا ( بشبش )
أمير الدين
ما جاب المطر
بنزين
وما شفناك
عدالة ودين
حريقنا وَقَد
حسابنا ولَد
مرقنا نأدب
الباطلين
جوه السُلطة
رقاصين وهراشين
وبره
نِعام
يوم الزَرّة
ما فيكم
ءاسم راجل
وما بتموتو
مستورين .
_____
 
الزمان 16يناير 2018 الحزب الشيوعى السودانى يدعوا الشارع السودانى للخروج فى مسيرة كبرى القصد منها تسليم مذكرة رافضة سياسات النظام البائد الاقتصادية قابلها النظام بعنف مفرط ولكنها كانت جس نبض للشارع وظهر ذلك من التفاعل الكبير معها عدا الاحزاب الانتهازية التى رفضت الخروج الى الشارع تلبية لدعوة الحزب الشيوعى السودانى .
قبلها كانت هنالك كثير من الاحداث ولكن هذه تعبر اولى الشرارات التى اشعلوها الشيوعيين ضد النظام البائد واولى خيوط اشراق شمس الخرطوم .
احداث كثيرة تلت مظاهرة رفض الميزانية فى يناير التى اظهرت جسارة الشعب السودانى وطرده للخوف تماما وبدأ نظام الانقاذ يترنح ويتهاوى الى السقوط.
شعار حرية ...سلام... عدالة والثورة خيار الشعب كان حاضرا فى مظاهرات يناير والتى هى شعار المؤتمر السادس للحزب .
استمرت الازمة الاقتصادية كما هى علية واستمر صلف وغرور النظام يزداد واستمر الصرف البذخى للتسلح واستيراد ادوات قمع المواطنيين حيث اصبح هو الشغل الشاغل للنظام وهو التسلح ضد المواطن خوف السقوط . بحيث قدر ما انفقة للتسلح ضد التظاهر كفيل بحل الازمة الاقتصادية نفسها .
 
الزمان 16يناير 2018 الحزب الشيوعى السودانى يدعوا الشارع السودانى للخروج فى مسيرة كبرى القصد منها تسليم مذكرة رافضة سياسات النظام البائد الاقتصادية قابلها النظام بعنف مفرط ولكنها كانت جس نبض للشارع وظهر ذلك من التفاعل الكبير معها عدا الاحزاب الانتهازية التى رفضت الخروج الى الشارع تلبية لدعوة الحزب الشيوعى السودانى .
قبلها كانت هنالك كثير من الاحداث ولكن هذه تعبر اولى الشرارات التى اشعلوها الشيوعيين ضد النظام البائد واولى خيوط اشراق شمس الخرطوم .
احداث كثيرة تلت مظاهرة رفض الميزانية فى يناير التى اظهرت جسارة الشعب السودانى وطرده للخوف تماما وبدأ نظام الانقاذ يترنح ويتهاوى الى السقوط.
شعار حرية ...سلام... عدالة والثورة خيار الشعب كان حاضرا فى مظاهرات يناير والتى هى شعار المؤتمر السادس للحزب .
استمرت الازمة الاقتصادية كما هى علية واستمر صلف وغرور النظام يزداد واستمر الصرف البذخى للتسلح واستيراد ادوات قمع المواطنيين حيث اصبح هو الشغل الشاغل للنظام وهو التسلح ضد المواطن خوف السقوط . بحيث قدر ما انفقة للتسلح ضد التظاهر كفيل بحل الازمة الاقتصادية نفسها .
ومن حينها سقط النظام
 
أعلى أسفل