واهـ يا دنيا!!. | منتديات الراكوبة

واهـ يا دنيا!!.

الموضوع في 'الحوار العام' بواسطة ود الشريف, بتاريخ ‏يونيو 23, 2018.

الوسوم: إضافة وسوم
  1. ود الشريف

    ود الشريف :: كاتب نشـــط::

    إنضم إلينا في:
    ‏يونيو 23, 2012
    المشاركات:
    1,283
    الإعجابات المتلقاة:
    42
    نقاط الجائزة:
    48

    المكان صالون العم جبريل

    الزمان مقبل الأيام في عيد الأضحي

    إجتمع الشباب معهم هشام ابن صاحب البيت لوضع خطة

    وخريطة لتقضية الوقت ,,,, إتفق الجميع علي مشاهدة

    التلفاذ ولعب الورق ,,, هشام إبن البيت جهز الورق(الكتشينة)

    وشاشة 42 بوصة وبعض المعينات من ماء و .... إندمج الشباب مع (الحريق)

    وبرنامج التلفاذ في وادي آخر كما عودتنا مذيعات ومقدمات البرامج

    في هذه الأثناء .. هجم عليهم صاحب البيت العم جبريل

    صائحاً ..... اولاد الأيه أنا حايم في الشوارع والولد هشام لامي لينا

    اولاد الحلة وفارشين بطانيتي وقال صائحاً لأبنه قوم من الطربيظة المايلة

    وكمان في الزون جيب الورق ده وأمشي شوف ليك شغلة

    وتمتم (يخرب بيتك يا هشام ورقك ابيض من كراس الرسم )

    ولأنو الحاج به ثقل في الأذن حديثة طاغي علي صوت التلفاذ

    وتمتم ( يا جماعة دك )

    وهمس آخر : يا جماعة دكوها ليهو علي الأقل يلعب ليهو

    توزيعة عمك أخف من هشام

    وآخر بصوت عالي : دكيناااااها

    وتم توزيع الورق

    وبدأ عمك جبريل ترديد اغنية قديمة جداَ مع كل ورقة يرفعها من التوزيعة

    وهمس احدهم : عمك ورقو واقف عمود

    وآخر : يكون لامي الجواكر

    وبدأ العم يحس بالهمس فقال : الوسوسة ما بتحلكم آييي انا في الزون 29

    لاكن علي بالطلاق تحرقوا كلكم أنا في زوني ده اشيل العشرة

    وفي هذه الاثناء ظهرت صورة الريس في الشاشة وتحته مكتوب خبر عاجل باللون الأحمر

    وبدأ الريس بالحديث :

    أعلن إستقالتي من جميع مناصبي و..

    وصاح الجميع (أرفع صوت التلفزيون)

    عدا العم جبريل الذي لا يسمع ونظره منكب في الورق يغني أغنيته القديمة

    حليلي الدنيا قساية – ابت ما تبقى رضايه

    وصاح هشام يابا الجماعة دكوها يابا عمو كبير ذاتو دكاها ولا يخاف عقباها




     

مشاركة هذه الصفحة