هاشم صديق «الكلام مرات رخيص مثل التراب»

ضى القمر

:: كــاتبة نشــطة ::
حكمه

الكلام مرات رخيص
مثل التراب
والفعل نادر ندره
.... الخضره في
الربع الخراب ....
والسؤال دايما بليد
دايما بليد
دايما بليد
لامن يكون واضح الجواب

زول بحبك هاشم صديق
زول بحبك وما كا خابرو
ياما لاقيتو وبسالمك
وداسي منك حال دواخلو
جوه فيها الموج يدافر
وانت يا محبوبي فاكر
انو رايق وقلبو شاغر
اصلو بتدس ملامحو
ياما لاقيتو وبصافحك
موت بجيك وماكا عارفو
زول بجيك وماكا شايف
ياما سالم وصوتو غالب
رجفه في همس الشفايف
مره شده علي ايديكا
وقلبو جنح ورق ليكا
رك في شرفة عينيكا
وقرب اشرح جنو ليكا
الا حلف في المخاوف
اصلو جرب وحلمو نازف
موت بريدك وماكا عارف
زول بحبك وفيهو ساكن
وياما دساك في ملامحو
وفيها ليك سور مساكن
كم لقاك حياك وصبح
وفي ابتسامتك قرب يسرح
كان مناهو يقيف ويشرح
ال خاف من "بس" و" لكن"
وينكسر خاطرو ومشاعرو
ويبقي صبح الدنيا داكن
اصلو زول ممكون وصابر
جوه فيهو الموج يدافر
وبره في قسمات وجيهو
تلقي موج البحر ساكن

ما ضهبت القدال
ماضهبت اقول لقيتك
وانت في كل الخواتم
والمياتم والنجيمات والغواتم
ما حزنت اقول بكيتك نحن
في حزن المخاليف
والمغنين المطاليق
الفرح جايك وعد
غنوه اولاد التحاريك
السعد ولا البعد
البعد ولا السعد
كنتي في الليل الخوابي
تهاتي بنيات الطوابي
تحاكي جقليب السعي
الجنيات خلو حجرك
ريح يفــــوفي
وعين مزروره من شقي
الفرح المرابي
ومنية الوعد الدعي
يادياري الوين ... أني
تور غفين الشين ... أني
وانت في شوفك تخاتل
رفة الطير والحفيف
وانت في خوفك تكاتل
عينة الجلبت خريف
 
أعلى أسفل