هاشم أحمد خلف الله «كيف ترضى مني تكون بعيد»

ضى القمر

:: كــاتبة نشــطة ::
#1
كيف ترضى مني تكون بعيد
والسكة لسه في اولا
والعيد بدايتو تكون رهاب
وخطواتي انتا بتبعدا
لو كان غلطتا عليك انا
زلاتي ليه ما بتغفرا
ليه تنفعل وتقول كلام
اعصابي ما بتتحملا
لو راضي لي انت العذاب
ارحم رويحتي المخلصة
ارجع تعال وسيب العناد
ما الحب كدا
مرات تكون فوق في السحاب
ومرات تكون بالشكل دا
مرات تكون هاني وسعيد
ومرات دموعك تحبسا
عارف غلطتا عليك كتير
ماالغيرة يا حنين كدا
تعميك تشوف حسن الخصال
تكويك عديل بالشكل دا
راجيك تعود تفرح عيوني
ما شوقي ليك فات حد المدى
عارف فراقي عليك صعيب
وعارفني من غيرك تعيس
وعارف كمان انو الزمن
لا لي ولا ليك بفضل كدا
خليني في عينيك دوام
وكلماتي ما تذهب سدى
خبئها من كل زولاً حقود
ومن دروبنا الموحلة

ما كت مصدق حبي ليك
هين رخيص بالشكل دا
لكن خلاص حب وإنتهى
يا روحي ابقي علي العمى
تفديهو بالغالي النفيس
و يجور عليك بالشكل دا
خليهو يمكن يعيش سعيد
والدنيا ليهو مفرهدا
يمكن يلاقي حبيب رهيف
يفديهو لاخر المدى
 
أعلى أسفل