هاشم أحمد خلف الله «غلطان أنا»

ضى القمر

:: كــاتبة نشــطة ::
#1
غلطان أنا
لمن كتبت الريدة في خيط الوهم
وسندت حيلي على الرهاب طول الزمن
وحفظت ريدك في الضمير أنبل سكن
وعزفت لحنك بالوريد أنغام شجن
ومشيت عليك زادي الجراح
وسواس وظن
زادي الشعور
المن جفاك مات وإندفن
زادي الأمل
المن قساك هجر الوطن
زادي الحنين
إتوشحك ُسترة وكفن
غلطان انا
والليلة بحلف ليك قسم
قسماً عظيم ما فيهو ظن
إنتي فـي طريق وأنا في طريق
لا بيني لا بينك كلام
لا بسمة لا قولة سلام
بنساك بروح مِنك افوت
لا وعد مني ولا رودود
يكفيني من ظُلمك صدود

تفتكري تاني بحن ليك
أشتاق أطالع ضئي عينيك
ندمان أنا في تقديري ليك
حلمك سراب ضاع من إيديك
اوصدتي قلبي على مجيك
مغرورة ما عرفتي العليك
بنساك جد غصباً عليك
بنسأك ولا أسفاً عليك

باكر جراحاتي بتطيب
باكر بشوف غيركِ حبيب
قلباً يدوب فيني وأطيب
يشفي الجراحات والنحيب
 
أعلى أسفل