نبيل عبدالله الماحي «أشرعة اللقاء»

ضى القمر

:: كــاتبة نشــطة ::

أشرعة اللقاء


انشالله خير وانا بينى

بينك كل خير

متجمعة متجملة كانت


خطاى تسير عليك

متلهفة عينيه ليك وقلبى

يهتف مشتاق كثير

لامن نتدهيتى عليهوا تعال

ما كان محال انك

تصيدى وتطلقيهوا

زى الفراش

نسمة ودعاش وليك يشير

ندهتى اسمى وجيت اسير


ما بين جموع فرح اللقاء جايكى

يا فرحى الكبير

اسدلتى اشرعة اللقاء

كان الوطن هو الملتقى

وانا بيك هنا بتجاوزالخطر الكبير

لانك انت نور ظلام

قلب دافئى وصوت حنون

وقلبي ليك يبحر بحار

وانت لى حضن الشواطي

انت المنارة ونور حياتى

وانت زهرة فى ربيع الدنيا جاية

تحكى لى عن الحجاوى

عن جمال الدنيا عن صدق الخواطر

عن صحاب فى الد نيا

كل المخاطرلما يبقى زول مهاجر

فى بلادا ماها هيلوا وليها سافر

عن وطن جوانا بصرخ

وفى قلوبنا ولسه حافر ساس غريق من

مودة واشتياق

وانشالله خير يا جمال الدنيا يامصباحى المنير
 
أعلى أسفل