نبض الخاطر ..

[فوزية حسين]

رد: نبض الخاطر ..

ياااخ خليـــــك قريب ،،
كُن للحروف معنى ووزِن
كُن غيم هتون يهدي المُزن
كُن إيد حنينة مسّاحة حُزن
وخليك نـــون عمق القصيد
***
انا ماسليت ساحات هـواك
وكم كم سعيت لانال رضاك
خاتاك في الجواي حـــــــرز
ومكنوز وفاء ،،
داساهو في الاعماق هناك
وبشارة اتلقاها عـــــــــــيد
***
خليك قريب ما تكون عنيد
ياااا روحي بس لِشنو الجفا ؟!
وساساق حروفي على دريباتك حِفا
ونتّاح خفوقك جوه جواي احتفى
وسبحَتَ سيلان في الوريــــــــــد
***
ماتفوت بعيد ،،
ارجوووك عليّ تاتيهو شافِعنا الوِلِف
ماحروف أحبك بين شفاي تنتح ترِف
ونبضات قليبي وقت مجيــــــــــــــك
تعدادا كمين في الحساب مابتتعرف
واحساسي بيك كل يوم بـــــــزيد
***
اقراني في حيطان جواك
تلقاني نقشة معلِّمـــــاك
ممتدة في صبحك مساك
وانا والعهد دوم في رجاك
لا ضيع البــــــال فكرتك
لا خاصمت عيني بهــاك
لا اتبرجت احلامي يوما لِسواك
لا قبّلت مجذوبة اعجاب لي حرف
ولا لي سِـــــــــــــواك مديتها إيد
***
قرب قريييييب ،،
اقراني زين ياغالي مابين الســـــــــــطور
وبي يد شعورك لامس اعماق الشـــــعور
تلقاها بيك ثملانة حب تتمنى لو كونك تزور
وتمِس مسيساً ليها بيفج عتمة الوجع البثور
وتشّع هنااااك في الجوه في وجداني نور
ومسامي تتبلل فرح نشوانة تتصايح عليك
اياااا حبيب الروووح ،، هل من مزيـــــــد ؟!
***
يااااااا كيف لذيذ وادمــــــان عـــــــجيب
ياهمسة احتلت مسامعي رجف وجيب
يا اغلى من جاوبتو نعميييييين يااااحبيب
يا حب ولوف عِنداًَ على الاقدار تعااال
قرِب كمـــــــــان ،، كُـــــن لي نصيب
وهاك الوعــــــد لي يوم فناي وساعة اللحد
قسما عليّ ،،
ابدا محـــاال انا غير عينيك في يوم أريد ،،،

 

[هجو فضل الله]

رد: نبض الخاطر ..

[size=6[size=6]]رااااااااااااااااااااااااااااااائعة يا فوزية[/size][/size]
بعدت عن المليحة وودت اني لم افارق ظلها ابدا ثواني

قويا ذو شكيمة غير اني ضعيفا في مواجهة الحسان

احاول ان اغض الطرف دوما الاقي الطرف مجبورا عصاني

فقلولو للمليحة ان سهمك اصاب العبد في اخطر مكان

سالت الله ان لا افارقها بتاتا سوي في الدنيا او اعلي الجنان

وانك لو ارت النجم يوما اشيري اليه من طرف البنان

يسامرني الزمان و خيال سلمي ويبقي خيالها كل الزمان

أغير عليها من نظري ومني ومنها ومن زمانها والمكان

ولو واصلتني في كل يوم ما سئمت من قدومها والتداني

ولو اني وضعتها في عيوني الي يوم القيامة ما كفاني

 

[فوزية حسين]

رد: نبض الخاطر ..

[size=6[size=6]]رااااااااااااااااااااااااااااااائعة يا فوزية[/size][/size]
بعدت عن المليحة وودت اني لم افارق ظلها ابدا ثواني

قويا ذو شكيمة غير اني ضعيفا في مواجهة الحسان

احاول ان اغض الطرف دوما الاقي الطرف مجبورا عصاني

فقلولو للمليحة ان سهمك اصاب العبد في اخطر مكان

سالت الله ان لا افارقها بتاتا سوي في الدنيا او اعلي الجنان

وانك لو ارت النجم يوما اشيري اليه من طرف البنان

يسامرني الزمان و خيال سلمي ويبقي خيالها كل الزمان

أغير عليها من نظري ومني ومنها ومن زمانها والمكان

ولو واصلتني في كل يوم ما سئمت من قدومها والتداني

ولو اني وضعتها في عيوني الي يوم القيامة ما كفاني

الروعة منك تستحي أخي الغالي هجو ،، تسسسسلم كثير وشكرا ودا على نثرك الجمال على براح النبض ،،

مودتي وتقديري ليك ،،،

 

[فوزية حسين]

رد: نبض الخاطر ..

قد لا أعي ،، ما يعتريني ! ،،
من شروردٍ او قنوتٍ او سكوت
او حتى مـــوت دونـــما نعي ،،
وخرير نزف في انسياب الادمعِ
لكنني حتما أعي أنك معــــي
متوسدٌ لقابعٍ خلف تِلك الاضلُعِ
فما لي سِواك ملاذ فـــــــــــــكر ٍ
والتياع واعتناق في المذاهب الاربعِ
في كل هذا الكون بعرضه وبطوله
وإنك بفيض مودتك ومعزتك واصالتك
ياروووحي وحـــــــــدك مطمعي ،،

 

[فوزية حسين]

رد: نبض الخاطر ..

أكون كضابة ،،
لو تبقى سنيني
الباقية بلاك
تتراءى سعيدة
غافية عيون ،،
الكل مرتاحة
وأنا عينيَّ ،،
مجافية غميدة
ترفل روحي
في ثوب أحزانه
وإنت رويحتك
لابسة جديده ،،
وتفضل ذاتي
أسيرة نوحه
ومن جنة
مولاها طريدة ،،
ده انا مجبوله
ريدك كنت
وكانت ريدتك
ليَّ عقبدة ،،
وكم بالقول
صيَّرتك نمي
وكم غنّيتك
أحلى نشيده،،
إسمك كان
عنوان ومعاني
أقرأ حروفك
وديمة وأعيدة ،،
وكم زيَّنت
مداي بي حرفك
وياما انا فيك
دوَّنت قصيدة ،،
إلا الظاهر
إنُّو وحاتـــــــــك
عايزو مكان
البسمة الكانت
تسكن وجعة
وتحل تنهيدة ،،

 

[فوزية حسين]

رد: نبض الخاطر ..

بشوف شرفات هوايا إليك نوافذ بوح
خلاله بمد حبال صمتي الموجّع
بالنِداء المكتوم ،،،
وعليك بنادي ،،،،
في همس الحروف الجاية
من جوف الكلام ،،،
البي العشم موشوم ،،
وعشان جنبك بحس بي ذاتي
والأنفاس تناغم دنك الفياض
مباهج تسعد الخاطر العليك مهموم
وأنا ودفق الحواس وغُناي ،،
وفرحة ليمي ليك وهناي ،،
نغم ينساب على نَفَس الحروف مرسوم
ومنو البِعرف عزيز قولي ،،
وشُمول صِدق النبِض في القول
بعد ما اندس فيني هواك ،،
وبقيت بي هم لِماك محكوم ،،،

 

[فوزية حسين]

رد: نبض الخاطر ..

منو الغيرك تمام سعدي ،، ومنو الغيرك متاع للروح ،،
اريت عمراً سنينو سواك تعدي أيامو تمشــي تروح ،،
ماليني أنت صَبَـــا وولِف ومندسي فيني بكل وريد ،،
وكل جوارحي بيـــــــك تبوووح ،،،

 

[فوزية حسين]

رد: نبض الخاطر ..

ليت الزمان محفِّزاً بالفيني
وليته عطفاً لذلك يأتي لي بيقينِ
ومن نهجه الغدّار مرة يقيني
أيسرّه أن يعتريني أنيني ؟
أم ياتُرى سأظلُّ وقفاً
والسكوت ينعيني ؟!
أم أرتضي نحبي غداً
وأرتجي تأبيني !!

 

[فوزية حسين]

رد: نبض الخاطر ..

ما جافيتك ،،،
أبداً حاشا ولا إتناسيتك ،،
كيف أنساك أو أتناسى
وأنسى دريباً فيهو نذرت خُطايا وجيتك
واتماديتك ريدة وإلفة
وحِنّاً دافق منُّو نهلت وليهو سقيتك
واتوسدتك راحة وفرحة
وكلِّ سنين العُمْرِ هديتك
وكم روّدت بنات أفكاري
وكم كم ليك غيَّرتو مساري وكم غنّيتك
فليت شموخ العشق العاصف فيني إليك
تقرا سطورو وعُمْقِ بحورو وواهج نورو ،، بس ياليتك
ده حبّك فيني هو الكافيني وباقي يقيني
وباقي يميني وعزِّي وصَوني من صافيتك
ولا لا ،، ولا لا ،، ياإيمان الروح وانفاله
وسترة حاله ،، ماااا اتناسيتك
ولا في يوم راودني تَجَافي
فيهو أقول سهواً شاقيتك
ولا داريته دموع الحسرة
يوم إتقسّى الزمن الجاير
وباعَد بينّا ،،،، وما لاقيتك
أقرا حروفي وكلّ قوافي القول الجاتك
تلقى ضجيج الصمت الفيها بقول ناديتك
وجوه حروف القول بلقاك
وفي كلْ كلمة ملامحك ساكنة
ومع كلْ نبضة بقلبي لقيتك
ساكن جوه رؤاي من بدري وهسَّي
وجوة مسارب الروح مندسي
وبكرة الجاي بنتوِّج قصة
وروعة ريدة وإلفة فريدة
فصوله تجسِّد كلّ الحب من يوم حسيتك
وقلبي الصانك وعشمو أمانك
ليك إتكفّل نبضو وخفقو يصبح زادك
وزين إسعادك
ودفقو الحالم
بكلِّ معالم الفرحة الغامرة يصبح بيتك
ما إنت براك في الكون سيد روحي وكلّ صروحي
وخوفي عليك أنا مِنِّي وغيري
هو الخلاّني هناك خفّيتك
في خَفَقَان القلب وحنينو
وباقي أنينو فطرة حويتك
وبين ألباب الجوف والخاطر
من عينين الناس دسّيتك
وأبداً حاشا ماجافيتك ومااتناسيتك
سيد الجود والعفة (مفازتي ) اليوم سمّيتك

 

[فوزية حسين]

رد: نبض الخاطر ..

قسما عظما ما حاأداري نبض عواطفي وريدي تجاهـك ،،،
من كل الناس او مِن مَن هم في الحســــــــبة أولادك
وما حاأكتم دفق حنيني ،، مهما زدت علي في عنــادك
ومادايراه دثار غير حضنك ،، ياسيد روحي مناي إسعادك
ومابتمنى ســـكون إلَّاكَ ،، وناذره عميري أعيشو قُصادك
ولازم افصح عن سر وجداً ،، بيك مستنِّي شرف ميعادك
ولازم إيدي تنام فوق إيدك ،، وتنسي مواجع كلّ سهادك
ولا بدْ تعرف إني أنا منِّك ،، وإنِّك فيني غصِب حُــــسّادك

 

[فوزية حسين]

رد: نبض الخاطر ..

ميزان حنيني إليك راجح دوااام بالحـــــــــب
وبالريد متستّف سَتّ ،، عزَّة وتَسَامي مقام
وكفّة هواهو قليب ،،،
ضاميـــك بالتحنان ،،،
مسكون عشق وهيام ،،،
ووحدات قياسو شعور ،، ونبضاً شفيف ولطيف
لا بــ مِلِّي لا بــ جرام ،،،
ويكون مجازاً قول لو للولِف أوزان
فاحساسي بيك ياروح هو حِسْ بكلِّ مسام ،،
وكل الموازين بيـــــك ،،،
وكل الاحاسيس ليك ،،،
وكل المحاسن فيـــك ،،،
ياقبلة أحلامي وسعدي وصفا الأيام
والعُمْرِ لو ما ليك والعِيشة لو ما بيك
ياروحي تبقى حراااام ،،،

 

[فوزية حسين]

رد: نبض الخاطر ..

لو يبقى كلَّ الكون فَرَح
ولِماكَ ليْ فيهو الوجع ،،
يغنيني لِيمَك يامُناي ،،
مالفرحة بيك بتفوق مدى الكون مُتَّسَع ،،
إنتَ وكفااااي ،،،

 

[فوزية حسين]

رد: نبض الخاطر ..

معـــاي لا مسافة ولا زمن يفصل توالي تهامسي ليك ودفء انفاسي بيك ،،،
أنت الفوووز بالجنة لِمـــاك ،،
ووحدي مودة وريدة بصونك ،،
أسمى مراقي العزة شمولك ،،
وأغلى مواطن الراحة سكونك ،،
عِيشة بدون ماتكون إنت سِماها شن معناها ،،
وشن معناي أنا ذاتي بدونــــك

 

[فوزية حسين]

رد: نبض الخاطر ..

ما بقبَل شريك في زولي
حتى ولو حروف في رواية
وما بقبَل شريك في روحي
دام نصَّبتك إنت الغاية ،،
وما بقبَل شريك غير ذاتي
ياذاتي ومناي ورؤايا ،،
وما بقبَل شريك أنا فيك
يا شرف السنين العدُّو
ويانِعَم السنين الجاية ،،
وما بقبل شريك لو حتى
إتدلَّى السماء السايع
وغطَّى سمايا ،،،
ما بقبَل شريك أنا فيك ما بقبَل ،،،

 

[البسبراوي]

رد: نبض الخاطر ..

الأستاذه فوزيه

قريتو نبضك حرف حرف
ومابين حرف زاهي وآخر ولف
كون مختلف

شكرا لكل هذا الجمال