ميرغني النقي «غداً»

ا

ابو نمر

Guest
#1
يا قلبي الحزين لا تقول أدمنت الحزن إدمان
قالوا الحزن مهما يطول أبداً ما بيدوملو زمان
غداً تحقق الآمال وتفرح تنسى كل الكان
كأنك إتخلقت جديد لا ليك ماضي لا أحزان
يا قلبي الحزين لا تقول الآمال بقت دخان
وكونها تاني لي تعود أبداً ماهو بالإمكان
غداً يا قلبي يا محزون في الأفراح تذوب ذوبان
ويبرى جناحك المكسور تحلق في سماك نشوان
وتغمرك نشوة زي عصفور صغير بتعلم الطيران
تشوفو سعيد وكلو حبور يحلق من مكان لمكان
وزيو تكون سعيد مسرور وترسل في الفرح ألحان
تترجم في وتر طنبور تغور جواك في الوجدان
تنسيك حزنك المطمور مهما تعذر النسيان
وتشوف الكون حبور في حبور كأن الحزن يوم ما كان​
 
أعلى أسفل