قال حميد ( لمت لمت )..
(كان ما لمت أنا جاييكم وما ندمان )...
،،،،،،،
قنب فوق قوز رملة هنااااك ...
دنقر .. صنقع ... حمّر ... وصنقر
شخت فوق الرملة خطوط ...
واحدة طويلة وواحدة قصيرة ...
وواحدات تاني ما معروفة ...
غايتو أخينا حكايتو حكاية ...
.....
لتق من سلكين نعلاتو
خيط بلونين سروالو
ورقع الجبة ...
كان الخيط التالت أحمر ...
ما هماهو .. احمر .. أخضر ...
أيا كان اللون العندو ...
همّو الأول ... يستر حالو ...
وهمّو التاني ... راحة بالو ...
وهمّو الدايم ... همّ عيالو ....
ساااارح شيخنا ....
بحلم بالغيمات المرّن ....
بحلم بغنيماتو الفرّن ...
وبحلم بوليداتو الكبرو ...
وبحاجات ما ليهن حد ...
بحلم يكبر أحمد بكرة ....
وبعدو بتكبر بتنا نورا ...
أحمد يمشي المدرسة أول ...
وتمشي وراهو البت نورتنا ...
يكبر أحمد بين رفقاتو ...
وتكبر نورا مع السمحات ...
يكبر أحمد.... ويكبر ... ويكبر ....
ينجح في مدرستو الأولي ...
يمشي الثانوي وسط الشلة ...
ينجح ويدخل جامعة كبيرة ...
يدرس هندسة ... طب ... جيولوجيا...
أو يتخرج بدبورة ...
وتتبعو نورا ...
بنية سميحة وماها شليقة ...
بنية بتعرف تحفظ زوقا ...
بنية حنينة أبوها بسوقا ...
تفوت بنوت الحي في الروقة ...
،،،،،،،،
ولسع شيخنا ... سارح وشارد ...
سارح في أحلام وردية ...
أحمد خلص لمدرستو ..ولثانويتو ولجامعتو ...
بقي دكتور ومهندس وضابط ....
علق في اضنيهو سماعة ....
وفوق المكتب عندو خريطة ...
وفوق أكتافو تشع دبورة ...
وترجع نورا ...
المدرسة يابا بقت دكان ؟؟؟
كيف آ بنية ؟؟؟
قالوا يجيبو قروش الموية ...
قالوا يجيبو قروش الحصة...
وقالوا يجيبو قروش الحيطة ...
أصلها وقعت لمن جات المطرة البارح
وقالوا يجبيو البنايين
يبنوا الحيطة عشان الناظرة ...
وشان الشهر الجاي بجينا مفتش ...
قالت كل الخطبة وفاتت ،،،،
،،،،،،
ما مسكينة ... صغيرة وجاهلة ...
قايلا كلاما دة وقعو شويه ...
ما عارفاهو كلاما دة مرْ ...
ما عارفاهو بسوي الويل ..
وما عارفاهو كلام ما بسر...
قام اتنهد شيخنا طويييييل ...
خت شخيت ... و جنبو شخيت ...
عارف أنهن آ بتلمن ...
إلا تلم السكة حديد ...
فكّر شيخنا ...
كيف الصرفة ؟؟؟ بي ياتو دبارة ...؟؟؟
كيف الموية بقت فاتورة ؟؟
تدفعها نورا مع رفقاتها ...
تدفعها نورا من قوت يوما ...
أو تتشرد فوق الشارع ...
زي بنوت ماشات هاملات ..
يعرق شيخنا ... يجف .. يستغفر ...
يرفع ايدو لرب الكون ...
حلها يااااا رب .... فك ايدينا ...
حق المدرسة والتموين ...
حق الحصة والكنتين ....
شان نورتنا ترجع تقرا ...
،،،،،،
ويمرق أحمد من الجوقة ...
يلقي الوالد سارح شارد ...
مالك يابا ؟؟؟ صباح الخير ...
مالك سارح وشايل هم الدنيا براك ...
نحن كبرنا ولازم نعرف بالهاميك ...
لازم نقعد قعدة معاك ...
تعال يا أحمد ....
تعرف يا احمد ... ويسكت شيخنا ...
قول يايابا ...
تعرف أحمد انو اخيتك جات مطرودة ؟؟؟
لازم تدفع حق الموية أو تتوكل تمشي الشارع ...
وعارف انت ... انو الحال ما بخفي عليك ...
أبشر يابا ...
ودخّل أحمد ايدو في جيبو ...
هاك آ يابا .. قروش .. وقروش ....
لازم ترجع نورا المدرسة ...
لازم تقرا.. وتقرا.. وتقرا ...
وغصباً عن عين أي حسود ...
لازم تقرا ...
أحمد كان صارف ماهيتو ...
كانت أول صرفة أظن ...
قام الوالد قالد أحمد ...
نزلت دمعة في الدبورة ...
وفي السماعة وفي التخطيط ...
دمعة حنينة.. وحارة .. وحلوة ...
دمع مزيج بين فرحة وحب ..
عاين في وش ولدو أحيمد ...
وبسمة عريضة تزين شيخنا
والله كبرت يا احمد والله ...
وما راح تعبي وراك رماد ...
الله كريم يا احمد ولدي ...
ياهو السيدّ ونحن عباد ...
فرحت نورا .. جات تتبسم ...
مسكت بأيديها احيمد
قالت : الله يخليك آ اخوي ...
والله يخلي حبيبنا أبوي ...
،،،،،،
مرقت ديك الساعة ملاك ...
يملا الدنيا سرور وضياء...
مرقت مريم من ورا ضروة ..
كانت قمرا في يوم العيد ...
كانت تشرق ونورها يزيد ...
كانت ديك أم نورا واحمد ...
وكان الوقت قريب المغرب ...
قعدوا أيديهم في أيدين بعض ...
وتعلو وشوشهم أجمل بسمة ...
،،،،،،،
أذّن مغرب داك اليوم ...
قاموا اتوضوا وصلوا جماعة ...
وشالوا الفاتحة ...
الله كريم للبصبر ويعمل ...
الله كريم للداير يوصل ..
الله كريم لأحمد ونورا ...
والله كريم لأبوهم ومريم ...
الله كريم لكل الناس ...
الله كريم لكل الناس ...
لما الزمة بكت محزونة وتشى صباع الافك عيونا
كنت ضميرها الصاحي يعاين قلب انسانا الما بيخونا
ما فترت الهم الدامي بالكلمة الفارغ مضمونا
او باريت العرق الحامي قمت نقزت العرضة بدونا
فت بروق الليل والقمرة حاضنا بطانا ورابطة بطونة
تهدي الدنيا اللون الباهي وبين البين صابري وممكونة
******
ابشر يا قلبا بتغني وروحك جوة الجوف مسجونة
ما جقلبت بي خيلك غيرك حتى ان كان سيفك عرجونا
بي رقراق شمس الله بتطلع كلمة يقيف الله في عونا
والاوجاع ميزان الريدة وقلب الراد بيدفع عربونا
******
طالة علي ودياني تفرفر لسة فراشاتي المجنونة
ما هماني الآهة تعسكر في وجداني ويصبح كونا
ياني ضراع الشايل مايل في هادي الدنيا الملعونة
راكز والقدامي هوايل والبي ورايا طعيمة ولونا
******
وآه يا قلبي قدر ما الفرحة جاتك ضاحكة وفارة سنونا
تاخدك من احلامك جرحة وتقصر ايدك من ماعونا
اما تموت واقف لا حيلك وزاتك بي زاتك مفتونة
واما تعيش والعزة الهيلك صامدة وفيك ما اندك حصونا
ياتو طريق تجبرني واجيك ياتو طبيعة وياتو سلام
لو ما كنت اصلا جاييك وحارس طيفك بالايام
يا البتقولي وماك مهتمة كيف الحال وانشاء الله تمام
والحول الزايد فوق حولو عارفة علي مشهادك تام
بحلم بيك والدنيا اماني والاحلام ياها الاحلام
والاحلام كيف تبقى حقيقة وليحلم بينات ايتام
******
تزكري يوم اتلاقينا وماكان في خاطرنا غرام
غير اشواق لي لقية احبة وما معروفة تكون يات عام
والمستقبل في ايد سيدو يا افراح يا يبقى آلام
وكيف ما كان نرضابو ونقبل طال ما بنؤمن بالاقسام
******
وفي يوم ما مزكر اسمو من شدة ما عشت صدام
لاح لي صباحك وتحسست باقي معالمك في الارحام
شفتك في آفاقي بعيدك مسرورة ومسكونة وئام
كاسيك الحسن الرباني زوق وسماحة ولون وقوام
******
شفت عيون مخلوقا اشوفها وشوفتا صبحت لي حرام
واتمناها ولي تاكد كل مناي الحارسو حطام
واتخيلتا كتير في الدنيا شوق ومآسي وكم آلام
الا عيونك تبقى بعيدة وبيني وبينك يجري خصام
******
ومهما الليل اشتد ظلامو ويملا مسار احلامي منام
لا بد من يشرق لي صباح وروضي يهب فوقو النسام
مؤمن بي مقسومة القسمة حتى ان كانت كاس انسام
والاقدار وقت الله يجيبا ياها نهاية كل كلام
حاتم الأحرف ماب تقيف و الحلول دايماً ممكنة
لو سمحت أنا داير أقول بعض كلماتي أدونه
المشاعر نبض الحياة للظروف ما كان ترهنه
واختلاف وجهات النظر ظاهرة صحية مقننة
البنات ما كلهن دون في التراب مستوى بتنا
وبرضهن ماهن من نور شفيف زي ملايكة تطيع مذعنة
البنات مخلوقات ضُعاف عقلهن داير دوزنة
و انته عارف الحق في الكتاب ختّ راجل و ليهن تنى
فيهن الشالت من سماتنا الأدب ديمة مزينة
وفيهن الماسكات في القشور صارت أمراضن مزمنة
البنات يا حاتم صنوف فيهن الشوك و السوسنة
حكمة الله الفطر الخلق ناس هداها و ناس شيطنه
فيهن الخير و الشر سوا حكمة عارفنها كلنا
الله في التزيل ذاكره فصّـل أسبابه و بينه
النُضاف يرضن بالكفاف عيشة مستورة مقوننه
والأهمّ سعادة الضمير في قصر أو بيت من قنا
حاتم الأمم اتقدمت والعلم أمّن ومدّنا
كيف تساويهو مع الخمول يبقى زيو وزي قرصنه
مالو تعليمن يا رفيق العلم ما نعمة ومُنى
العلم ما ري العطيش منو نغرف نبع الهنا
و المشاعر زاد النفوس في القلوب دايما مكمنة
والمظاهر تقليد غريب منو شاباتنا نحصنه
بالعقل و الدين و العلم نبني عاداتنا نوطنه
و نرسم المستقبل جميل بي أسس صادقة مُؤمّنه
ما الدهب أصلو من التراب شوفو كيف براق السنا
بالعلم صقلوهو البشر أمَّنوبو الروح و الجنا
أنت رايك واضح صريح إلا بس ما أنصفتنا
كيف تلملك اتنين نقيض لينا وضّح دي و برهنا
ما بقولك زي ما بتقول الرجال ملة ملونة
فيهم الكادحين الضراع و فيهم المعطون في الخنا
الشباب ابتدو بالفجور بالبنات لعبو الهودنة
بي وداعة و رقة بيجوك و الذئاب فيهم كامنة
شن تقول في صنف الشباب حالة الشوم المحزنة
التخنث و الانحلال ظاهرة كان واجب نلعنه
و نبتر العلة من الجذور نكنس آثارها و ندفنه
ونبني مجتمع الاعتدال خالي من علل الغربنة
الشموع نحميها و نسد طاقة الريح و نحصنا
الشعار يبقى الاحترام نقلع الزيف و الهيمنة
الظروف نحنا نطوعا و الصعاب نسعى نلينا
ما نخليها على الصُدف دايماً آرانا نكونه
والحكم يا حاتم يكون زبدة آرانا و بحثنا
و في النهاية يصح الصحيح جاي منك أو مننا
الشاعر محمد سفله
......................
حذارك من تجـــيبلي اعــــــــــــــزار حـــــــــــذاراك
قليبــــــــــــــــــــــــك ما بــــــــــــــــــــــــــراه اختار
بس باسف علي الايام وماضي العشـــــــره ياغــدار
منو الصدق غرامنا اتلاشي قبال يشوفــــــــلو نهار
منو الصدق قصور امالنا تصبح في الحقيقه دمـــار
تصدقي لسه ما صدقــــــتا تايه والقـــــــليب محـتار
لاني معاك قايل نفســــي في مامـــــــن من الاقـــدار
لانك ياحقيقـــــــتي المره كنتـــي حجــاي مع السمار
لانك في غناي مقطـــــوعه خالده تــــــرددا الاوتـــار
لاني انا ان بقيت في الجني غيــــرك ما بدورلي ثمار
لاني انا من عرفــــتك تبـــــتا يشهــد كاتــــب الاوزار
قبل ما اعـــــــــرف المقســوم فرشتلك الطريق ازهار
رسمـتك بي مداد احـاسي لوحه جميلـــــه في الاشعار
امـــــــن بغرامك وحـــــدي حاســـب نفسي في الابرار
وتب لاخنـــــتا لا ارتديــــتا كيف يصـــــبح جزاي النار
انا الما بيني بــــين الدنيـــا من ما قمــــتا مكتــوب تار
متعود تقيـــــلتي اشـــــيلا قبلك كم عصـــفني عصــــار
قلبي الكان زمان موهــوم وضايع بين سجون واسوار
خلاص حلحل قيودو معاك وحضر تابين غرامو وطــار
زي ما كـــــت بعز عينيـــــك برضي كمـــان كتوم اسرار
الاهــواك مهما يبقـــــي تاني انا ما بكون لي مـــــــــدار
قادر احــــــيا راهــب ريده امســت في الخــــيال تزكــار
والا بقــــولك يا مغــــرور وراك عجــــــل الذمـــن دوار
الدنيا صح فراقه لكن القلوب يا الدنيا ما داكي الامان
وعشم المسافرين الرجوع ولو ما كدي
ماكان في زول فات المكان
وانا لي حبيب يوم دار يسيب قال لي
قريب برجع عشان نبني البيوت
نرسم خطوط الضو علي طول المكان
يا الله وين خاتم المني
في رمشة العين اللبت بالشوق تنوم القاك هنا
ارقد علي حضنك انوم تملاني ريد املاك غنا
ما انتي يا بحر الشعاع الشمسو غابت من سنه
لسه بيغسل قلبي نور يشرقني يا ضي الهنا
يا القمره وين السنسنه لا حتي في طرق
الشعاع المن زمان فوقك بنا
هي اقلبي الصفحه العلي السماء من هناك
مادام هنا زولي البدي الدنيا نور ضلم رحيلوا الامكنه
تراهو زي ما الطيف يمر الليل يمر اليوم يمر والعام يمر
وانا في الدريب الفتا بيهو ألم اتر قدمك واصر
ارجي المسافرين وانشدن هوي في المدن ما شفتوا
زول شايل بشاشات الفجر ؟
مزج الصباحات بالمغيب لون خدودوا من العصر
وآه يا بيوت لا دقه باب لا فات حيطنا العنكبوت
وانا لسه راقد في الرصيف راجيك
تقيف قدامي قبال ما اموت
دنيا من بعدك يباس ينشرا في الوديان سكوت
يا الله يوم كدي بالنهار فرح المواسم نفرعوا
صوت القطارت من بعيد فوق الفلنكات نسمعوا
اشواقنا والناس الزمان وكل المسافرين يرجعوا
المح حبيبي انا من بعيد يهجم قليبي ويقطعوا
حزن السنين الفينا ساد انا وانتي سوا سوا نقلعوا
بلادي أنا بلد ناسا
في أول شي مواريثم كتاب الله
وحصان مسروج، وسيف مسنون حداه درع
كتاتيباً تسرج الليل مع الحيران
وشيخا في الخلاوي ورع
وكم نخلات تهبهب في جروفا الساقية
وبقرة حلوبة تتضرّع وليها ضرع
بلادي أنا
تشيل الناس ، كل الناس وساع بي حيلا وليلا يسع
وتتدفق مياه النيل على الوديان
بياض الفضة في وهج الهجير بيشع
بلادي سهول ، بلادي حقول بلادي الجنة للعاشوها
ولي البرّة بيها سمع
بلادي أنا بلد ناساً تكرم الضيف
وحتى الطير يجيها جعان ومن أطراف تقيها شبع
بلادي بلد الصفقة والطنبور ,وداراتن تنح فى الليل
وبنوتن تحاكي الخيل
يشابن زي جدي الريل
بلادي أمان ، بلادي حنان وناسا حُنان
يكفكفوا دمعة المفجوع
ويبدّوا الغير على ذاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الدار
يموتوا عشان حقوق الجار
يضوقوا النار عشان فد دمعة
وكيف الحالة لو شافوها سايلة دموع!
ديل أهلي .. ديل أهلي
ديل أهلي البقيف في الدارة وسط الدارة وأتنبر
وأقول لي الدنيا. كل الدنيا ديل أهلي
عرب ممزوجة بي دم الزنوج الحارّة ديل أهلي
ديل قبيلتي لمّن أدور أفصل للبدور فصلي
ديل فصلي
أقول بعضي
ألاقيهم تسرّبوا في مسارب الروح
بقوا كلي
ألاقي قلبي والإحساس
وسافر في بحار شوقم زمــــان عقلي
أنا محل قبّلت ألقاهم معاي ، معاي زي ضليّ
أنا لو ما جيت من زي ديل كان
وا أسافاي ، وا مأساتي وا ذلّي
تصوّر كيف يكون الحال لو ما كنت سوداني...
وأهل الحارّة ما أهلي تصوّر...
من يوم البحر الجانا وتسب وقام
يوم دخل الحلة وهدم بيوتنا ترا وهدام
صبحنا ضيوف ما خلاّ وراهو صلة أرحام
يوم داكا عوض خلاها مرق سفره طويلة مع الأيام
درويشاً من يادوبو صغير عشرة أعوام
الزول زول الله من الصلاح الرفعت عنهم الأقلام
من غرس الرسل الدارو الآخرة أم خيراً دام
التركو نعيم الدنيا الزابل للعبدوها والحكام
متجلبب بى تيبان الرحمة غتا وهندام
متنعلن بى ارض الله الواسعة خطى الأقدام
متزود شايل خير الزاد تقى وإلهام
يا سارى الليل ما شفتا جناح جبريل
غتاهو بقالو مظلة جلوس وقيام
يبقالى نجع متوجه قاصد أرض الشام
ما شفتو هناك مع الحجاج لا بس الإحرام
بين يثرب ومكة وفى بيت الله المكسي رخام
يبقالى هناك يكون مندسى مع الخدام
يا سارى أبل جهدك نحن فتشنا فى كل مكان
فتشنا سماء وفتشنا أرض ما شفنا منام
فى التمر الشايل تكا سبيطو مدلول خام
فى الجرف الأخضر فى لوبيهو وفى النجام
فى جدول جارى تسرسر مويتو نعيماً دام
يا سارى الليل أنا داير أوصيك وأديك كلام
الروح إن صعدت لى باريها وفى جنات الخلد مقام
لو كان لاقيتو فى إى مكان فى اى زحام
روح كلمو قولو الحلة بكت من شوقا إليك تغريك سلام
دا ما القلب البجرسو شوق اذا ما اختار سميرو بعاد
ولا القلب التبكي حبيبة لو غابت عن الميعاد
قلب من قام صحاري الالفة كان بيشقهن بالنوق
محكوم بسياج العفه في يوم ما سرح مطلوق
شيال للتقيل ما نحى لو ساد العمر ارقوق
ندي وريان كريم وتجواد إلا من الضعف معتوق
قلبِ نبيل وكلو جمال ومابيحقد علي مخلوق
ومهما جرحو المحبوب وخلا قليبو كلو شقوق
كتوم من قام يضاحك غيرو صابر والجرح مفتوق
عليه ما بيضحكوا الشمات وتجري دموعو روق فوق روق
قلب ما همو يقضي ايامو جنب الضامر المحزوق
قلب مشغول بهم اكبر من اشواق ورضى المعشوق
هم وطنا عشانو نزف دماهو على الارض ماروق
وهم انسان قضايا كتار وما قادر عليها يحوق
قلبي أنا ..
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق
فشكرا ياحبيب الروح على مروادك المطبوق
انا ان حبيت بقدّر زولي وان فارق(ت) بفوت بي ذوق
دة ما القلب البجرسو شوق ..الا بيبكي لما يشوف مابين الخلق في خلوق
ماخده طباعا من الغابه شايله ضميرا ماشي السوق
وتاني بيبكي لما يشوف مابين الحقوق في حقوق
نزلت من سماها زلال وطارت من تحت لفوق
وداعاً يا حبيب الروح .. وداعاً يا ملاذ الروح ..
وداعا وما بقول بنساك .. وداعا والقلب محروق
وداعا وفي الختام دنياك مناي وراي تسوي القوق
تمدلك السعاده ايدينا لي فردوسا ليك تسوق
وداعاً يا حبيب الروح ..
وسيبني اعيش قسمتي وراك باسم والكبد محروق
وقسم بالله .. رغم جراحي لسه عليك قلبي شفوق
وقبال الزمان يفرقنا بوصيك والعتاب ملحوق
بخاف يا من رضيتلي معاك غصب إتمطق العميوق
بكرة تدور عليك الدنيا ومن كاساً سقيتني تضوق
دا ما القلب البجرسو شوق اذا ما اختار سميرو بعاد
ولا القلب التبكي حبيبة لو غابت عن الميعاد
قلب من قام صحاري الالفة كان بيشقهن بالنوق
محكوم بسياج العفه في يوم ما سرح مطلوق
شيال للتقيل ما نحى لو ساد العمر ارقوق
ندي وريان كريم وتجواد إلا من الضعف معتوق
قلبِ نبيل وكلو جمال ومابيحقد علي مخلوق
ومهما جرحو المحبوب وخلا قليبو كلو شقوق
كتوم من قام يضاحك غيرو صابر والجرح مفتوق
عليه ما بيضحكوا الشمات وتجري دموعو روق فوق روق
قلب ما همو يقضي ايامو جنب الضامر المحزوق
قلب مشغول بهم اكبر من اشواق ورضى المعشوق
هم وطنا عشانو نزف دماهو على الارض ماروق
وهم انسان قضايا كتار وما قادر عليها يحوق
قلبي أنا ..
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق
فشكرا ياحبيب الروح على مروادك المطبوق
انا ان حبيت بقدّر زولي وان فارق(ت) بفوت بي ذوق
دة ما القلب البجرسو شوق ..الا بيبكي لما يشوف مابين الخلق في خلوق
ماخده طباعا من الغابه شايله ضميرا ماشي السوق
وتاني بيبكي لما يشوف مابين الحقوق في حقوق
نزلت من سماها زلال وطارت من تحت لفوق
وداعاً يا حبيب الروح .. وداعاً يا ملاذ الروح ..
وداعا وما بقول بنساك .. وداعا والقلب محروق
وداعا وفي الختام دنياك مناي وراي تسوي القوق
تمدلك السعاده ايدينا لي فردوسا ليك تسوق
وداعاً يا حبيب الروح ..
وسيبني اعيش قسمتي وراك باسم والكبد محروق
وقسم بالله .. رغم جراحي لسه عليك قلبي شفوق
وقبال الزمان يفرقنا بوصيك والعتاب ملحوق
بخاف يا من رضيتلي معاك غصب إتمطق العميوق
بكرة تدور عليك الدنيا ومن كاساً سقيتني تضوق
إحترتُّ كيفن أوصفك والله يا قِبلة غُناي
لو كان بحور الكون مداد بتجف قبل ما تنصفك
حاولت أكتب فيك وأقول وأوصف ملامحك بالشعر
لكن حروفي تذوب عديل قدام عيونك تنصهر
يا عايشة في دمي وغناي يا ديدن الروح والفكر
خلدت إسمك بي حروف قطرات دماي كانت حِبر
*******************************
يا غُنوة في وتري الحزين يا ضحكة في الزمن الصعب
يا واحة في عِز الهجير يا راحة من بعد التعب
يا نسمة هبت في الدغيش عزفت علي وتر العصب
يا رحمة من رب العباد مكبوبة فوق خلق الله كب
*******************************
سافرت في عينيك سنين زادي المعاي أبيات غُنا
مكتوبة بي دمي الصِبح شلال من الهم والعنا
صورت إحساسي الدفين بي قافية ليكِ معنونة
بتقول بلا كلفة ورتوش يا إنتِ يا الموت والفنى
*******************************
إحترت في وصفك أنا وحارت معاي كل الحروف
مرات بشوفك ضي أمل درّج خطاي رغم الظروف
مرات بشوفكِ جارية نيل أمواجو عانقت الجروف
سالت عيونك المحتارة لمن انتي شفتيني
مشبهي ولا هادية النظرة ام بهتت عناونيني
هدلت عجن رويتي وجن بنانك في شفاكي طعن
اتاريك ما عرفتيني
حرام والله تنسي الماضي يا غرة دواويني
فاكرك فوق جحيم مشتاقة صابرة متين تلاقيني
اتاريك انتي في وادي وبنات افكاري في وادي
وقليبك طاشي بي غادي ناسي البينو والبيني
استاهل عشان طاريك لم سهيتي عن ديني
فقدت الزاد وقلبي المات والله يكضب الشيني
اغني وما عرفتي غناي هويتك وما حفظتي هواي
حنانك زي ضايقو سواي ينتح هينو من هيني
دغدغت المشاعر الباكية موت احلامة ود عيني
ضمدته الجراح النازف من اعماق شراييني
وجيتك برضي انا الولهان اصدح بي غنواي زمان
وناسي اوجاعي والاحزان داير اتهني بي حيني
اماني بلاك وهم ما بيبقي حتي كان جرحتيني
راجيك يا تقابة قلبي من الظلمة احميني
تراي صابر اغني وادوبي بغفرلك تعالي وتوبي
متين يا شتلة الفرح اللحق في التربة واسيني
ضفافك يا رهود الرحمة فوق يكاكي وزيني
تقيف فينوس علي الاهرام متين تمد ايدينة لا قدام
تفر احضانة للايتام اصافيها وتصافيني
وداعــاً يا ربيع الدنيا يا حلم الصبــي
يا امل الاماني الحالمة يا سحر الروبي
لو اصلك رضاك جحيمي روحي تعزبي
تفديك من دموع الحسرة جرعاك ساكبي
* * * * * *
يا كاحل بهيــج الطلعة يا شــــبه الظـبي
نـــافر بي عنــادك لي نـاري مهبهبة
نزرا لي هواك من بدري روحي انا واهبة
وريتني الغريب في الدنيا وكل عجايبة
* * * * * *
عفوا يا مسالب الروح حياة مذهبة
علقم من فراقك لي هزت ومرعبة
محكوم إني اعيش في ظلمة داكنة ساحيبة
لو شرقت شموسك تاني شمسي مغربة
* * * * * *
افواج من طيوف الحزن هادرة مواكبة
تنهش في الفؤاد انياب غارزة مخالبة
آلاف في الغرام الزيي ضالة مراكبة
سايق مع العرق في الشيمة لافي مقلبة
* * * * * *
آه انا بالعلي اقداري جاري مصايبة
مطلوب في سجون الريد حياتي موهدبة
معروف انو طعم الريدة مرة عواقبة
راضي انا بالعلي اقداري ربنا كاتبة
حزارك من تجيب لي اعزارقليبك ما براهو اختار
بس باسف علي الايام وماضي العشري يا غدار
لانك يا حقيقتي المرة كنتي حجاي مع السمار
لانك في غناي مقطوعة خالدة ترددة الاوتار
لاني انا ان بقيت في الجنة غيرك ما بضوق لي سمار
لاني انا من عرفتك تبتة يشهد كاتب الاوزار
قبل ما اعرف المكتوب فرشتلك الطريق ازهار
ورسمتك بي مداد احساسي لوحة جميلة في الاشعار
امن بي غرامك وحدو حاسب نفسي في الابرار
وتب لا خنت لا ارتديت كيف يصبح جزاي النار
انا المابيني بين الدنيا من ما قمت مكتوب نار
متعود تقيلتي اشيلة قبلك كم عصفني عصار
وقلبي الكان زمان موهوم وضايع بين سجون واسوار
خلاص حلحل قيودو معاك حضر تابين غرامو وطار
زي ما كت بعز عينيكي برضي كمان كتوم اسرار
الا هواكي مهما يبقي تاني انا ما بكون لي مدار
قادر احيا راهب ريدة امست في الخيال تزكار
والا بقولك يا مغرور وراك عجل الزمن دوار
لو سؤالكن يا نجيمات مالي ساهر
قلبي قاسم الليل معاكن ودمعي سادر
ماني عارف شن بقول انا يانجيمات ذاتي حاير
سببي زولا خدرو ضامر ديسوا فوق اكتافوا دافر
ما بيوالف يا نجيمات شال خيالي معاهو طافر
خضرك الفي جرفوا ناضر حاجروا تحت الموج يدافر
قاسي سيدو زرب دريبو يا نجيمات طبعوا ما بيالفلوا زاير
دهري يا نجمات مكاجر حظي دون خلق الله عاثر
اصلي من شافع صغير يا نجيمات شوم ومكتوب لي الدرادر
الزمن من طبعو جاير ماهو بس شان حبي نافر
ياما كم في الدنيا زي ويا نجيمات ما هو طاري العشري ذاكر
ما كنت فاكر الشوق عذاب ...ما كنت قايل الريده شوق
ما كنت فاكر الدنيا عاد محصوره بين جفن العشوق
لاكن بعد سفر السنين ... والرحله بين اشقى واتوق
عرفت جبل الشوق ألم والريده في اعلاهو فوق
تلقاني في الليل البهيم... دايما افتش في الشروق
ومن ما اشوف نور الصباح ارجع اكوس الليل اروق
ما قالوا غير حريقا عاد النار تضوي تشع دروب
شن شفت يا لهب الغرام فيك من زمان غير الحروق
ليلا نهار زاكي الهموم في راسي عاد تسكت تحوم
ما حانة لي ريدي الندي وما فاكره لي قلبي الشفوق
قلبي الحزين انجب هواك كيف من هواكي المر اضوق
يمكن غرامك ما عرف .. وريهو ايه يعني العقوق
في سكة الصفى والوئام حجر الظنون لي بيعوق
والشك يدور في هواي من سجنوا غالبني المروق
فاضل لي ايه انا غير اجن والليل يجن وبالجن افوق
اتهادى في ارض الضياع وازرع لي من احزاني روق
