بكرى سوركناب
:: كاتب نشـــط::
رد: من هم الكيزان ؟؟؟؟
ﻋﺮﺽ ﺍﻛﺘﺎﻓﻜﻢ ﺭﻭﺣﻮﺍ يلا
ﺷﻌﺒﻨﺎ ﺃﺻﺒﺢ ﺃﻣﺴﻲ ﻭﻇﻞ
ﻛﺘﺮﺗﻮﻫﺎ ﻋﻠﻴﻪ ﺍﻟﻄﻠﻪ
ﺍﻛﻠﺘﻮﻩُ ﺯﻣﺎﻧﻚ ﻣﻢَّ
ﻭﻟﺒﺴﺘﻮﻩُ ﻛﺬﻟﻚ ﻣﻢَّ
ﻋﺪﻣﺘﻮﻩُ ﺍﻟﺨﻴﺖ ﻭﺍﻟﻐﻠﻪ
ﺷﺒﺮﺍً ﺷﺒﺮﺃً ﻋﺎﺑﺲ ﻭﻳﺎﺑﺲ
ﺃﻛﺘﺮ ﻣﻨﻬﺎ ﻣﺎﺑﺘﺬﻝّ
ﺍﻟﻜﺎﻧﻮﻥ ﻓﻲ ﺍﻟﺸﺎﺭﻉ ﻭﻟﻊ
ﻃَﻮﻝ ﻣﻨﻬﺎ ﻧﺎﺭ ﺍﻟﺤﻠﻪ
ﻋِﺸﻨﺎ ﻭﺷﻔﻨﺎ ﺗﺐ ﻣﺎﺧﻔﻨﺎ
ﺍﻟﻌﺎﻳﺰﻛﻢ ﻟﻤﻦ ﺟﺮﺏ ﻛﻨﺘﻮ ﺍﺿﻞَّ
ﺗﻠﻚ ﻣﺄﺫﻥ ﻭﺍﻟﻼ ﻣﺨﺎﺯﻥ ؟!
ﺧﻢَّ ﻭﻟﻢَّ ﻓﺴﺎﺩ ﺍﻟﺪﻧﻴﺎ
ﺛﻢ ﺇﺗﻨﺤﻨﺢ ...ﻫﻲ ﻟﻠﻪ
ﻛﺒﺮ ﻭﺻﻠﻲ
ﻟﻤﺎ ﺭﻓﻌﺘﻮ ﺍﻟﺴﻴﻒ ﻭﺍﻟﻤﺼﺤﻒ
ﻭﻻﻓﻲ ﺍﻟﻤﺘﺤﻒ ﺑﻘﻲ ﺣﻖ ﺍﻟﻠﻪ
ﺑﺎﺳﻢ ﺍﻟﺪﻳﻦ ﻭﺍﻟﺪﻡ ﻭﺍﻟﺪﻣﻌﻪ
ﻭﺑﺎﺳﻢ ﺍﻟﺨﺎﻟﻖ ﻋﺰَّ ﻭﺟﻞَّ
ﺍﺗﻌﺬﺑﻨﺎ ... ﻭﻣﺎﻛﺬﺑﻨﺎ
ﺣﻠﻴﻠﻮ ﺍﻟﻔﺎﺕ ... ﺍﻟﻤﺎﺕ ﻭﺇﺗﺸﻞ َّ
ﺑﻴﻮﺕ ﺍﺷﺒﺎﺡ ﻭﺟﺮﺍﺡ ﻭﻣﺬﻟﻪ
ﺩﻡ ﺍﻟﺸﻬﺪﺍ ﺭﺻﺎﺻﻪ ﺭﺻﺎﺻﻪ
ﻭﺣﺒﻞ ﺍﻟﻤﺸﻨﻘﻪ ﺩﺍﻙ ﻭﺇﺩﻟﻲ
ﻭﻣﻊ ﺫﻟﻚ ﺣﺘﻲ ﺍﻟﻠﺤﻈﻪ
ﻣﺎﺇﺗﺮﺑﺼﻨﺎ ...ﻭﻻ ﻓﺠﺮﻧﺎ
ﺇﻻﻛﺬﻟﻚ ﻣﺎ ﺍﺗﺤﺠﺮﻧﺎ
ﻗﺪ ﺃﺩﺑﻨﺎ ﺍﻟﺸﻌﺐ ﺍﻟﻄﻴﺐ
ﻧﺤﻦ ﺟﻤﻴﻌﺎً ﺩﻭﻧﻮ ﺍﻗﻞَّ
ﺑﻴﺘﻨﺎ ﻭﺳﺎﺳﻨﺎ ﻭﺭﻓﻌﺔ ﺭﺍﺳﻨﺎ
ﻧﺤﻦ ﺣﻨﺎﻧﻮ ﻭﺟَﻨﺎ ﻭﺟﺪﺍﻧﻪ
ﻣﺶ ﻻﻓﺘﺎﺕ ﻓﻲ ﺍﻹﻳﺪ ﻭﻣﻈﻠﻪ
ﺇﻳﺪ ﻋﻠﻲ ﺇﻳﺪ ﻭﺳِﻠﻢ ﺳِﻠﻢ
ﻣﺎﺑﻨﺴﻠﻢ ﻭﺷﻌﺐ ﻣُﻌﻠﻢ
ﻣﺎﺑﺘﺨﻠﻲ
ﺣﺎﺷﺎ ﻭﻛﻼ ﻣﺎﺑﻨﺘﺨﻠﻲ
ﻏُﺒﻨﻨﺎ ﺃﻛﺒﺮ ﻣﻦ ﺗﺘﺼﻮﺭ
ﻭﺣﻜﻢ ﺍﻟﻔﺮﺩ ﺯﻣﺎﻧﻚ ﻭﻟﻲ
ﺍﻟﻘﺬﺍﻓﻲ ﻭﺃﺻﺒﺢ ﻣﺎﻓﻲ
ﺣﺴﻨﻲ ﻣﺒﺎﺭﻙ ...ﻭﻋﻠﻲ ﻋﺒﺪ ﺍﻟﻠﻪ
ﻳﺎﺣﺎﺝ ﺯﻳﻦ ﺇﺳﺘﻐﻔﺮ ﺭﺑﻚ
ﺗﺴﺮﻕ ﺷﻌﺒﻚ
ﻭﺗﻬﺮﺏ ﺗﻠﺒﺪ ﺟﻤﺐ ﺑﻴﺖ ﺍﻟﻠﻪ ؟
ﻭﺍﻟﻐﺮﻗﺎﻥ ﻓﻲ ﺍﻟﺪﻡ ﺍﻟﺴﻮﺭﻱ
ﺣﺘﻲ ﺍﻟﺤﺎﺟﺐ ﻣﻨﻮ ﺍﺗﺒﻞَّ ﻭﻣﺎﺑﺘﺤﻞَّ
ﺍﻟﻬﺒﺒﺎﻱ ﺳﻮﺩﺍﻧﻲ ﻣُﺪﺭﺏ
ﺟﺮﺏ ﻫﺪﻡ ﻭﺟﺮﺏ ﻋَﻼ
ﻣﺎﺑﺎﻟﺼﺪﻓﻪ ﻭﻻﻫﺎ ﻟﻌﻞَّ
ﻓﻴﻜﻢ ﺭﻳﺤﻪ ﻣﻦ ﺍﻟﺸﺒﻴﺤﻪ
ﺧﻠﻮ ﺍﻟﺒﻠﻄﺠﻪ ﺭﻭِﺣﻮ ﻳﺎ ﺍﻟﻼ
ﻛﻞ ﺍﻟﻌﺎﻟﻢ ﻋﻴﻦ ﺑﺘﺎﻭﻕ
ﺻﻮﺭﻩ ﻭﺻﻮﺕ ﻭﻛﺘﺎﺏ ﻭﻣﺠﻠﻪ
محجوب شريف
وغايتو ليكم يوم