من ديوان ود الرضي - القصائد الصوفية { مِنْ يَدُّه }

ضى القمر

:: كــاتبة نشــطة ::
مِنْ يَدُّه

مِنْ يَدُّه السَّالْكِينْ إمْتَدُوا
أبْ فِرْكَة

يَا حَمْدُ لَكْ مَوْلايَ الحَمْدُ
عَبْدَكْ مَوْلايْ زِيلْ رَمَدُه بَالحَمْدُ وسُورَة الحَمْدُ

ثَنِيتْ بَحَبِيبْ الأحَدُ شَافِعْ الطَايْعِينْ والجحدُوا
سَمْيكْ يَا مُغْنِي الشَحَدُوا حَوَاكْ فِي وَحْشَة لحَدُه

خِلاَّيْ أخُوكُمْ بِدُّه يَنَادِي ويَرْفَعْ يَدُّه
الجَيْلِي أبَاهُ وجَدُّه يَتْبَخْتَرْ يَحَدَرْ شَدُّه

الجِدُّه بِه نَالْ وِصَالْ الجَدُّوا
البَحَرْ المَا إنْقَاسْ حَدُّه أبْ جَاهاً عَمَّ الفَدُّو

بَى زِنْدُه جُمْلَة الكُمَّالْ إنْسَنْدُوا
ومِنْ جِدْواهُ البَنْدُه وتِيجَانْ الرَاتِبْ عِنْدُه

أمِينْ الجَيْلِي وَرِيثَهُ وسِرْهُ الشَّيخْ إدْرِيسُ
قَايِدْ العُوقْ وعَرِيسُو ولَيهُ الرَّاسُوا بِرِيسُو

بَحَرْنَا المَا بَتْعَبَّرْ هَاكْ مِنْ مَعْنَاهُ إتْدَبَّرْ
بَمَاضِي ومُقْبِلْ خَبَّرْ شَحَنْ الكَرَّاسْ للحَبَّرْ

كِسِّوتُه المِنْ الأكَبَرْ هَاكْ مِنْ مَعْنَاهَا إتْدَبَرْ
غَسِيلَه النَّارْ حِينْ تُغْبَرْ وزَيْ مَا يَكْبَرْ تَكْبَرْ
بَحَرْنَا المَا بَتْعَدَّرْ ومِنْ أبْنَاهُ إتْحَدَّرْ
الحِبِرْ الفِيْضُو إتْحَدَّرْ أبْ سِمَّاً هَاجْ مَا أتْفَدَّرْ

بَحَرْنَا السَّاهِلْ غَرْفُه الكَنَزْ الوَافِرْ صَرْفُه
أحَيَا القُلُوبْ رِيِحْ عَرْفُه الدِيْمَة مِسَاهِرْ طَرْفُه

الشَّيَخْ إبْنَ الأرْبَابُ بُشْرَاكْ يَا قَارِعْ بَابُه
مُحِيطْ السِرْ وأسْبَابُه وسِحَابْ الخَيَرْ صِبَّابُه
 
أعلى أسفل