فتحية الفكي
:: كاتب نشط::
منو القال ليك ما برجع؟ !!
منو القال ليك َ ما برجعْ ..
منو القال ليكْ ما برجعْ ..؟
انا القضيتو جل العمر بتوجعْ
عشان وطنا عزيز برجعْ
عشان ناسا حنان برجعْ
عشان بلدا حبيب عالي المقام أرفع
أنا لي هناك اهلا ً كرام أجدع
و لي ناسا ً عزاز أروع
منو القال ليك مابرجعْ
بعد ما اختـلِّ ميزاني
وبعد العزيز ودّعْ
صار العمر أشتات
وصار الإغتراب أوجعْ
أكان هجليج حِرقْ .. في أرضنا بنزرعْ
وإن ضاقت الخرطوم في باقي الديار مرتعْ
وإن غليت الأسعار بالصبر نتلفع
وإن طغوا الحكام هناك من رحمتو أوسع
عشان هَمّ الكفيل واللاهي هو الأوجع
ومنو القال ليكَ ما برجعْ
هناكَ وطني .. وهناكْ ناسي
وهناك الناس أكيد أروعْ
هناك الناس .. في كل البيوت تزرعْ
بذور الود .. وبي أجمل صفات تـُطبع
وبي عايد الديار تفرح .. وتشوف العيون تدمع ْ
وللشر المشـين تمنعْ
وللشاكي الحزين تسمعْ
وللتايب كمان تشـفعْ
هناك لحن الوفاق دفاق
ودرب السماح أوسعْ
هناك ديار أهلي .. وعقاب أهلي
وعشانهم أكيد برجعْ
بس صادق الدعوات
يا ريت من عندكم ... تـُرفعْ
أم مجاهد / فتحية الفكي
29/4/2012م
************
منو القال ليك َ ما برجعْ ..
منو القال ليكْ ما برجعْ ..؟
انا القضيتو جل العمر بتوجعْ
عشان وطنا عزيز برجعْ
عشان ناسا حنان برجعْ
عشان بلدا حبيب عالي المقام أرفع
أنا لي هناك اهلا ً كرام أجدع
و لي ناسا ً عزاز أروع
منو القال ليك مابرجعْ
بعد ما اختـلِّ ميزاني
وبعد العزيز ودّعْ
صار العمر أشتات
وصار الإغتراب أوجعْ
أكان هجليج حِرقْ .. في أرضنا بنزرعْ
وإن ضاقت الخرطوم في باقي الديار مرتعْ
وإن غليت الأسعار بالصبر نتلفع
وإن طغوا الحكام هناك من رحمتو أوسع
عشان هَمّ الكفيل واللاهي هو الأوجع
ومنو القال ليكَ ما برجعْ
هناكَ وطني .. وهناكْ ناسي
وهناك الناس أكيد أروعْ
هناك الناس .. في كل البيوت تزرعْ
بذور الود .. وبي أجمل صفات تـُطبع
وبي عايد الديار تفرح .. وتشوف العيون تدمع ْ
وللشر المشـين تمنعْ
وللشاكي الحزين تسمعْ
وللتايب كمان تشـفعْ
هناك لحن الوفاق دفاق
ودرب السماح أوسعْ
هناك ديار أهلي .. وعقاب أهلي
وعشانهم أكيد برجعْ
بس صادق الدعوات
يا ريت من عندكم ... تـُرفعْ
أم مجاهد / فتحية الفكي
29/4/2012م
************