مسيد الشيخ Ana Mnkom

رد: مسيد الشيخ Ana Mnkom

يقع المسيد في الخرطوم بحري بعد حلة كوكو وشمال شرق الفيحاء ..
دروس دينية يوميا .
علاج المجنترين .
علاج المكسحين .
علاج العميانين .
علاج الطرشانين .
علاج ضعف الذكورة .
علاج عدم الانجاب وامراض الرحم .

كل العلاج يتم بالقرأن والتضرع لله سبحانه وتعالي ..

نقدم وجبات الفتة يوميا للجيعانين والمهجرين والهاربين من جحيم الحروب ..
نقدم ملاذا وعنقريبا أمن للمشردين .

الفتة امتوم حمتنا ننوم
الله حي الله حي الله حي

الله اكبر الله اكبر الله اكبر ..
 
رد: مسيد الشيخ Ana Mnkom

يمنع منعا باتا دخول
العلمانيين
الظلاميين
الشيوعيين
الشيعة

يوميا تقام ليالي الزكر علي انغام النوبا ..

هي لله هي لله هي لله
الله اكبر الله اكبر الله اكبر
 
رد: مسيد الشيخ Ana Mnkom

لسنا الوحيدين لكن نتميز بخدماتنا التي لا توجد في اي مسيد اخر .
ستأتي جحافل من المحتاجين الي مسيدنا الميمون .
سيأتي من يحتاج العلاج
سيأتي من يحتاج للملاذ
سيأتي من يحتاج للعنقريب .
 
التعديل الأخير:
رد: مسيد الشيخ Ana Mnkom

ادخلوا المسيد وانتم امنون ..

يمنع الخرمجة
 
رد: مسيد الشيخ Ana Mnkom

وين الترخيص ياالاخو ولا خلاص خليت مساسكة الثورة وعايز تركب همر زي شيخ الجكسي
سريع طلع الترخيص قبل ما نقوم نكتب في باب مسيدك دا هنا مقر داعش ونلحقك الركبو الطيارة :rtfm:
 
رد: مسيد الشيخ Ana Mnkom

هههههههههههه ..
غنماية ناس حجة حسونة ضحكت جنس ضحك لمن حكيت ليها عن المسيد ده ..
قالت لي الراجل ده أتلمس ولا شنو ..

قلت لا لا .. لكن دي عمائل ود سنترا ..
المعيشة بقت صعععبة ..
هع هع

صعععععبتها يا فردة

زروق
 
رد: مسيد الشيخ Ana Mnkom

في معية الشيخ Ana Mnkom ونفر من اهل الله الصالحين في هذا اليوم المبارك تم افتتاح المسيد وقد حضرت جموع غفيرة من المواطنين وتم ذبح ثور ابيض امام المدخل ليكون كرامة وسلامة بافتتاح المسيد المبارك ..

لقد كانت الجماهير الغفيرة التي حضرت تجسد مزيجا رائعا من النسيج المجتمعي لكافة قبائل السودان بمختلف الوانهم وسحناتهم المختلفة يسود بينهم جو من الود والاخاء النقي الذي يعكس طبيعة الشخصية السودانية الاصيلة خالية من مساحيق العنصرية والكراهية ..
 
رد: مسيد الشيخ Ana Mnkom

وين الترخيص ياالاخو ولا خلاص خليت مساسكة الثورة وعايز تركب همر زي شيخ الجكسي
سريع طلع الترخيص قبل ما نقوم نكتب في باب مسيدك دا هنا مقر داعش ونلحقك الركبو الطيارة :rtfm:

قمنا للخرمجة يا ظلامي
عندنا ترخيص من رب العالمين
اعمال الخير لا تحتاج لتراخيص بشرية .
اهااا بتقدروا تطلعوا الناس الدخلت المسيد ..
انه مسيد من لا ظل يستظل به من رمضاء تجار الدين واكاذيب العلمانيين ..
 
رد: مسيد الشيخ Ana Mnkom

هههههههههههه ..
غنماية ناس حجة حسونة ضحكت جنس ضحك لمن حكيت ليها عن المسيد ده ..
قالت لي الراجل ده أتلمس ولا شنو ..
قلت لا لا .. لكن دي عمائل ود سنترا ..
المعيشة بقت صعععبة ..
هع هع
صعععععبتها يا فردة
زروق

زروق المطلوق ... الشوق وايت موية
ويحك يا رجل اتستهزاء بالرجل الصالح الكادح المكافح ود صنترها .

عجل بالحضور الي المسيد لنخرج منك هذا الشيطان الظلامي الذي سكنك .
 
رد: مسيد الشيخ Ana Mnkom

شيخ انامنكم
عندك عروق محبة تديها لنابشو لانو عروق شيخ اللمين ما ظبطت معاهو :034:
 
رد: مسيد الشيخ Ana Mnkom

هههههههههه
يا عمك ..
ود سنترها ده فسحك ولا شنو ..
ما خليناك كده يا فردة ..

هع هع

تحديات والله ..

كن بخير يووخ

زروق
 
رد: مسيد الشيخ Ana Mnkom

عوض مريسة ..

انت لي يوم الليلة ما خليت كسير التلج ده ..
هع هع

أبو الترقيات ذااااتو



زروق
 
رد: مسيد الشيخ Ana Mnkom

شيخ انامنكم
عندك عروق محبة تديها لنابشو لانو عروق شيخ اللمين ما ظبطت معاهو :034:

الشيخ عوض ...
بارك الله فيك باغلاقك الانداية والتوبة والتبرع بالاموال التي جنيتها من الانداية في اعمال البر والاحسان وسفرك الي الله ..
سيبارك لك الله في قليل حلال فهو خيرا من كثير حرام ..

هذا الظلامي يذهب الي مشعوذي ودجالي زقلونا ..
فالمحبة من الله ..
 
رد: مسيد الشيخ Ana Mnkom

هههههههههه
يا عمك ..
ود سنترها ده فسحك ولا شنو ..
ما خليناك كده يا فردة ..
هع هع
تحديات والله ..
كن بخير يووخ
زروق

زروق المطلوق ...
نتفسح واخي ود صنترها في الزكر والنوبا ..
هداك الله
في انتظار حضورك لاخراج هذا الابليس اللعين الذي اتخذك مسكنا ..
 
رد: مسيد الشيخ Ana Mnkom

ههههههه الكيزان قالوا كدا وبعد خمسه سنة اكتشفنا انو الترخيص ابليسي
يلا اعمل بيان بالعمل واقلب لينا عوض العوض ككو
ولا اقول ليك الموية التحت دي اقلبها مريسة

استغفر الله يا ظلامي اتشبه هذا المسيد المبارك بهؤلاء الكهنة المنافقين تجار الدين ..
تطلب ما حرمه الله والرسول ..
ويحك ايها الظلامي
العسل افضل من المريسة ترم البدن وتشفي العلل ..
الله يهديك ..
 
رد: مسيد الشيخ Ana Mnkom

غدا بمشيئة الرحمن سنبدأ بعلاج الممسوسين ..
 
رد: مسيد الشيخ Ana Mnkom

زروق المطلوق كبس هههههه مشتاقين والله
كسرة
تعرف يا زروق مرة انا وسيدى العارف مننا معزومين شاى جابوه لينا بى لبن والشيخ طبعا ما قاعد يشرب اللبن ( ذهدا وتقشفا ) وما داير يحرج الحوار العزمنا . اها انقر ما شرب الشاى السادة وخلى ليهم اللبن فى كبايتو مددددددد
كسرة تانية
الشيخ اختاهو بسختك ويخلى غنماية ناس حجة حسونة تضحك فيك انتا
 
رد: مسيد الشيخ Ana Mnkom


تعرف يا زروق مرة انا وسيدى العارف مننا معزومين شاى جابوه لينا بى لبن والشيخ طبعا ما قاعد يشرب اللبن ( ذهدا وتقشفا ) وما داير يحرج الحوار العزمنا . اها انقر ما شرب الشاى السادة وخلى ليهم اللبن فى كبايتو مددددددد

ززززززنننننن دي قنبلة اشعاعية علي الحلف انت وشيخ فسخوخا دا كان خليناكم تاني يومين تعدمونا النفس :(166):
ووووين الحبال يااخوانا نربطهم قبل ما يصلوا مرحلة الجن البنفسجي :008:
 
أعلى أسفل