مزمل خالد «بفتش ليك وبنسج لون خيالاتك بنادى عليك واسافر بين محطاتك»

ضى القمر

:: كــاتبة نشــطة ::
..بفتش ليك..

بفتش ليك وبنسج لون خيالاتك
بنادى عليك واسافر بين محطاتك
بعاين فوق سنين الشوق تدون فى رواياتك
واعاين لى سحاب الريد يظلل فى مساحاتك
وبمشى عليك فرحان بيك ومشتاق ليك
بدوزن فى كتاباتك
وبرسم فى الخطاوى معاك واحدد ليك مساراتك
بفتش ليك سنين عمرى وبحلم اطول مناراتك
واعالج فى جراح قلبى واصبرو بى بسيماتك
واذكرو لما كنا زمان ويسرح فى بداياتك
يعشعش بين قوافل الريد يتابع فيها خطواتك
يفتش فى عيون الناس اكان يصطاد عويناتك
يعاين فى مدار الكون يقلب الف مليون لون
عشان يلقاها راياتك
ويرجع لى حزين مكسور ويشكى لى عناداتك
يفكر مرة يتناساك تهبهب ليهو نسماتك
يعاود للحنين تانى ويحاول يرضى غاياتك
بفتش ليك وبتحمل عذاباتك
بهاجر ليك ومشتاق لى ملاماتك
سنين عايش على الاوهام وبرسم فيها لوحاتك
اقول امكن تحنى على واعبر بين مساماتك
وتانى يضمنا التحنان ويملى هواى براحاتك
بفتش ليك وبحلم بى زياراتك
بشوفك انتى قاعدة معاى وبسمع همس كلماتك
واقوم اديك كمان قلبى شيليهو بين ادياتك
تلوليهو وتغنى ليهو غنياتك
عشان ينسى البعاد الكان ويغفر ليك عتاباتك
 
أعلى أسفل