ضى القمر
:: كــاتبة نشــطة ::
مروي يا سدَّ الوطن
اجتزت وهم المستحيل ............ رغــــم الدرادر والمحن
وحققت للانجاز سبيل ........... جهـــد الرجال أهل الفطن
ورفعت راسنا مع النجوم .......... وهمومنا بالحيل انتهن
سد مروي شامخ في الشمال ......... لكنو شايل هم وطن
رافع منارتو هدى ودليل ........ بي حنو تب للنيل حضن
يا عالي في حصنك براك ........ شايل معاك أحلام سمن
أحلام حلنقي وآدمو ..............وملوال ومريومة وحسن
يا مروي يا سند البلاد ......... يا واحة في وسط الزمن
يوم طلتك شرقت شمس ....... بي ضوَّها الظلمات مشن
يا نور كهارب في البلد ........ يا بسمة يا ضحكة ومِنن
بيك مروي صبحت بس عروس.... زافنها البنوت شجن
والزفة بي موكب مهيب ....أصلو العريس عشم الوطن
يقدل محاط بالأمنيات .............الحلوة والأطيار شدن
شالن دروب الحب هوى ....... وغنن معاهو اتباشرن
والناس تبارك وتنبسط ...... كان عربي أو زولاً رطن
مبروك وابشر يا عريس ...... وكل الجموع اتزاحمن
وعريسنا ناير زي قمر ........... فوقو النجوم يتلألأن
رافعنو في الأكتاف جميل....وجنبو السيوف يتهوززن
بالفرحة زغردت البلد ..............أقمار بلدنا اتكاملن
وكل الجموع هتفت تقول ..... في مروي آمالنا اتبنن
شامخات براهن زي نخيل..... رافع دوام اسم الوطن
يا وطني يحفظك الكريم ...... يحميكا من شر الإحن
ونشوفك انت دوام تمام ..... لا دوشكا لا نار لا فتن
مليان محنة واحترام ......... لا باكي لا يوم ممتهن
متوشح العزة ومهاب ........مبروك وغيرك مرتهن
لا يبقى فيك محروم ولا ...... تغشاكا فاقة ولا حزن
لايبقى فيك زولا شقي ...... لا عيونو بالليل يدمعن
يا حلمنا الراقي الجميل .. ياالعشقو في الوجدان سكن
تبقالنا حضننا يوم نجيك ...... ونفديكا بالارواح تمن
اجتزت وهم المستحيل ............ رغــــم الدرادر والمحن
وحققت للانجاز سبيل ........... جهـــد الرجال أهل الفطن
ورفعت راسنا مع النجوم .......... وهمومنا بالحيل انتهن
سد مروي شامخ في الشمال ......... لكنو شايل هم وطن
رافع منارتو هدى ودليل ........ بي حنو تب للنيل حضن
يا عالي في حصنك براك ........ شايل معاك أحلام سمن
أحلام حلنقي وآدمو ..............وملوال ومريومة وحسن
يا مروي يا سند البلاد ......... يا واحة في وسط الزمن
يوم طلتك شرقت شمس ....... بي ضوَّها الظلمات مشن
يا نور كهارب في البلد ........ يا بسمة يا ضحكة ومِنن
بيك مروي صبحت بس عروس.... زافنها البنوت شجن
والزفة بي موكب مهيب ....أصلو العريس عشم الوطن
يقدل محاط بالأمنيات .............الحلوة والأطيار شدن
شالن دروب الحب هوى ....... وغنن معاهو اتباشرن
والناس تبارك وتنبسط ...... كان عربي أو زولاً رطن
مبروك وابشر يا عريس ...... وكل الجموع اتزاحمن
وعريسنا ناير زي قمر ........... فوقو النجوم يتلألأن
رافعنو في الأكتاف جميل....وجنبو السيوف يتهوززن
بالفرحة زغردت البلد ..............أقمار بلدنا اتكاملن
وكل الجموع هتفت تقول ..... في مروي آمالنا اتبنن
شامخات براهن زي نخيل..... رافع دوام اسم الوطن
يا وطني يحفظك الكريم ...... يحميكا من شر الإحن
ونشوفك انت دوام تمام ..... لا دوشكا لا نار لا فتن
مليان محنة واحترام ......... لا باكي لا يوم ممتهن
متوشح العزة ومهاب ........مبروك وغيرك مرتهن
لا يبقى فيك محروم ولا ...... تغشاكا فاقة ولا حزن
لايبقى فيك زولا شقي ...... لا عيونو بالليل يدمعن
يا حلمنا الراقي الجميل .. ياالعشقو في الوجدان سكن
تبقالنا حضننا يوم نجيك ...... ونفديكا بالارواح تمن