مدني يوسف النخلي «ندهة عشم شافع حزين في راسو ألف سؤال»

ضى القمر

:: كــاتبة نشــطة ::
#1
ندهة عشم
شافع حزين
في راسو ألف سؤال
قالولنا في التاريخ
عن سيرة الأبطال
الخلفو الشكره
أجيال بعد أجيال
قالو الأرض عرضك
والنيل بشارة وفال
قالو البفوت دارو
بنقلا مقدارو
وأنا لي سنين وأبوي
مقطوعة أخبارو
ناديتو قلت تعال
يابوي كفاك ترحال
ناداك صباح بلدك
ناداك فقد ولدك
سيب الدراهم عود
ناداك عشم بلدك
يهديك عبير وورود
يكفينا إنت وطن
والجود ده بالموجود
وترابنا داير الناس
تحرس حدودو تذود
يابوي كفاك ترحال
سيب الدراهم عود
يابوي تعال للنيل
والغيمة لما تشيل
وطنك .....
صباحك خير
وين تلقى ليهو بديل
كُل مايضيع صوتك
غصن المحنة يميل
والريح ورانا عويل
يكسح سناء القنديل
وإن جيتنا بالمافي
يكفينا متعافي
تملانا بالإلفة
وبي ريدك الوافي
وفي وين تلاقي بلد
زي الوطن وافي
أرجع تعال نتلم
غادر مداين الهم
زمن الفرح ولى
من عمرو فضََل كم
أرجع كفاك أنجم
أرجع كفاك إنجم
 
أعلى أسفل