محمد ميرغني «كلمات الأغاني»

Nabil :: nabsho

:: الإدارة ::
محمد ميرغني "كلمات أغنية حلو العيون"


حلو العيون
التيجانى حاج موسى
محمد ميرغنى

كلمنى يا حلو العيون
حيرنى صمتك يا حنون
ارقنى سهرنى الليالى
غرقنى فى بحر الظنون

وين العبارات الجميلة
ورنة الحب والجمال
وينن مشاوير العصارى
والخطى الفوق الرمال
ومنظرالنيل فى الغروب
ينادى ليك يقول تعال
صدقنى ما بحمل براك
ما عندى قدرة على الظنون
كلمنى خت اللوم على
أنا برضى بالكائن يكون

بفرق كتير وبتحسب كل يوم يمر
بفرق كتير طعم الحلو لو يبقى مر
وتفوت وما ترد السلام
وتسيبنى فى وسط الزحام
لو بس تخت اللوم على
أنا برضى بالكائن يكون
كلمنى يا حلو العيون
 
محمد ميرغني "كلمات أغنية تباريح الهوي"

التيجانى حاج موسى
محمد ميرغنى

ده الجانى منك ومن تباريح الهوى
وصفو بصعب يا جميل
وبعدت عنك ولما طال بى النوى
بقى لى اسيبك مستحيل
تبقى سيرتك هى الكلام
وتبقي صورتك هى الرؤى
الحلوة البعيشها
فى صحوتى أو حتى فى عز المنا
ويبقى اسمك هو الغنا
هو البخفف لى عذابات الضنى
ما الشفتو منك يا منى الروح يا أنا
وصفو بصعب يا جميل
وبعدتا عنك ولما طال بى النوى
بقي لى اسيبك مستحيل

بشكى ليكم يا مظاليم الهوى
اصلى مجروح مرتين
يمكن الأقى الزى فيكم
ضاق جراح الحب متعذب سنين
ويمكن القى حاجة تخفف الجرح القديم
حاجة تشفع

الجانى منك ومن تباريح الهوى
وصفوا بصعب يا جميل
وبعدت عنك ولما طال بى النوى
بقى لى اسيبك مستحيل .
 
محمد ميرغني "كلمات أغنية الريده"


الراحل حسن الزبير
ألحان حسن بابكر
غناء محمد ميرغني

ياريده مين بقدر عليك
مين بلقى في دنياك امان
أخضعتي تيجان الملوك و
هزمتي فرسان الزمان
وانا الضعيف
ياريدة كيف أتحملك
بعد عزيز وبعد ملك
أصبحت بي أمرك ملك
مرات أقول وامر قساك
مرات أقول ما أجملك
ياريده شوقك خففي
وحلمك علي إتلطفي
عبر الزمن سرك خفي
ونارك تقيد ما بتنطفي
سايباني في درب الشقا
ونادر علي تتعطفي
ياريدة يا سر الغُنا
لامتين أكون ضايع أنا
أديني يوم خاتم المنى
يسعدني بي أسعد منى
قسمتي للناس الهنا
وأنا لا هناك ولاهنا
 
محمد ميرغني "كلمات أغنية لا الصابر ولا الباكي"


كلمات حسن الزبير

لا الصابر ولا الباكي
غايتو حكايتي بين أمرين
وراضي أتشاقى في ريدك
وأعيش بدل العمر عمرين
شوقي كتير وفرحي لرؤيتك
أكتر وحالي أخير تخليه
هو حال الحبَ بتشكر
إذا اتشاغلت عن الناس
يقولوا اتناسى واتنكر
وإذا إتشاغلت عن الناس
يقولوا اتناسى وإتنكر
وإذا إتشاغلت عن جرحي
يزيد في ضلوعي ويتوكر

خيالك عندي يوماتي
صباح خيري ومسا أفراحي
أعد ميعادو باللحظات
وسهري معاهو صباحي

عيونك فوق عيوني تنوم
وفوق آلامي ترتاحي
وريدك من عواتي الريح
ألمو وأضم علي جناحي
منو العزاك زيي أنا
ومنو المن قلبو غناك
خلاك فرحة للحزنان
وخلاك بسمة للشاكي
وطار بيك فوق مكان ومكان
وطاف بيك وين وداك
يقابل بالمحنة جفاك
ويشيل أشواقو ويرجاك
 
محمد ميرغني "كلمات أغنية لابتواصلي لابتفاصلي"


لا بتواصلي لا بتفاصلي
الراحل حسن الزبير
ألحان حسن بابكر

لا بتواصلي لا بتفاصلي لا بتلومي
إنتي تعيشي يالكاتلاني قبال يومي
لا بتودي لا بتجيبي لا بتردي
خدك ده الخجل كاسيه ولا مندي؟
لا بتوالفي لا بتحالفي لا بتحني
خلقوك زينة عشان تشقينا
يلا أتهني
تشيلي الخطوة فوق خطوة
وأشيل أنفاسي
ماهماك نحن وراك كيف بنقاسي
تمشي هوينا يالماك هينه قدرك عالي
بس تكفينا نظرة حنينة ما تتعالي
شعرك سبسبو التسريح بعد متدلي
تجيبو النسمة فوق جبينك وإنتي تعلي
بدر إتدلى لي خلق الله وجهك ناير
والخد صورة زي بلورة خاتي مساير
لا بتسالمي لا بتكالمي بس تتهادي
لا سامعانا لاك معانا تيهي اتمادي
أرح وأردح وراك أرتاح ولو بي كلمة
إما أعيش وإما أموت وإما وإما
 
محمد ميرغني "كلمات أغنيه اشتقت ليك"


اشتقت ليك ساعة المساء فرد الجناح ولملم مصابيح النهار
والكون شرب لون الجراح والعتمة نامت فى الدروب والليل لبس اجمل وشاح
فى اللحظه اشتقت ليك واحتجت ليك
فى اللحظه والناس بتسئل عن بلاد اصلو مامعروفه وين
ياقلبى لى زول بيئن حاضن الاسىء عبر السنين
فى اللحظه ديك اشتقت ليك شوق السحابة الراحلة
فى جوف الشتاء عطشانه تحلم بالخريف بقيت ضعيف
فى اللحظة ديك مديت معابر شوقى ليك
وحنين حنينى الطاغى ليك
كايس مجيك
وداير يجيك
فى اللحظه ديك اشتقت ليك واحتجت ليك
 
محمد ميرغني "كلمات اغنية الصيده"


سمحه الصيده ما جارتنا بت حارتنا بنريدا
مرت بالروح زى نسمه لوحة فنان جمال رسمه
بى لفته تسالم منقسمه تسال عن غنيه جديده
يا حلاة خطواتك فى دربنا تنعش حارتنا وتطربنا
الشوق من بدرى معذبنا تايه لو يلقى جنى الصيدا
خايفين من ريدا زمان كنا خايفين وحياتك ما قلنا
شوف العينين كيف نشوانا مـلـيـانـا دمـوع بيـك فـرحـانـا
 
محمد ميرغني "كلمات امسكى عليك عيونك ديل"


امسـتكـى عــلـيـك عــيـونـك ديــل / اســــــمــاعــيـل حــســن

امســـكـى عــليــك عيــونك ديــل امسـكيهــن عـيونـك ديـل
خـليتنى تروح اتـفـك مـن شـبـكت عــيــونــــك ديــــــــــــل
شـيـتن اصـــلو مـا شـفنـا لا فى النــاس ولا فى الريــــــل
ده مـــا قـــدر اللــــه جــانــا عــــــــــديـل امـســــكــيـــهن
يـتـاوقـن لى زى شـبـاك مـنـور فى ظـــلام الــلـــيــــــــــل
يـــشــــابــن لــى انـــا الـــغـــرقـــان انـــــا الضــهــبـــان
انــا الـخــايـف ذى الـقـشـه ارجـف فى مـهــــاور الـلـيـل
عـلـيـك ذاتـك امـــســــكـى عــلــيــك عــيـــونـــــك ديـــــل
قـلـيبى رهـيـف مـا بـقـدر عـلى الهـبابـاى فى عـز الصيف
قـليبى رهــيــف اذا شـــــــديــــــتى خـــــــــــايـفـه يقـيــف
قـلـيـبـىرهــيــف بــشــيــش تــــــاتـــيــه جـــنـب القيــف
شــــــــــــــتـــــــــــــن اصـــــــــــلـو مــــاشــــــفــــنـــاه
 
محمد ميرغني "كلمات أغنية انا والاشواق


السر دوليب
انا والاشواق فى بعدك بقينا اكتر من قرايب
ما بنغيب عن بعض ابدا زى اعز اتنين حبايب
كنت فاكر الشوق يغيب لحظة واحدة عن فؤادى
مع الزمن يتلاشى وجدى قلبى يسلا فى بعادى
وشوقى قال لى مستحيل مرة يتحقق مرادى
ولازمنى ذى خلى الوفى واصبح زى خلى الما بعادى
اى لحظة بعيدة عنك و ضايعة من ايام زمانى
وكل يوم كلن لى فى قربك اتمنى لو احياه تانى
وروحى لو غنيتا ليك ما تصور كا اعانى
وحبى ابلغ من غناى وحبى اسمى من المعانى
كم رسالة يا حبيبى بسطرا اشكى ليك بالبعد يا ناسينى
واحلا كلمة منى ليك بضمنا باغة من شوقى وحنيني
بين حروفا اشوف خيالك وانت تتبسم لعينى
وقبل ما اختم كلامى بتمنى لو ردك يجينى
 
محمد ميرغني "كلمات مين فكرك يا يا حبيب"


السر دوليب

مين فكرك يا حبيبي مين الهداك اليا
جرحى قرب يطيب جددته تانى عليا
انا قولت حبنا راح مر الزمان وطواه
والباقى منة شجن وعذابنا فى ذكراه
لقيتة اكبر حب بين القلوب ماواه
ماقدرت يوم انساه ولا هان على اسلاه
لكنى رغم البين رغم الفراق الطال
كانت مشاعرى تقول ابدا فراقنا محال
ما ليا غيرك شريك ما ليك غيرى ماال
جمعت قلوبنا محبه ربطت حياتنا امال
يا حبيب كفانا خصامنا كفاناهم وضنا
ما بتقدر انت تلومنى وما بعاتبك انا
ما كان بيدنا شقا وما كان بيدنا هنا
حسد القدر فرقنا هو العلينا جنا
 
محمد ميرغني "كلمات أغنية احترت فيك"

ابـــــــو شـــوره



احــــتـــــرت فـــيــــك انـــــــــــــــــــا شــــــــــــــــن اقــــــــــــــول

كـــــــــل الحــــروف فـــى الســـــــاعـــــــــه ديــك صــابـا الذهــول

والـمـفـردات وقـفـن بعـيـد يـتـأمــلن ســـــتحـــر العـــــقـــــــــــــول

فــى حــضــورٍ أجـــمـــعـــن اســـــــــــراب زهـــــــــــــــــــــــــــور

فــى حــضــورِ واتـــنــاثـــــــــر النـــــــــــور و حـــــــــــــــــــــور

واتــــــــــهـــــامــســـــــأَ فــاهــمـــــــــــــــات ثــــــــغــــــــــــــور

والــــكـــــــــون صــــــــبـــــح شــــــــــلال عـــــــــــــــطـــــــــور

وغـن الوتـر طــاب الســمـر بــيــن النــجــوم نـــــزل الــقــــــمـر

وفــــــــــــــــــاح الـــــــــعـــــــبيـــــــر وبالـــــــــــــطـيـب امــــر

الـــــلــــــيـــــل بـــســـــــــــــــم والشـــــــــــــــوق رســـــــــــــم

ايـــقــاع خــطـــاب فـــى الســـــــاحـــــه كـــــان اروع نـغـــــــم

لـــــمــــا القــــوام بـــــــفــــــتـــنــــا مــــــاح وانـــــقـــــســـــم

وانــأ يــــا ســــلام مــن غــيــر كــلام حــاضــن عـنـاقيـد العـشـم

لـو يــوم تــحــن تـــــرحـــم قـــلوب مـا شـوقـا ليك كـــادت تـجن

مــا نـحـن نــاس عــنــد الجــمـال بــنــزوب حـنيـن ونـفيـض نـغـم
 
ما قلنا ليك / صلاح حاج سعيد



شوف كم زمن ما شلنا هم ولا عشت يا قلبى العذاب
وسرحت فى ليل الشجون ما عرفت لقلبك ماءاب
الحب طريق محفوف صعاب وانت لسه فى اوله
ما رضيت كلامنا وجيت براك اهو دا العذاب اتحمله
يا قلبى قالوا الحب عذاب وافراحه حافيها الالم
قى ظله ما بنخشا المسير فى صفاه ما بنفقد عشم
صدقنى مهما ليك ظلم ما اظن حنان ه يبدله
ومرت سنين الشوق معاك ولا هلا فى دنياك ربيع
عانيت جحيم الحب وفاء قاسيت حلاوة الريد دموع
راضى وسعيد فى الويل تضيع وتسيير طريق ما بتوصلو
 
لو كان عصيت
صلاح حاج سعيد

لو كان عصيت امرك انا وسبتك محلق فى زمان الامكنه
ما كنت وريتنى النجوم عز النهار متلونه
انا ليك مدائن حب بنيت شيدت ليك باقات منى
شيدت قصرك فى السحاب وكتبت فيك اجمل غناء
بذلت روحى عشان اجيك نتلاقا فى ساعة هناء
لكنى كان اجر جزاى منك مواقف مره ومحزنه
قبال يكون بينا الغرام وكلمات جميله مزوزنه
انا قلت ليك وكان قصدى واوصل للحقيقه وامنا
انو الغرام فى الدنيا واقع ما خيال تبنيه انت ولا انا
واصلو سر الوجود احساس ودود وا سلعه نحن نتمنها
 
"كلمات أغنية حنيني ليك"


حنيني إليك وليل الغربة أضناني
وطيف ذكراك بدمع القلب بكاني
و أقول ياريت زماني ألفات يعود تاني وتعود تاني
و ألقاك يا حبيب عمري وتلقاني
وتلقى الريد معا يا ولحظة ما نسيتك ولا تنساني
لا بنساك ولا بقدر … ولا عاوز بعد حبك أحب تاني
حنيني إليك وليل الغربة أضناني وطيف ذكراك بدمع القلب بكاني
بهرب من خيال طيفك في عنيا … في عني بلا قيه
أعيش أيامي بين ذكراك ألم … أفراح أعيش بيه
متين الليل يصافيني … و ألقاك يا حبيب عمري وتلقاني
وتلقى الريد معايا ولحظة ما نسيتك ولا تنساني
لا بنساك ولا بقدر … ولا عاوز بعد حبك أحب تاني
 
"كلمات أغنيه الشوق بجيبك"


بكرة ياما الشوق يجيبـك ..
في دروب الريـد وتشقـي
تلقي كيـف الدنيـا دايـرة
والبسـوى الـزول بيلقـى
*****
تطري اخلاصنـا ووفانـا
وكيف بدت فرحتنـا بيـك
انت عينينـك لـي سوانـا
ونحنا بهجتنا فـي عينيـك
ولمـا حطّمـت الأمـانـي
وضاعت آمالنا فـي يديـك
قلنـا للسألـونـا عـنـك
الله لـيـنـا والله لـيــك
*****
شفتو كيف صافي ومسامح
القليـب الانـت جارحـو
سبتـو ضايـع بالسنـيـن
ولحظة صورتك ما بتبارحو
أمـا قلبـك يـا المعـانـد
الله يغفـر ليـو يسامحـو
والصـدود الجـوة فيهـو
باينة في عينيـك ملامحـو
*****
وبكرة يوم تلقـي الليالـي
في بعادي جفـاف وحرقـة
بتعرف ال في ريدو صادق
ليه بخـاف تغشـاه فرقـة
في هواي انا كنت صـادق
ومن صدودك كنت بشقـي
سيبني يا الضيعت عمـري
وفتش لو زى اخلاصي تلقي
 
عـشـان خـاطرنـا / مصطـفى سـنـد

عسـان خـاطرنا خـلى عيـونك الحلـوات تــخـاصــمــنــا

ولما تمرى ابقى اقيفى واســــــــألى عـــــن مشـاعرنا
زمـان غنينــا لعينيك اغـــانى تحــنن القــــاســـــيـــن
هـدينالـــك معذ تــنا مشـينا وراك ســــنين و ســــنين
بنينــــالك قصــور بالـشـوق فرشــنا دروبـأ بالياسمين
وقلنا عساك تزورينا ترشى البعجه فى ساحتا بعينيك تضويها
حلاتك انت ماشـه براك شــايله الدنــيا بازهــاراوبالفيها
زمان بارينا ضحكاتك لقينا صداها جاى معــاك وجايينا
وحاتك تانى لــــم تفــوتــى ابقـى اقيفى سالمى الناس وحيينا
كفايه علينا لما نشوف بسيماتك تصـابحـنا و تمـاسـينا
عشان نتملى من عينيك عشان نلقى الصباح مسحوريعاين لصباح خديك
جهرتى الدنيا يا غربتنا ياروعتنا ما همـاك جــهـرتينا***جهرتينا
 
محمد ميرغنى"مابتقدر تتوب ياقلبى المودر

ما بتقدر تتوب ياقلبى المودر

طول عمرك عطوف اصلك مابتقدر

من لهفة نسيم تتلبش تودر

ومابتقدر تتوب

****************************

كل ما غنى طير وغرد فى غصونوا

فاض بيه الغرام وهيج ليك شجونوا

فاض بيه الحنين وهيج فيك شجونوا

كل ما ينوح حبيب تقش دمعات عيونوا

مهما البين يطول والحب ما بتخونوا

وما بتقدر تتوب

********************************

ما بعرف الغرام غير الضاق عزابوا

عاش ليلو الطويل حتى نجوموا غابوا

دائما هو المصاب محسود فى نصابوا

يتوسد لهيبو وجمر العين شرابوا



وما بتقدر تتوب

************************************

ما بتقدر تتوب يا قلبى المودر

طول عمرك عطوف اصلك ما بتقدر

من لهفة نسيم تتلبش تودر

وما بتقدر تتوب

*********************************
 
عاطفة وحنان

عاطفة وحنان يا ناس وإنسان رقيق وناس
وعيون تضوي الليل وقليب رقيق حساس
ضمتنا جلسة ريد .. نستنا دنيا الناس
ما شفنا فيها ملل .. ولا طاف علينا نعاس
***
جاد الزمان عطّر ليلتنا بالأفراح
هبّ النسيم أسكر أرواحنا من غير راح
وقصّر علينا الليل ليل الأحبة صباح
أدينا حق العين وشوق السنين إرتاح
***
أمضينا باقي الليل مشوار يفوح أنغام
وسرحنا متقاودين نتساقي أحلي كلام
ينثر علي ألحان من فم رقيق بسّام
بين رعشة الأنفاس وحتلاوة الأنسام
 
أعلى أسفل