محمد عثمان كجراي «خلاص يا قلبي كان خاصم ضميرو يعاتبو خليهو»

ضى القمر

:: كــاتبة نشــطة ::
شجون



خلاص يا قلبي كان خاصم ضميرو يعاتبو خليهو
تمر أيام وينسى غــرورو ويلقى هوانا راجـيهو

يخاصم يوم ويرجـــع يــوم ويعــذبنا بي ريدو
ويتحدانا يوم يزعل تقول أقـــدارنا في إيدو
بقول ياريتو لو يعرف عذاب الحب وتنهيدو

بدل ما نحــنا بنعـــاتب بنـــفرح يوم يعاتبنا
ونسأل عنو كان طول وما هاميهو كان غِبنا
حـــرام ترمينا للأيام حـــنانك يا مــــعذبنا

نحَـلّف قــلبك القاسي بكل حـــنان مــودتنا
بأفـــراحنا وبأشواقنا وبي لهفــة محــــبتنا
رضينا هوانا في حبك حـرام تتناسى ريدتنا
 
أعلى أسفل