محمد حسين الخير " ناثرة الفرَح "

ضى القمر

:: كــاتبة نشــطة ::
#1
يا عيونا صبيـَّة وملـْهوفة
بالشوق مليانة ومحـْفوفة
بالضحكة الطاهـْرة ومشْغوفة
دُنيانا تروِّق من خوفا
ودروبـْنا التـَّاهت من دونـِك
فى عيونـِك واضحة ومألوفة

وغريبة عيونك يا بنيـَّة
الفرح الباهـِر مـِنوالا
وفى الحُـزْن الظاهر ضُلاَّلة
من وهَج الدنيا وأحوالا
لا وين ما تسْرح مُركبنا
لعيونـِك دايما ميـَّالة
وحروفنا الشارْدة من اقلامنا
سلـْواها غـُناها ومـَوَّالا
عينيك لو حنـَّت تبـْقالا
أشواقا مـُناها وآمالا
وغريبة عيونـِك يا بنيـَّة
لا وين ما نقبـِّل محْويـَّة
فى الضحكة الطالـْعة من اعماقنا
فى البسمة الكانت منسيـَّة
فى الوردة تعانـِق فى نداها
بى كلِّ مودَّة وحِنيـَّة
فى عيون اطفالـْنا وبسماتـُم
وكـْتـِين يتلقــُّو العيديـَّة
فى النخلـْة السامقة على جُروفـْنا
بالعرَق الباذِخ مسقيـَّة
فى النوبة الهادِر إيقاعا
فى نفـْحة عاشِق صوفيـَّة
فى ليل احلامو تساوْرنا
بى قصة جميلة خياليـَّة
يا ريتا عيونـِك يا بنيـَّة
تتـْلمَّ على قلـْبى تضُمـُّو
فى سـِفر الفرحة الأبديـَّة
يا عيونا بترْسـُم جـُوَّانا
ألوان الفرَح الإنسانى
يلقانى الفرَح الفارقـْنى
قـُبـَّال ما عيونـِك تلـْقانى
يا رمشِك من غير ما يقـْصُد
منحوت فى العَصَب الوجْدانى
شادِدْنى عليكِ ومـُتوكـِّل
لى مرسى عيونـِك ودَّانى
ختـَّانى فى صفـْحة عينيكِ
لو مرَّة عيونـِك تقـْرانى
بالصدفة عيونـِك تقـْرانى
الحُزْن الرَّابـِض علـَى قلـْبى
الغمَّ اللابـِد فى صدْرى
الهمَّ الرَّاقـِد علـَى نحْرى
يتزَحـْزَح منـِّى وينـْسانى
الفرَح المسجون من قبـْلـِك
حرِّيتـُو عيونـِك وأشجانى
 
أعلى أسفل