محمد حسين الخير " معقولة يا ناكِر مشاعْرَك "

ضى القمر

:: كــاتبة نشــطة ::
#1
مرمى الله

معقولة يا ناكِر مشاعْرَك
تنْسَى ريدْنا الفى الصدور
واللـِّى حايم فى السُّطور
واللسَّة فى جوف الدفاتر
ما مَرَق

خلـِّيتو حِبَّك للنجوم
متوسِّد الليل والسهر
سهران يناجيك يا قمَر
هَيْمان يعاتِب فى السحاب
ليه يا سحاب ما فيك مطر
مسلوب عواطف ومُنكسِر
زى قشَّة فى نصَّ الخريف عزَّ البحر
كايْسة الغرَق

سالِك الآلام طريقة
مَرْمِى وبتاوق للسَّما
عطشان وبـِشْرَب من سرابَك
يتـْوهَّم الرِّى الظما
تايه يفتـِّش فى موانيكَ
ويبَحِّت عن حِمَى
موجوع يرتـِّق جَرْحو والنزْف النـَّما
حدَّ الرَهَق

بسْتدْعِى فيك كـُلَّ الخيالات القديمة
وبحْتمِل سكـَّة الذكرى الأليمة
وبـنـْتظِر عَوْدة الرِّيدة الحَميمة
وبنـْتظِر لو مرَّة ترْجَع لى قديما
وبـنـْتظِر حَدْ شَهْقة النفـَس اليتيمة
وحَدْ ما بـِقـَى فى الرُّوح رَمَق
 
أعلى أسفل