محمد اسماعيل الرفاعي «جنون البشر»

يوسف عوض الباري

:: كـاتب نشــط ::
جنون البشر

إبليس بيسألكم :
كيف يا بني الإنسان
يا القلتوا أهل الخير
والعاطفة والتحنان
واتتكم الجرأة .. تتناسوا افعالكم
تجوا تلعنوا الشيطان ؟؟
وإنتوا البتعملوا في
لا مرّ بي خاطري
لا يوم بفكِّر في
لا داعب الوجدان ؟؟
يا ناس حرام .. ده حرام
مالا البريئة مرام ؟؟
كانت عِقِيد من فُل
يادوبو ناضمنوا
لاقوهو جزارين .. ماراعو لي سنّو
لا سمعوا بيهو الدين .. لا بيعرفوا يحِنّو
نحروهو بي سكين .. والدم نزف مِنّو
وشيماء المشت يادوب .. وما بتعرف أي كلام
لا يمة .. لا يابا .. لا بتفرز الأعمام
تجو يا وحوش الغاب.. تستصدروا الأحكام
تغزوها بالجملة و تفنوها بالإعدام ؟؟
خالفتم الفطرة ..
خانتكم الفكرة ..
أسرتكم السكرة ..
شان تقطفو الزهرة ..
ياسمينا دوب تابّا
ما بتقت دابا
تتنسّم الأنسام
ما عرفت الأوهام ولسا القليب ما هام
والعالم المجهول في خيالا إستفهام
عامين ونص العام .. من الطريق العام
بي حلاوة تغروها ؟؟
ولي بيت بعيد مهجور .. تمشوا وتودوها
بي افظع الأفعال .. تتمادوا تأذوها
وينو الضمير ياناس ؟ كيف تَعدَموا الإحساس؟
غالبكم الوسواس .. وسواسكم الخناس
بتقولوا أسوأ قول .. فُتوا المدى المعقول
والعله والمعلول .. أجساد وما في عقول
قبال يتم الحول .. الناس أصابا زهول
والبعض صاح مزهول .. الهَول ويا للهول
مات الضمير الحيّ ..فِضِل الفطير النيّ

الأُ تصيح ووب حيّ ..هي ياكريم يا حيّ
ورينا فيهو قِصاص ..خلي الجسد يتماص
ما أصلو في الدنيا .. ما فيش عِقاب رادع
مهما الجريمه تكون .. نلقى العِقاب مائع
وكلما التهاون يزيد .. ببقى الفساد شائع
وأنا لسه مستغرب .. مين ده البوسوس ليك
وأنا شفتا أفعالك.. وحرمتا بدري أجيك
 
أعلى أسفل