محجوب شريف «إيه الحصل»

فريد

كاتب جديد
#1
كلمات تستحق اعادة وتكرار قراءة بتأمل وتدبر :
ايه الحصل ؟!
ليه الجدل ؟!
ايه يعنى
لو جاكم تراب !!
او حر شديد !!
او حتى
امطار من زحل !!
القصة ما جو البلد
القصة فى حال البلد
الفقر والجوع والدجل
الظلم والجهل العجيب
القهر والصمت المريب
والقصة ..
فى قانون سخيف
ﻻ يحكم اﻻ ..
على الضعيف
والقصة ..
اخطاء الطبيب
القصة..
جد ما ليها حل
والحكمة فى
الصبر الغريب
فى شعب
عايش دون امل
وايه الحصل ؟!
ليه الجدل ؟!
القصة جد
ما ليها حل
ومصابنا
ما الجو والتراب
مصابنا
فى البلد السراب
وعزانا فى لمة اهل
كل عام زي اللي فات
نفس التفاصيل والحلم ..
نفس اﻻماني الطيبات ..
البنايات..
النفايات ..
اﻻشارات ..
الغنيوات
الكتابات ..
الشعارات ..
العبارات ..
الحكومات ..
القيادات ..
الحروبات ..
اجتماعات ..
اتفاقات ..
اختﻼفات.
انتخابات ..
برلمانات ..
واغتياﻻت ..
الهنايات ..
وبلدنا اكعب من امس ..
السيد الصادق يبيع ..
والميرغني المأمور يطيع ..
ويااا شعبنا المسكين تضيع..
والرادي لﻼخبار يذيع..
نفس المﻼمح والصور ..
نفس التمارين والكور ..
نفس اللعب نفس الكفر ..
ونسجل الﻼعبين كتاااار ..
وتجيب جرايدنا الشمار ..
تعلن وصول ﻻعب خطير ..
يلعب سنة ..شن اللعب ..
وفريقنا قبل يرك يطير ....
ولسه الصراع مازال طويل ...
جرح الوطن ما زال كبير ..
ونحن بنراقص في البشير ..
وكل عام والناس بخير ..
مات جون قرنق يظهر خليل ..
يرحل خليل .. حيبين بديل ...
ونبيع ضمايرنا في مزاد
ونكوس عن الوطنية زاد ..
وطريقنا أطول من طويل ..
جامعات تخرج بأﻻلوف ..
وشبابنا في الطرقات يطوف ..
تعبان يفتش عن عمل ..
بحلم يغير للظروف ..
والماسمع باكر بيشوف ..
والعمرو ماضاق اللحم ..
كيفن يفكر في الخروف .. ؟
و
غنانا راجع لي وراء ..
حفﻼتنا كلها وراء وراء ..
وقيمنا راجعات لوراء.
جاري الشحن ..
وبناتنا جاريات وراء وراء ..
وطاعني دايما بي وراء ...
وقاصد محبتي تخسرها .
وإنشاء الله ياخ راجل مرة..
وبناتنا كايسات العرس ..
كان بالكريمات والحبوب ..
وحرامي سراق القلوب ..
وروني كيفن بس يتوب ..
اذا حال البلد مايل ..
وكان كل البلد منهوب ..
بنغش في نفسنا نفتخر .. ونكاوي في
باقي الشعوب ..
ولسه بنكتر في الكﻼم ..
كلم قرايبك بقرش ..
واصل حبايبك وانتعش ..
عالم جميل ..
كل عام وانتم بخير ..
ريح بالك ..
وارحم حالك ..
وبلدنا كان سوداني ون ( 1) ..
والليلة اصبح تو( 2 ) وطن ...
وممكن يكون اكتر مما تتوقع ..
فقط اضغط نجمة .. حرب .. مربع ..
...
معك في كل مكان ...
آﻵم ...على مر الزمان ..
وين اﻻهل ..؟
ناسنا الحنان ..!
اصبحت كيف ؟ ياجاري كيف ..؟
واﻻم تنادي على الولد فوق للصريف ...!
هاك ياولد.. ودي الدقيق جيب لي من
امك رغيف ..
بﻼدي انا بﻼد ناسا مواريثهم كتاب الله ..
بنغش في نفسنا نفتخر .. ونكاوي في
باقي الشعوب

محجوب شريف
 
أعلى أسفل