عزيزوغالي
:: كاتب نشـــط::
ما ضلّمت يا أغلى بيت
***************
خليني أقول ...
يا أغلى بيت
الليلة ما تاهتَ خطاويّـا ومَشيتْ
خليني أقول ...
يا بيتنا يا شمعة هواي جواي بكيتْ
يا رحلة في شريان حياة ..
يا ذكــريات منحــوتة جــواي ما حـــييت
ما راحت احلامي المعاك ..يا احلى بيت
واحساسي بيك كأني زي نمت وصحييت
لو ما سألت عن العزاز
بنذكــّرك ..
+++++++++
لمن عطش نخلك انا للحوض سقيت
لمن بهـــت لونــك انا بالجــير طلـيت
ولمن بديــت انت انا البيـــك انتـهيت
ولمن انتهيت انت معــاك انا انتهيت
لو ما سألت ..
بتبقى اتنكرت لى زولا هواك
اتوسدك جــــواهو ..... ريد
حتى الشبابيك
والعناقــريب
والمـــرايات
والبرنــــدات
مرسومة في لوحة حزن
ماها الزمان يومي اللجي
تشعرني فعلا اني جـــيت
ما ضَـلـّمتْ يا أغلى بيت
خليني يا نفسي الغريــبة
++++++++++
معـا همـــومي أحدثـــــِك
عارفاكِي ماليكي الحــزن
ما بيتنا كان اغلى البيوت
كان المقيل لمن تضيق كـــل البيوت
كان الستر يوم ينكشف ســر البيوت
كان الجمال يوم الجمال خلى البيوت
كان السعـــادة بلا حــــدود
كل زول يشيل حقو ويفوت
كــان الأهــل يوم الاهــل حسب الأجل لازم تموت
واتيمـــت يا يمـــة بعــــدك غرفي جاها العنكبوت
والضـــل قصـــر النـــاس بقــــت طــبعا السكوت
واتنكرت .... للكان زمان
واتلـــونت حسـب الزمان
++++++++++
كـــل الوجــــوه ممســــوحة بــى دهــــن النفــــاق
هي نفسها الكانت معاي لاقــتني بالحــب والعــناق
هي نفسها الكرهت لقاي مبسوطة شان تم الفراق
زمن السماح من غير اذن ندخل نفوت
ما ضَـلـّمتْ يا اغلى بيت
لمّنْ رحلتَ مع السراب
ويوم اتقفل في وشي باب
مديت مسافات الدروب مرت على قلبي الرهيف
ابكي ويعــاودني الحــنين لكني ارجع تاني كيف
ماليني شوق
مقهورة من ظلم الخلـــوق
محبوسة غالبني المـــروق
كلّـمتَ تمـــرايتي الهــــناك
عن شوقي ليها وكت تحين ساعة الشروق
في الوحشــة والــزمن المخيف
خلتني أفتش في المغــارب وفي المشـــارق
عـــــن عـــــلامات أو رصـــيف
كلمت حنايتي الزرعتها بى ايدي
يمكن تحن تذكر الماضي العفيف
يوم كان معاي يقول حباب لي أي ضيف
تســـأل وتقـــول ويــــن السكــــن جوايا
في الزمن النضيف
وين الــــزرع زهـــراتو من حوليا قيف
وين القعد حنن كفـــوفو وكيـــــفو كيـّف
اه من هياج الذكريات
وين الزمان الكان زمان اه يا لطيف
غيرك بقيت للهم رديف
ما ضَـلـّمتْ يا أغلى بيت
بذكرعيــــون جـــاراتي والحــــيــطان
وصوت الكل علـى نفسـي بيوصينـي
رحلـت وفي عيونـي انت
ومعاك رحلت عــناويني
بقــيت غــيرك بلا مأوى
وكيــــــــف بالله تنفــيي
ومـرّت صـــورتـك المحـــفورة في جـــواي
ولــــون اللـــــون لـــــوّن دم شــــــرايينـي
ياريــت تاني تحضني وأعيــــش جــــــواك
وانــــــــــــــووووم وحيطــــانك تغطــــينـي
واحلق في سمـاك هناك
+++++++++++
وفــي قلــبك عـــن العـــالـم .. تواريـــنـي
وان سألوني : صحيح إنو الحنين غـلاّاب
جوابي يكون : بيتنا الغــــالي في عينـي
خيوط الذكري غصبا عني تجذبني
بغني ليك وأحبـك لـو تجــااافينـي
تســـبقــني الأمــــــــاني علــــــيك
تشد خطواتي شان تسرع توديني
رحلـــــت بعــــيد وبحـــــلم بيــــك
احن للرجعة لي وردي وبساتينـي
بيــتي الكــان ابــدا ماعليك عتـاب
لكـــن الظــروف قلبـــت موازيني
تعاتبني النفس يا بيت
تقول لي لازم ارجع حتى لو الكل معاديني
وامسح بي ترابك تاني ايديني
وادق وتـــد االصـــمود جواك
وانت علي تتلطف تزيدني صمود تقـــويني
وارجوك يالعزيز الغالي ارجوك لا تخليني
بلاك مالي تاني ملاذ
وضلك هو البيسعدني ويدفيني