محاسن جبريل (بركلاوية) «دمعة الاقلام»

عزيزوغالي

:: كاتب نشـــط::

دمعــة الأقــلام
*********


مسحـــت اسمـــك من سطــوري لقيــتك دمعــــة الأقــلام


تبل ريق لوعــــة حـــروفـــي وتلـــــون رحــــلة الأيـــــام


غفــــيت وجـــــوايـا طـــيفك مــلازمـــــني ومعــــايا دوام


محلــق فــــــوقي طـــول اللـــيل كـــأنو العـــابد القــــــوام


لقيـتك ضـــو فــي عــيوني لقيــتك ســاكنة فـي الاحـــــلام


لقيــتك قصـــــــة فـــي خاطـــري تمثــلي أروع الأفـــــلام


رجـــيتك بـــي قلــــب صــــافي مشـاعر رقــــــة الانســام


عشــان خاطــرك نحــر فرحي واتوشحت صبري حــــزام


لكــــــن يومــــك الجــــــــيتي حكــمتي علــــيا بالإعــــدام


بديــــتي معـايا مشـوارك مصــوبي فـــي فـــؤادي سهــام


مخطــــطة انــو تغــــدري بـــي قــــبال ما تتــــمي العـــام


ونســيت انــو المــثل بيقــول جـنا الوز ما صحيح عـــوام


امشــي علــيك تســدي البــاب قفــلتي علــيا بـــى احكــام


طعــنتي خناجــرك المسـمومة غــرَست جوا في الصمـام


غــدرك زلــزل الجــواي هـــــــدم افـــراحي زي هــــــدام


غــزلت الــريد معــاكي حــروف رسمـتك لوحة لى قــدام


وكلــما أمـــــد مســاحة ريـــد انــتي تصغــري الاحــــجام


اعـــالج جـــرحي واصـــبّر .... الاقــيك زدتــي للأســـقام


افتـــح ليــك نفســي كــتاب وانتـــــى حقـيقــتك الاوهــــام


اشــيلك فــي قلــيبي شمــوع تعـبى الكـون عـليــا ضــلام


اكــلم فــيك حــق الإلـفة.. حــق الجار.. تصـــومي كــلام


احــــنن قلــــبك الجـــافي تكـــــوني عـــــلامة استـــفهام


تلــومي وجــودي في كـونك وقلـبي انا ليكي يــوم ما لام


اســافر لـي مــدن ريــدك وريــدك فـــوقي يـــوم ما حـام


ينوم طرفــــك بلا ميعـاد وطـــرفي انــا لا غمــد ولا نــام


حلمـــك انــو تغدري بي وتعــيشي علـــى بقــايا حطـــــام


أغالــب فــي حكــايتي معـــاكي واكـــابد لــوعــــة الآلام


اغنيـــلك عنـــاوي الــريد وغناويك انتى جــور خصـــام


كتلتي الفرحة في قلــبي .. كفـــاية علـــيك والله حــــرام


فـــراغ روحـــك وجهــل عقلــك مــا ادوكــي أي مقــــام


وكــت فاكـراك حتفــرحـــي بي تبقى سعـادة خير وسلام


ونعيش انا وانتي زي اخـوات حمامات في انسجام وئام


ويكـون الـريد شعار مرفوع وعنوان بيـتنا اسمو غرام


وتظلــنا غــيمة الافــراح ونســـعد ونمشـــي لــي قــدام


لكــن ضـــــاعت الآمــال لأنـــك انتــــى طبعــــك ســـــام


وقلـــبك بالســــواد ملـــيان ونفســـــك منبــــع الاجـــرام


وماب يرضيكي غـير ارحــل ويكون من غيري عددك تام​
 
أعلى أسفل