محاسن جبريل (بركلاوية) «المستحيل يوم الرحيل»

عزيزوغالي

:: كاتب نشـــط::


المستحيل يوم الرحيل
***************



المستحيل يوم الرحيل
يوماً كان ساعاتو طويله وضلو الضـالو علينا ضنين
صبحا مـا شفنــالو طـراوة سرق البسمة وزادنا انين
شاحــب خلقــه معــدوم شـيتا ليهــو يجمـــل ولا يزين
لا بالخــير فيـــك اتاصبحــنا
ولا ريحنا اكتافنا عليك فتحنا
لا معـــروف كان يوم احزانا ولا معاك ماتت فرحتنا
لا اتبــاشـرنا ولا اتـباخـــتنا
بي زي زولك وناس حلــتنا
زي ما كنا نشوفك دايما وزي عادتنا
نعاين كل جميل في يومــنا ... نقابل ناس شــايلاهـم عـين
ده ضُهرا اطول من طول ليلي حابس نـَفـَسي وفيهو سجين
شمسـا تحـرق لي خــدينا تـرابا قــايمي تكيل العين
تنزل تقلب لون فرحتنا تخلي كئيب عدمان وحزين
لا قيلــنا ولا اتسامرنا
لا اتكلمنا ولا اتحادثنا
لا اتونسنا كتير دفقـنا
لا اتعانقنا عناقا حار ولا اتعاهدنا
لا دفقت وصايا عليا ولا اتوادعنا
لا ســافرنا معــاك بي شـوقنا ولا شـرقنا ولا غربنا
******
يوماً كان لحظاتو مريرة وين ما شفنا شمال ويمين
بايــع عهـــدو وجـــارح حـــــدو تقــــــول سكــــين
لا بيجيك صـــوت ساقي يدندن
ولا صوت قمري جميل وحنين
صــــوتك عاكـــــس جـــــوات نفســـك وانـت تـنـين
تبكي براك بلا اصــحاب لا طــــيف زولا ليك يعــين
******
مهـما تلــف الــدنيا وترجـــــع وتعـمل فــينا مـــع الأيـام
وفـي أقــدارنا تشــيل وتــودي وتدلـــــق ليــنا كـتير آلام
وحتى عيونا يضلم شوفا وبقينا هواجس وباقي أوهــــام
وويـن مـا نقبـــل يسكت صوتنا ويبقى لقـانا كأنو أحــلام
ويبقـى الحـب الشفـتو معـاك لا معــزوف لا فيهو انغــام
وحـرفا فيـك دونتـو وقلـتو لا منظــــوم لا فــيهو الهـــام
وكل شموسنا وراك تتكاسف قمرنا اتحــول بدلو ظــلام
وتبقــى احــزانا تنــازع فــينا ونبــقى نقــاوم في الأيـــام
وقيــف بيصــارع فـي اموجـو وايد بتـلاوي مع الهـــدام
وتبـقى الريـح شايلاها أفراحنا رماد يطاير وباقي حطام
ده يــوم فــرقتنا ويـوم مــا نبعد تبقى تعـانق فينا ســهام
ويبـقى الحـزن اتخـلل فـينا فـــرش تــوبو أتغـطى ونــام
 
أعلى أسفل