ماشا معاك زي الباسطة

ود الشريف

:: كاتب نشـــط::
الزمان قبل إنعقاد قمة ترامب الأسلامية

المكان إستاد الخرطوم

شمل الإجتماع جميع الوزراء ومساعدي الريس ونواب رئيس الوزراء

وجميع ولاة الولايات وجميع أعضاء المجلس الوطني

وكان يوماً مشهوداً

تحدث فيه الداعي لهذا الاجتماع حيث قال :

لميتكم في المعلب ده عشان كترتكم دي

طبعن زي ما عارفين نحن مقبلين لأيام جميلة مبشرة

(ملوحاً بعصاه ) ومن الليلة دي ما حنرجع لورا ... حنباري

الدول الكبري .... محل ما يدخلوا ندخل ... حنلعب في الفاينل طوالي

وما بعيد كمان نسجل في مجلس الامن عضو دائم

وفي يدنا فيتو نذل بيها جيرانا ديل (مشيراً لجهة ما )

طيب يا جماعة يا وزار يا مساعدين من اليوم دوركم بقي

معروف اي محفل تكونو انتم في الصف الاول يعني

من اليوم اعفوني من افتتاح مستشفي او مدرسة .. ممكن

تقوموا بالعمل ده يا ساده!!! بوصوت واحد (حاضرين )

ثم قال ضاحكاً .. اصلاً إنتو شغلكم شنو !! وضحك الجميع

يلا يا جماعو العندو سؤوال :

وقف احدهم . وهو يردد بشعارات الثورة بكل حماس

فأسكته الريس قائلاً : يا جماعة نحنا لعبنا بقي علي تقيل

زي كلامك ده كان زمااان (ضاحكاً) انت حترجعنا مالك !

اي الاخت ديك .. آي الوراك يا ودالبلال ادوهو المكرفون

صوت نسائي : يا سيادة الريس نحنا أعضاء المجلس دورنا شنو !!

ومواصله في الحديث ... مش دورنا المراقبة حماية الناس الإنتخبونا

يا ريس والله في الجلسة ما بدونا فرصة للحديث و.. وقاطعها الريس

يا اخت انتي مش نفس كلامك الزمان داك ولا غيرو !!

يا ريس ما دي مهمتنا في المجلس ولا انت شايف شنو !!

يعني نشتغل شنو !!

الريس : امشو ازرعوا

نزرع شنو يا ريس !!

الريس : ازرعوا باسطة

وقيل في تفسير (الباسطة ) عن الجنايني إبن غالب

(لعله قصد تسريح المجلس بإحسان)

حكمة اليوم ( لو ما قدرت تسدها قدها من الطرف التاني )
 
ما كل ما يتمنى المرء يدركه ... والكتاحة ممكن نضري بيها عيشنا

هكذا بدأ خطابه في الاجتماع التاني بعد قص الشريط وإفتتاح

المخبز الامريكي في شارع الستين

وقال معاتباً طبعن نحنا ما ممكن نكون في سفينة واحدة

بس كمان ما بنرضي بالحقارة وانا اصلاً ما كنت ماشي

الاخوة والاخوات الله بيسألنا عن الشعب الصابر علي

العقوبات الجايرة والمخبز ده هدية للشعب وعشان العالم

كلو يعرف إننا بنوفر للشعب قوت يومه

وعشان الناس تعرف إنو الأنقاذ ما بتخليكم واقفين في صف

العيش من الفجر ((وكأنه عاد للاسطوانة القديمة )

ثم قال انا إعتزرت عشان الشعب اهم لي من أي حاجة

وديل كولهم بيجبهم هنا والناس الشمتانه بقول ليهم

حلايب ذاتا بتجينا براها بقول ليهم ما تفرحو وكلنتي الزمان ديك

بقولا تاني (إذا أمريكا رضيت عنا فهذا معناه أننا فارقنا الشريعة والدين)

وهمس آخر لزميله ( ده بيقول في شنو !!)

حكمة اليوم

( لو ما قدرت تسدها قددا قددا كولها )
 
كوريا.jpg

وأتت برقية مستعجلة خالص ....
قف
أنا وانتا والنيل والقمر
قف
تعال لي تعالي تعال
هو بيمشي ونحنا بنكون قاعدين لا تيأس
 
تعال نزرع عيش
نزرع باسطة
ونوزع إنبساطة
وخليك من المخبز الامريكاني
شوف مخبزنا كيف

الخبز.jpg
 
داير اعلق علي الصورة دي قبل ما اعلق على الموضوع سعاده الريس .
الصورة دي معناتو موضوع المراقبة بالنظر ده حقيقه ومعمول بيهو فى كثير من الدول الكبري .
ما يجيني واحد ناطي ويقول لي ده كلام شنو ده يا ابو نمر ..
الصوره دي خير دليل وبرهان ممكن تقولو لي الناس ديل ( بيكشفو ) كده لي شنووو
.
.
مراقبه جد
وحاة اسم الله صح


%D9%83%D9%88%D8%B1%D9%8A%D8%A7-jpg.1935
 
ههههههههه
الاستاد زاتو ما بكفيهم ديل
فما بالك بالرواتب والبدلات
وشنو كده
عالم عايشه وعالم دايشه
 
أعلى أسفل