ليه مافي قناة فضائية سودانية اخباريه !؟

في الضواحي

:: كاتب نشـــط::
المافي شنو! أخبار مافي؟! واللا قروش مافي؟! واللا إعلاميين؟! واللا معارضة مافي؟!
كلو في...
الأخبار على قفا من يشيل انشالله خبر حمارة حاج سدرين وقعت ميته من تقل صاحبها..
القروش..انشالله شيرنق عندنا كم حزب ؟! مئة حزب من كل حزب شيلو عشرة ألف بس في السنة(الكيزان ولاد الجب دفعوهم مية ألف ما مدافعين من جيوبهم كلو من حق الحكومة ههههههه)
الإعلاميين راقديين الناس الرفضو يتمسحوا بي البدر ورفضوا الفسخ مالقو فرصة في قنوات النيل والشرووق وأم درمان .. التلفزيون القومي رواتبه ضعيفه فشنو إعلاميين عطاله كتار النشوف عذر تاني..والقناة كن جات المواطنين بتلفوناتهم ببقوا إعلاميين و مراسلين.
طيب معارضه مافي!؟ معارضة في ...والوجعه هنا الداير أصل ليها انو معقولة على عمر البث المرئي مما دخل السودان سنة 1963 قناة معارضة وااااااااااحده مافي؟! السؤال دا مفروض إي زول معارض (حزبي) يسالو لنفسه لماذا هذا التقصير في كامل أطياف معارضة في عرض تحليلاتها اخبارها ومن زاوية رؤيتها خطاباتها وردود أفعالها.
من هذا المنبر ارفع القبعه لتلفزيون راديو دبنقا ..رغم غياب المهنية والمصداقية الناقصة لعدم التوثيق الحقيقي إلا أنهم رفعوا قلييييلا من الكم الهااايل من الحرج المفروض تشعر بيهو احزابنا المعارضه.
في الختام نرجوا أن نرى قريبا عاجلا قنواات سودانية معارضة إخبارية منوعات ثقافية تراثية اقتصادية زراعية وثائقية ..وكن الفكره عجبتكم ودقيتو شيرنق أنا معاكم في المساهمه.
 
رد: ليه مافي قناة فضائية سودانية اخباريه !؟

اخبار شنو يا عمنا ماهى كلها خرج عمر ودخل عمر دى دايرة يها قناة
كسرة
كتب غلى الاعلام ان يكون على ( التراك المستقيم ) اى خروج قمع مصادرة وشوف فى الفترة السابقة دى كم جريدة اوقفت وكم كاتب حورب وشرد ومنع من ممارسة عمله شبونة مثال حى
 
رد: ليه مافي قناة فضائية سودانية اخباريه !؟

عندنا اكتر من قناة اخبارية
قنوات تنشر اكاذيب اسحق احمد فضل الله وقناة لمياعات حسين خوجلي وقناة لترقيع فشل المشروع الحضاري وقناة للتدليس والتملق ونقل اخبار امير المؤمنين
اما الاخبار الحقيقية من قتل وتشريد وغيرها فنسمعها من القنوات الاخبارية العالمية الحرة وبالطبع ونقرأها من صحيفة الراكوبة التي ظلت وستظل شوكة في حلق الزيف وتجار الدين
 
رد: ليه مافي قناة فضائية سودانية اخباريه !؟

عندنا اكتر من قناة اخبارية
قنوات تنشر اكاذيب اسحق احمد فضل الله وقناة لمياعات حسين خوجلي وقناة لترقيع فشل المشروع الحضاري وقناة للتدليس والتملق ونقل اخبار امير المؤمنين
اما الاخبار الحقيقية من قتل وتشريد وغيرها فنسمعها من القنوات الاخبارية العالمية الحرة وبالطبع ونقرأها من صحيفة الراكوبة التي ظلت وستظل شوكة في حلق الزيف وتجار الدين

ما أقصده اذاعه مرئية قناة تلفزيونيه صوت وصوره ..في قنوات معتمدة بس على كاميرات المواطنين ..الآن التلفونات تصويرها انضف من قنوات السودانيين الشغاله هسه ...دايرين قناة تلفزيونية تسع المصورين الشباب تسع أي فيديو يتصور في إي حته في السودان ويعبر عن إى محتوى ..حراكي ثقافي طبيعي تاريخي ..
 
رد: ليه مافي قناة فضائية سودانية اخباريه !؟

اخبار شنو يا عمنا ماهى كلها خرج عمر ودخل عمر دى دايرة يها قناة
كسرة
كتب غلى الاعلام ان يكون على ( التراك المستقيم ) اى خروج قمع مصادرة وشوف فى الفترة السابقة دى كم جريدة اوقفت وكم كاتب حورب وشرد ومنع من ممارسة عمله شبونة مثال حى

ماياهو دا الموخرنا مافي محتوى يرقى لاحترام عقول المشاهدين ...ودا المحفز للمعارضة أنها تنشئ قنواتها التلفزيونية الخاصة حتى وإن كانت مقراتها خارج السودان تكتفي بتقارير المواطنين المصوره وشراء الأفلام التصويرية من المصورين الشباب ..على الأقل نجد منصة ثقافية تراثية واقتصادية وارشادية ..
 
أعلى أسفل