ضى القمر
:: كــاتبة نشــطة ::
العتمور ما ساقط طه
لملم جعفر لى انفاسوا وودع ناسوا ولما الشلا
القامت من النجمة تردد إتوكلنا عليك يا الله
للعتمور ركبوه البكسى وشالوا الزاد من كل محلا
قالوا نكوس الدهب البلصف وبكرة نجيها نجوطها الحلة
كل مناهم يلقوا سبيكة تقلع قلب الصرمة الجافى
وعكر الخلقة وعكراخلاقها يروح بالمرة ويصبح مافى
ويندى جبينى البت الشاحب وتلبس رجل الزول الحافى
وتمشى الحج الأم الكبرت تمشى نزور اب قلبا وافى
والعتمور ما ساقت طه والعتمور ما ساقت العمدة
العتمور القلب الواعى الحارم نفسو النوم والغمدة
العتمور الصحرا الكبرى والعتمور الكمدة الرمدة
العتمور الكمدة الرمدة والعتمور الرمدة الكمدة
ـــــــــــــــــــــ
إتملوا بى الأحلام واتلموا قصدوا خلا العتمور الصى
ولما اتوكرو لب الوادى بان مسير الفتل النى
راح الدرب الكان قاصدنوا وحس البكسى يسوى الوى
وفجأة اتوحل لى شاسيه وتسمع ناسك سوا الدى
ــــــــــــــــــــ
وضمة يضحكوا اخوان جعفر كملوا كل قش الكبريتا
والإسبير مخروم ومرقع ودفقوا كل زيت العفريتا
تلات ايام قرشوها البصلة ومرات ياكلوا من السنكيتا
وريحة البصل الطقت فيهم جا أب كباس حاضن العفريتا
كملوا كل منع البركاوى لامن وصلوا سانس الكسرة
لافى العربة اتحرك ساكن لا فى النفس اتلاشت حسرة
الجركان ملايان بالموية بس بالجوع ضاقوها المرة
شان كملان عود الكبريت زى ديل ضمة على ما مرة
لا اذكروا فرك اجدادنا ونار العود الخانسى وحية
لا اذكروا نار العادم تولع من فرش العربية
لا البنزين النارو تدودى بس بشرار البطارية
شوفوا الزول كيفن يتبهدل لما يسوى الخدمة النية
واربش رقدوا جماعتك ضمة والأحلام اتلاشت ضمة
وبقوا فى الروح كيفن تتخارج وحالن كيف اليوم ان تمة
مرة يغنوا ومرة ينموا ما خلولن غنية ونمة
ولمن حسوا الروح بتطقطق طروا البراق والنوح واللمة
إلا البلد المسخوا عيدها ويوم العيد ماعادوا ورجعوا
إتلم شباب البلد الواعد لى اخوانن فاتوا وفزعوا
وعادوا وعادت اجمل فرحة لمن عادوا الراحوا وطلعوا
يحى البلد الحافظ القيمة ويحى الزول الحاصد الزرعو
لملم جعفر لى انفاسوا وودع ناسوا ولما الشلا
القامت من النجمة تردد إتوكلنا عليك يا الله
للعتمور ركبوه البكسى وشالوا الزاد من كل محلا
قالوا نكوس الدهب البلصف وبكرة نجيها نجوطها الحلة
كل مناهم يلقوا سبيكة تقلع قلب الصرمة الجافى
وعكر الخلقة وعكراخلاقها يروح بالمرة ويصبح مافى
ويندى جبينى البت الشاحب وتلبس رجل الزول الحافى
وتمشى الحج الأم الكبرت تمشى نزور اب قلبا وافى
والعتمور ما ساقت طه والعتمور ما ساقت العمدة
العتمور القلب الواعى الحارم نفسو النوم والغمدة
العتمور الصحرا الكبرى والعتمور الكمدة الرمدة
العتمور الكمدة الرمدة والعتمور الرمدة الكمدة
ـــــــــــــــــــــ
إتملوا بى الأحلام واتلموا قصدوا خلا العتمور الصى
ولما اتوكرو لب الوادى بان مسير الفتل النى
راح الدرب الكان قاصدنوا وحس البكسى يسوى الوى
وفجأة اتوحل لى شاسيه وتسمع ناسك سوا الدى
ــــــــــــــــــــ
وضمة يضحكوا اخوان جعفر كملوا كل قش الكبريتا
والإسبير مخروم ومرقع ودفقوا كل زيت العفريتا
تلات ايام قرشوها البصلة ومرات ياكلوا من السنكيتا
وريحة البصل الطقت فيهم جا أب كباس حاضن العفريتا
كملوا كل منع البركاوى لامن وصلوا سانس الكسرة
لافى العربة اتحرك ساكن لا فى النفس اتلاشت حسرة
الجركان ملايان بالموية بس بالجوع ضاقوها المرة
شان كملان عود الكبريت زى ديل ضمة على ما مرة
لا اذكروا فرك اجدادنا ونار العود الخانسى وحية
لا اذكروا نار العادم تولع من فرش العربية
لا البنزين النارو تدودى بس بشرار البطارية
شوفوا الزول كيفن يتبهدل لما يسوى الخدمة النية
واربش رقدوا جماعتك ضمة والأحلام اتلاشت ضمة
وبقوا فى الروح كيفن تتخارج وحالن كيف اليوم ان تمة
مرة يغنوا ومرة ينموا ما خلولن غنية ونمة
ولمن حسوا الروح بتطقطق طروا البراق والنوح واللمة
إلا البلد المسخوا عيدها ويوم العيد ماعادوا ورجعوا
إتلم شباب البلد الواعد لى اخوانن فاتوا وفزعوا
وعادوا وعادت اجمل فرحة لمن عادوا الراحوا وطلعوا
يحى البلد الحافظ القيمة ويحى الزول الحاصد الزرعو