لا همّو بالمهمات ولا ابدو اهتمام بالعامّة | منتديات الراكوبة

لا همّو بالمهمات ولا ابدو اهتمام بالعامّة

الموضوع في 'الحوار العام' بواسطة ود تربيل, بتاريخ ‏أبريل 10, 2016.

الوسوم: إضافة وسوم
  1. ود تربيل

    ود تربيل :: كاتب نشط::

    إنضم إلينا في:
    ‏يناير 11, 2015
    المشاركات:
    25
    الإعجابات المتلقاة:
    0
    نقاط الجائزة:
    1

    البلد كترت الآمو وهمومو صبحت سامة
    حرَّقْنِي مغص الكلام وبطني قلبت طامّة
    داير اقول واهجو ناسا لألمنا قالت هامّة
    لاهمّو بالمهمات ولا أبدو إهتمام بالعامّة
    صغار الهمّة عديمي الذمّة حقيقةً تامّة
    عِصَابَة لئيمة جميع الوان التنافر لامّة
    شبكونا هبال وغشامة وقلة حيا ولآمة
    قالوا أبطال ونشَامَى قلبو حياتنا شآمة

    ود تربيل
     
  2. Ana Mnkom

    Ana Mnkom :: مُـشــــــرِف ::

    إنضم إلينا في:
    ‏أكتوبر 13, 2011
    المشاركات:
    10,323
    الإعجابات المتلقاة:
    163
    نقاط الجائزة:
    63
    رد: لا همّو بالمهمات ولا ابدو اهتمام بالعامّة

    كان هناك بلدا اسمه السودان
     
  3. ود تربيل

    ود تربيل :: كاتب نشط::

    إنضم إلينا في:
    ‏يناير 11, 2015
    المشاركات:
    25
    الإعجابات المتلقاة:
    0
    نقاط الجائزة:
    1
    رد: لا همّو بالمهمات ولا ابدو اهتمام بالعامّة

    السودان كان وكائن وحيكون يا مننا
    رغم ظروف الحياة الصعبة ديك لكننا
    نجزم نكاد نراها قريبا الايام تحقق ظننا
    ما تغرك لغة البوبار والفشخرة والانا
    هي شجرة ومسوسة من تحت ما اوهنا
    بالكاد تقاوم ريح الجنجويد الماسك رسنا
    فما بالك انت وانا وهبة عواصف شعبنا
    وكتين نثور ونغضب ويكبر عليهم جننا
    * * * * * *
    لازم نستعد للكتابة ورسين اقلامنا نسننا
    ما ساكت نقوم من الزعل والحماقة نفننا
    ونقنع نقول السودان بلدنا كان في يوم هنا
    هل ترضى ينعتوك بالتخاذل والمسكنة؟
    وانت الجريء تخلي حبيبتك لفاجر يحضنا
    او يلقاها وسط الطرق ساهلة ميتة يكفنا؟!
    * * * * *
    دي حكومة فاسدة وزاتو رب العباد لعنا
    حباها قادة من دون كل الخلايق ارعنا
    كل واحد فيهم لينا اثبت غباوتو وبرهنا
    لكن الوكت الغلط اجبرنا مرة مرة نهادنا
    ونسجل عليها نقاط ضعفها وما نأمنا
    كل واحد بجهالتو امتهن الاكاذيب ادمنا
    ادوهو وزارة ملاها اخوان جت كوزنا
    وبالمقولات جيه حبال اصواتم ودوزنا
    الله اكبر وكل شي لله وخطبة مكربنة
    بشوية آيات واحاديث صحيحة معنعنة
    وهم بالجد فاكرين رضاهم حقيقة تهمنا
    وظنوا بالدين حازوا طاعة ابونا وامنا
    وإتناسو كل الحصل لينا وعيشة الضنى
    نقول ليهم خاب ظنكم ان تامنو مكرنا
     
    آخر تعديل: ‏أبريل 11, 2016

مشاركة هذه الصفحة