ضى القمر
:: كــاتبة نشــطة ::
لا جبتي لي خبر
لا جبتي لي خبر لا جوني جلابه
يا غاليه نار الشوق حرقتني يادابه
يوم اربعاء وسافر عد لي ودابه
مرأً تلاته شهور لو ما كي حاسابه
لو كان رسالة شوق لي ما في زول جابه
والنسمه زاته بقت لي ظني خيابه
يا نسمه حاضنه النيل تاويها جدابه
دايماً نسايم الليل بي فوقي هبابه
ناعسه العيون كاحلات ما بيخطأ نشابه
سرقت مشاعر الناس طمبوري غنابه
حتى القميريات للعرفه تتغابه
رسلتها وما جات خدعتني أترابه
قاعد هواي بالليل والدمعه صبابه
حالتي العلي تزداد المولى يدرابه
الدنيا لعبت بي دار فوقي دولابه
شجر الهم المخضر جواي قام غابه
مادام ندى أفراحي يبقالي شرابه
أنا أتعبني ناقاني خلاني ورتابه
ليك من بنات شعري الماها كضابه
تهديك شوق دفاق كان تشرح إعجابه
أنا حالتي يادوب جيت واشواقي تقابه
يا ربي كيفن حال اللسه عذابه
شوق للصغيروني في دنيا منسابه
بالبسمه والافراح يتبادلوا العابه
ليهم وقت نايمين ايدي تبتابه
وفجراوي يملوا البيت بي ضحكه خلابه
طال شوقي للمغرور وين ماشي يا بابا
ارجاني ماشي معاك وخطاهو خبابه
شوق للصغير يادوب في الواطه يتحابه
انا من شافني قام يبكي بإيدو لي شابه
لا جبتي لي خبر لا جوني جلابه
يا غاليه نار الشوق حرقتني يادابه
يوم اربعاء وسافر عد لي ودابه
مرأً تلاته شهور لو ما كي حاسابه
لو كان رسالة شوق لي ما في زول جابه
والنسمه زاته بقت لي ظني خيابه
يا نسمه حاضنه النيل تاويها جدابه
دايماً نسايم الليل بي فوقي هبابه
ناعسه العيون كاحلات ما بيخطأ نشابه
سرقت مشاعر الناس طمبوري غنابه
حتى القميريات للعرفه تتغابه
رسلتها وما جات خدعتني أترابه
قاعد هواي بالليل والدمعه صبابه
حالتي العلي تزداد المولى يدرابه
الدنيا لعبت بي دار فوقي دولابه
شجر الهم المخضر جواي قام غابه
مادام ندى أفراحي يبقالي شرابه
أنا أتعبني ناقاني خلاني ورتابه
ليك من بنات شعري الماها كضابه
تهديك شوق دفاق كان تشرح إعجابه
أنا حالتي يادوب جيت واشواقي تقابه
يا ربي كيفن حال اللسه عذابه
شوق للصغيروني في دنيا منسابه
بالبسمه والافراح يتبادلوا العابه
ليهم وقت نايمين ايدي تبتابه
وفجراوي يملوا البيت بي ضحكه خلابه
طال شوقي للمغرور وين ماشي يا بابا
ارجاني ماشي معاك وخطاهو خبابه
شوق للصغير يادوب في الواطه يتحابه
انا من شافني قام يبكي بإيدو لي شابه