كيف اوصلك ؟! وكيف أقدر .. أنساكي وهواك ما بنترك ؟! { أبنعوف }

ضى القمر

:: كــاتبة نشــطة ::
يا بـت مـن المـــاضي

كيف اوصلك ؟! وكيف أقدر .. أنساكي وهواك ما بنترك ؟!
أحترت فيك وأحترت في .. القلب اليفكو وينشبك
***
يابت من الماضي ومأججه .. ذكريات .. تعجن تلك
في حترب البال الموقع من .. جدار عقلاً مقرب يتسهك
مالك علي .. راماني بين ؟! .. أخطا وأصيب آمن وأشك
وأنا لا كفر يوم بي هواكي .. ولا دخل قلبي الشرك
***
وين إنتي من طول الرجا .. وحبل الهوا الما بيتمسك
وصبراً ألتق وبالصبر .. من تاني يرهف ويتهتك
دليني غاب محراك علي .. وأبت المسالك تنسلك
وين في محطات الزمان .. أصباك وعارض الشوم يفك
***
اسأل عليك رجع الغنا .. المنضوم علي حنّ السلك
والشوق يسرسف فوق .. نسيمةً راحلي جوف ليلاً حلك
كان تلقي عندك صيبه لي زول .. يداري دموعه بي توب الضحك
ومرات يفتش للبكا .. وما يلقي دمعه عشان يبك
***
لا تتكليني علي الحظوظ .. ما لي حظاً يندرك
والناس حظوظها تغيب تجيب .. وانا حظي في اللا شئ يسك
أحلامي ما بين الغيوب .. فرت طيوفها أبت ترك
وأحزاني تتعاقب فصول .. حابكاهن الأقدار حبك
***
أديتك البقدر عليه .. الطالباه والغير مطلبك
والقلب ما ملكت يداي .. طوّعتو ليك وأصبح ملك
وما باقي شرطاً في العقاب .. يرضيك ويرضي تصورك
غير روح خجوله من المروق ..منضاري في جسداً هلك
 
أعلى أسفل