كلمات اغانى سيد خليفه

Nabil :: nabsho

:: الإدارة ::
سيد خليفة " أغنية يا وطني"
كلمات الشاعر إبراهيم رجب

يا وطنى يا بلد أحبابى فى وجودى احبك وغيابى
............................................
يا الخرطوم يا العندى جمالك ....جنة رضوان
طوول عمرى ما شفت مثالك
فى اى مكاااان
............................
انا هنا شبيت يا وطنى
زيك ما لقيت يا وطنى
فى وجودى احبك وغيابى
...........................
يحليلك ويحليل ايامك
على ليالى زمان
وقلبى عايش لى غرامك ما بعد غراام
..........................
كانت ايام يا وطنى
زى الأحلام يا وطنى
........................
بتذكر فيك عهد صبايا
على شاطئ النيل
حبيبى جالس حدايا
أسمر وجميل
.......................
انا بفخر بيك يا وطنى
بالروح افديك يا وطنى
 
التعديل الأخير بواسطة المشرف:
سيد حليفة " أغنية ولى المساء"
كلمات / حسين عوض ابوالعلا

ولى المساء الواله المحزون فى جوف الضباب
وانا اهئ زينتي وأعد مفتخر الثياب
املا لقياك الحبيب ويصدنى زهو الشباب

أمسى مضى بين التحسر والأنين
ووسادتى بللتها بالدمع والدمع السخين
مع تباريح الصباح وبسمة الفجر المبين
غنيت مثل الطير فرح فى رياض العاشقين

تسري النسائم عذبة وانا اهيم بلا بلا د
وتقودني الآمال فى دنيا المباهج والخيال
وهناك ارقد فى الرمال ولا أرى غير الرمال

غداً اذوب مهجتى بحر انفاس الغرام
ارنو إليك والوعتى ظمأ تؤجج فى الظلام
وابيت اعشق فى الدجى صوتا ينادى فى ملام
ابداً اعيش بحبه انا غير احبابى حطام

غداً نكون كما نوّد ونلتقى عند الغروب
غداً تعود مباهجى وتزول عن نفسى الكروب
غداً حبيبى قد يعود غداً حبيبى حتماً يعود
 
التعديل الأخير بواسطة المشرف:
يا عيني يا طماعة
كلمات حسن الزبير

ياعيني ياطماعة ماشفتيه قبال ساعة
ليه تاني نمشي نقول ما للزيارة أصول
خليني من الشوق من ذكرتو وآهاتو
داير اعيد أتذكر القالو من كلماتو
حين قلت ليه بتنسى وحتفوتني زي الفاتو
ما شفتي وين وداني وكتين حلف بحياتو
في حبو شفت خلاصي في دربو شفت النور
وبقيت اكوس اعذاري علشان أجيه أزور
ما شفتي كيف كلماتو تأخدني كالمسحور
آمالي تملا الدنيا وأحلامي تبني قصور
إنسان فريد في الرقة والبسمة ما بتفارقو
وراني طعم الدنيا يحفظ عيونو الخالقو
وكتين عيوني يتوهوا بالنظر ليهو بسارقو
ياخدني في موجاتو ليل الضفيرة الطالقو
 
سيد خليفة " أغنية أنشودة الجن"
كلمات الشاعر التيجاني يوسف بشير


قم يا طرير الشباب
غنّ لنا غنّ
يا حلو يا مستطاب
أنشودة الجنّ
وأقطف لى الأعناب
وأملأ بها دنّى
من عبقرى الرباب
أو حرم الفنّ
صح فى الرّبى والوهاد
واسترقص البيدا
واسكب على كل ناد
ما يسحر الغيدا
وفجّر الأعواد
رجعا وترديدا
حتى ترى فى البلاد
من فرح عيدا
وأمسح على زرياب
وأطمس على معبد
وأمش على الأحقاب
وطف على المربد
وأغش كنار الغاب
فى هدأة المرقد
وحدّث الأعراب
عن روعة المشهد
صوّر على الأعصاب
وأرسم على حسّى
جمالك الهيّاب
من روعة الجرس
واستدن بابا بباب
واقعد على نفسى
حتى يجفّ الشراب
فى حافة الكأس
 
التعديل الأخير بواسطة المشرف:
سيد خليفة " أغنية ربيع الحب"
كلمات الشاعر: ادريس جماع

فى ربيع الحب كنا نتساقى ونغنى
نتناجى ونناجى الطير من غصن لغصن
ثم ضاع الأمس منى
وانطوى بالقلب حسرة

اننا طيفان فى حلم سماوى سرينا
واعتصرنا نشوة العمر ولكن ما ارتوينا
انه الحب فلا تسأل ولا تعتب علينا
كانت الجنة مأوانا فضاعت من يدينا
ثم ضاع الامس منى
وانطوى بالقلب حسرة
أطلقت روحى من الأشجان ما كان سجينا
أنا ذوبت فؤادى لك لحنا وأنينا
فارحم العود اذا غنوا به لحنا حزينا
ثم ضاع الامس منى
وانطوى بالقلب حسرة
ليس لى غير إبتساماتك من زاد وخمر
بسمة منك تشع النور فى ظلمات دهرى
وتعيد الماء والأزهار فى صحراء عمرى
ثم ضاع الامس منى
وانطوى بالقلب حسرة

أعجبني

أجيئك في المسا المخضّل بالرعشاتِ
محمولاً على جنحِ الوسامةِ
هذا زمانكَ أن تظلَ أسير من تهوى
وبينكُما علامة
أن تنبضا وجداً وتحراقاً ومسغبة ً
تمد جذورها عمقاً
إلى يوم القيامة
 
التعديل الأخير بواسطة المشرف:
ليل وخمر وشفاه ..
كلمات الشاعر: حسين عثمان منصور

أغنيات فى شفاه الحب غنّاها الجمال
والمنى يا روح قلبى ليس يفنيه الدلال

*****
أغرقتنى بين أمواج المنى
والمنى شطّ على بحر الغرام
وسقتنى خمر أعناب الهنا
والهنا كأس وهمس وإنسجام
علمتنى كيف أنسى من أنا
وأنا لفظ حرام فى الهيام

****
يا سقاة الكأس من عهد الرشيد
ما لكاسى ظامئا أبدا وحيد
ونديمى!!
قد سرى نجما مع الأفق البعيد
حطم الكأس وولى
وانطفأ نجم تلألأ
وغدت
تبكى على شفتيّ أصداء النشيد
ليل وخمر وشفاه
هنّ للقلب لظاه
هنّ إكسير الحياة

****
شعرها ليل تموّج
صدرها الوثّاب هودج
شفة عطشى .. وأخرى هى كأس
خمرها نار وجمرة
ليتنى لو ذقتها فى العمر مرة
 
التعديل الأخير بواسطة المشرف:
غيرة ..
كلمات الشاعر: ادريس جماع


أعلى الجمال تغار منّا
ماذا علينا إذا نظرنا
هى نظرة تنسى الوقار
وتسعد الروح المعنّى
دنياى أنت وفرحتى
ومنى الفؤاد إذا تمنّى
أنت السماء بدت لنا
واستعصمت بالبعد عنا
هلا رحمت متيّما
عصفت به الأشواق وهنا
وهفت به الذكرى فطاف
مع الدجى مغنى فمغنى
هزته منك محاسن
غنّى بها لمّا تغنّى
يا شعلة طافت خواطرنا
حواليها ... وطفنا
آنست فيك قداسة
ولمست إشراقا وفنّا
ونظرت فى عينيك
آفاقا وأسرارا ومعنى
كلّم عهودا فى الصبا
و أسأل عهودا كيف كنّا
كم باللّقاء سمحت لنا
كم بالطهارة ظللتنا
ذهب الصبا بعهوده
ليت الطفولة عاودتنا
 
التعديل الأخير بواسطة المشرف:
سيد خليفة " أغنية آلمني حنان"


يوم قسموك يا هم *** كتبوا عليك اسمي

لو كان رووك بالدم *** يا هم رووك دمي

انا لو رضيت بالهم *** مابرضى بي همي

*****

حباني يا أهلي *** يا من تعزوني

في الدنيا خاب أملي *** في حظي عزوني

أنا لو يحين أجلي *** ما تبكوا هنوني

*****

يوم السعادة تفوت *** يا ناس تخليني

بين الحياة والموت *** يا السعادة زوريني

لو أمروها بالجبروت *** السعادة ما بتجيني
 
سيد خليفة " أغنية أحلى غرام"

احلى غرام...واجمل هوى
لا عمرو فات ..ولا لحظه مات....ولا انتصر

احلى غرام ...واجمل هوى ...غرامــــــــــــــى
احلى غرام يا منيتى...كان لى امل كان دنيتى
انا من سنين راجيك تجى ... تملى حياتى ووحدتى

قلبى اتولد يحمل هواك
خطا هنا خفقات معـــاك
لا يوم سلاك لا قال نساك
ولا لاجأ فى الاحلام سواك
هدهدتو بى حبك سنـــيـــن
ورويتو بالشوق والحنين
سلمتو ليك وانت الامـــين
على عهد حبى وعشرتى


فى ليله ضاويه تفسض هنأ...توجنا ريدنا وحبنا
يا فرحنا...يا بهجنا..بعش السعاده تضمنـــــــــــا
 
سيد خليفة " انا قلبي بدق "

أنا قلبي بدق

تظلمني لي يا جميل ما ليك حق

والله ماليك حق والله ماليك حق

حن يا جميل كلم أحبابك

أنا من زمان واقف على بابك

قول لينا كلمة وأدينا نظرة

أهلك يا حبيبي أسباب غيابك

هل هم أهلك أسباب غيابك

ولا التقاليد حجبت شبابك

أهلي وأصحابي يا نور عينيا

راحو لي أهلك خطبوك ليا

أهلك يا حبيبي صعبين شوية

قالو ليهم لالا مهرك شوية

انتي زنبك ايه وأنا زنبي ايه

وجنو عليك وجنو عليا

ودا الحب لوعرفو أجمل هدية

ومهما قالو ومهما عادو

أنا أصلي ليك وانت أصلك لي

أنا قلبي بدق أنا أنا قلبي
 
اسالوه
اسالوه قايل الناس نسوه....

يوم سافر قطاري ....
يوم لهلبت ناري ....
يوم ودعت حبي ...
يا ناس انا دمعي جاري....


كيف قاعد مطمن ...
سحر الريم يجنن .....
ومن تاثير عيونك ....
لحياتي مامن ......

يا السمرة الحبيبة ...
يا النادية الرطيبة ....
ادوب في القصر العيني .....
وتنغزني الطبيبة .....

مهلا لا تغيري ....
انا اتقرر مصيري ......
سجنك لي يا ساحرة ....
اه لو ضاقو غيري ......

يا مسافر براك .....
كيف تنسى هواك .....
انا قلبي حباك .....
وبسافر معاك ........
 
شاء الهوى
كلمات ادريس جماع
لحن وأداء: سيد خليفة

شاء الهوى أم شئت أنت فمضيت في صمت مضيت
أم هز غصنك طائر غيري فطرت إليه طرت
وتركتني شبحاً أمد إليك حبي أين رحت
وغدوت كالمحموم لا أهذي بغير هواك أنت
أجر .. أفر .. أتوه .. أهرب في الزحام يضيع صوت
واضيعتي أأنا تركتك تذهبين بكل صمت
هذا أوانك يا دموعي فاظهري أين اختبأت
فإذا غفوت لكي أراك فربما في الحلم جئت
في دمعتي في آهتي في كل شيء عشت أنت
رجع الربيع وفيه شوق للحياة وما رجعت
كوني كنجم الصبح قد صدق الوعود وما صدقت
أنا في انتظارك كل يوم ها هنا في كل وقت
 
التعديل الأخير بواسطة المشرف:
سيد خليفه اغنية اعمل ليك ايه

اعمل ليك ايه لو ترجعلي تاني

افرش ليك ورود وانظملك اغاني

اعزف ليك عود ويغرد كماني

يااحلي الوجود يااغلي الاماني

ماكنته الودود حنين ووافي

ايه خلاك صدود وراك التجافي

كم اوفيت وعود حبيت التصافي

اليوم التعود يوم فرحي وزفافي

من كاسات محنه ومن ينبوع حنان

من فردوس وجنه الوجن الحسان

كنته نعيم حياتي وكنته مني الزمان

كيف هان ليك حبي ودمعي الغالي هان

احييت الفؤاد الماتت زهورو

اتحتت رماد واتهدت قصورو

بعد ما سعدو غاب وغابو معاهو حورو

في لحظه حنان رديت ليهو نورو

نار الحب نعيم مر الحب حلو

والشوق الكتييييييييييييييييييير

قلبي مبهدلو

درب الحب طووووووويل براي مابدخلو

يا احباب زماااااااااااااااااااااان تعالو اسالو
 
سيد خليفة أغنية "جاري و أنا جارو"


جاري و أنا جارو
لي متين أزور دارو
بتمنالو الجنة و اتعذب في نارو
أقرب زول لي قلبي ضيعني بسمارو
جاري و أنا جارو
جاري جاري
************
التوب سيبيه يهفهف
الشعر خليه يرفرف
يا حلاته الشعر السادل في كتيفها موجه يصفصف
لما الرقصة تسخن دور و أوع توقف
دور و أوع توقف

قلبي العاشق وافي ما قادر إتخلى
أجمل بت في فريقنا شوقي الزاد ما قل
يا بت أنا ود الحلة عاشق وحياة الله
و الله و الله
************
يا بت حلوة يا سمحة
سارقة لون القمحة
أنا ضايع يا منايا مستني أجمل فرحة
يا حلوة و سيتي نور أيامك زمن الطرحة
حلوة سمحة
************
تسلم لي عيونو
عاد يا الله تصونو
تحفظ لي عفافو جاري الما بخونوا
لو زول جاب لي سيرتو قلبي يدق من غيرتو
حاسدني في جيرتو و قلبي بدق من غيرتو
جاري جاري
************
 
سيد خليفة,, اغنية,, يامسافر وناسي هواك


يا مسافر وناسي هواك

ارواحنا وقلوبنا معاك

اضناني الغرام والبين

ياروحي الفراق لمتين

قضيت عمري كلو حزين

وعايش على ذكراك

عديت انا نجوم الليل

وفي خدودي الدموع بتسيل

ويا الفارقت ارض النيل

يرعاك الاله يرعاك

طاريك للهوى وعهدو

حظي للشرود وعدو

العاشق يدوم سعدو

يوم جاك ياحبيبي

يوم داك
 
مهرك الجماح

شدوا لك ركب فوق مهرك الجماح
ضرغام الرجال الفارس الجحجاح
تمساح الدميرة الما بيصده سلاح
المال ما بيهمك إن كتر وإن راح
***
بطناً جابتك والله ما بتندم
ويا أسد الكداد الفي خلاك رزم
ويا رعد الخريف الفوق سماك دمدم
***
بابك ما انقفل ونارك تجيب اللم
وما بتحلف تقول غير استريح حرم
***
أبواتك جبير بيسدوا للعوجات
ومطمورتك تكيل للخالة والعمات
وفي الجود والكرم إيديك دوام بارزات
ويا أب قلباً حديد في الحوبة ما بتنفات
***
عينيك يالصقر في الحارة ما بتنوم
صدرك لي الصعاب دايما بعرف العوم
لا بتنلام ولا بتعرف تجيب الللوم
في وسط الفريق للفارغة ما بتحوم
ود ناسا عزاز جمعوا المكارم كوم
تفخر بيك بنات البادية والخرطوم
 
سيد خليفة " أغنية النهاية"
كلمات الشاعر: هاشم صديق

يوم في يوم غريب فيهو الشمس
لمت غروبها وسافرت
بانت نجوم متفرقات زي الدموع
فى خد حبيب ودع حبيبتو السافرت
والليل ضفائر حزنو مداها الألم
زي التقول عارف النهاية القاربت
شفتا الفريق ضامي الفرح
فى دار حبيب ضميتو في قلبي الحنين
ماتت خطاي ضاع الأمل
واحترتا في خوفي الدفين
عاينتا لقيت الحبيب في عرشوا
في تاجو الحزين
حولوا العيون فيها الفرح
بس الفرح في عيونوا ماقادر يبين
والدمعة في عينيك تودع طيف حبيب
خليتو لي قدر السنين

اشتقتا لي طيف الحبيب
ومشيت طريق اسمو المصير
ودعتا زهرات الأماني
ورجعتا لي ألمي الكبير
حسيت شعور الراهب السار السنين
مشتاق يفتش ليهو دير
لمن تعب سارت خطاهو علي الدرب
خاف الأمل كره المسير
ياحبي عيش كلمات خطاب
من الحبيب كان النهاية
حرفوا الدموع صدروا النحيب
والحسرة كانت فيهو غاية
خلاني اغرق في المصير
وانا لسه عايش في البداية
أندم علي الحلم اللي راح
واطفي الشموع وابكي النهاية
وابكييييي وابكيييي النهاية القاربت .
 
التعديل الأخير بواسطة المشرف:
سيد خليفة " أغنية يا حليلها "


يا حليلها
يا حليلها بت الاصول والعيلة
عروسنا سمحة جميلة
مغادرة الفريق يا حليلها

عريسنا جاب الشيلة
جاب الدهب بالكيلة
رقصن بنات العيلة
وان شاءالله قالوا عديلة

غنو ليك خالتك
زغردن عماتك
انتي زايدة حلاتك
يا احلى وردة جميلة

جرتقوكي امهاتك
وبخرن حجباتك
نيرة بين نديداتك
ومافي ليكي مثيلة

في الرقيص بدعتي
في فنونو برعتي
زايغة زايدة قناعتي
يا شبيهة الريلة

صوت نحاسك غزا
وقام عريسك هزّا
وبسيوف العزة
المن جدودو اصيلة
 
سيد خليفة " أغنية زنوبة"


زنوبة بت النيل
زنوبة يا بت النيل
يا قمر بوبة عليك تقيل

امها الزايدة محنتها
في ليلة القدر اتمنتها
جاتها على حسب ما ظنتها
في عيد رمضان ولدتها
القمرة بت السما
سمتها زنوبة

ربوها في عز وبطر
ما سافرت ما ركبت قطر
الريد في خدودها وفطر
وان ضحكت كب المطر
وان عاينت في عيونها الخطر

زنوبة نوارة الفريق
عجوة التمر والشريق
بعوم ليكي البحر الغريق
وعلى ايدك باخد الطريق
القمر بوبة عليك تقيل
 
سيد خليفة " يا صديق مالك مشغول بالك"


شعر مبارك حسن الخليفة


يا صديق....
يا صديق مالك مشغول بالك
قالو لي الحب غير حالك
يا صديق الحب فرحة واحلام
وليالي لقاء وليالي سلام
لكن شايفك عايش في ظلام
وعيونك فيها كلام وكلام

انا برضي بحب زيك واكتر
لكن املي زاهر واخضر
بكرة الاحلام تكبر وتكبر
بكرة الاحلام تصبح سكر

يا صديق الحب عالم مسحور
موفور بعطور ووفاء وغرور
عشاق عايشين في سلام وحبور
والكل آسر والكل ماسور

يا صديق الحب زي الاطفال
فرحة وبهجة وحنان وجمال
ينبوع الحب دايما سلسال
مادام في قلوبنا تعيش امال
 
أعلى أسفل