قيمة الوقت في السودان | منتديات الراكوبة

قيمة الوقت في السودان

الموضوع في 'الحوار العام' بواسطة فيصل مصطفى, بتاريخ ‏مايو 9, 2016.

الوسوم: إضافة وسوم
  1. فيصل مصطفى

    فيصل مصطفى :: كاتب نشـــط::

    إنضم إلينا في:
    ‏مايو 14, 2013
    المشاركات:
    139
    الإعجابات المتلقاة:
    0
    نقاط الجائزة:
    16
    Faisal Mustafa
    ‏7 مايو‏، الساعة ‏11:54 مساءً‏ ·
    قيمة الوقت في السودان الآن
    لدهشتي البالغة لم يعد للوقت
    أي قيمة لكل شرائح المجتمع
    ثمة ردة تراجع تخلف بل لا
    مبالاة و عدم إهتمام بالمواعيد
    يتملكني إحساس أحياناً بأننا
    تراجعنا الى المجتمع الزراعي
    هل أنا محق ؟...
    أم أنني متحامل !!؟....
    أعجبنيإظهار مزيد من التفاعلاتتعليقمشاركة
     
  2. محمد امين

    محمد امين كاتب جديد

    إنضم إلينا في:
    ‏يوليو 18, 2011
    المشاركات:
    17
    الإعجابات المتلقاة:
    0
    نقاط الجائزة:
    1
    رد: قيمة الوقت في السودان

    السلام عليكم
    فى السودان مافى شخص بيتحاسب على التسيب وعدم احترام الوقت سوى من المجتمع او الدولة ولذلك الناس تحترم الوقت لية اذا ما حد بيسألة واذا تم سوالة بيعلقها فى شماعة المواصلات وخلافة وغالبا ما بترتب عليها اى عقوبة. ومرات الناس بتلجاء الى الكذب مثلا تكون مواعدة فى زمن معين وتتصل علية تقول لية وين انت بقول ليك انا قريب جمبك. ويمكن ساعتين ما يصل لحد ما تزهج وتغير الموضوع (طبعا دا الدايرة هو )
    النشأ المرخية الما فيها عقاب صارم او ثواب مجزى هى التى اوجدت الشخصية السودانية الغير مسئولة وغير مهتمة بالوقت وما يترتب علية ضياع للحقوق والواجبات
     
  3. فيصل مصطفى

    فيصل مصطفى :: كاتب نشـــط::

    إنضم إلينا في:
    ‏مايو 14, 2013
    المشاركات:
    139
    الإعجابات المتلقاة:
    0
    نقاط الجائزة:
    16
    رد: قيمة الوقت في السودان

    رد قيمة الوقت في السودان الآن
    عزيزي محمد أمين
    ما طرحته من علل أصابت أهل السودان
    يبدو بمقياس الظروف الحالية
    سبباً مباشراً في عدم إحترام الوقت
    لكن ينبغي ألا ننسى أن الشعوب تتقدم
    بإحترامها للوقت و تتحرك وفق ضوابط محددة
    أذكر حتى نهاية السبعينات
    كان للوقت قيمة لدى السودانين
    السؤال لماذا نتراجع كأننا نعيش
    في مجتمع رعوي !!؟...
     
  4. محمد امين

    محمد امين كاتب جديد

    إنضم إلينا في:
    ‏يوليو 18, 2011
    المشاركات:
    17
    الإعجابات المتلقاة:
    0
    نقاط الجائزة:
    1
    رد: قيمة الوقت في السودان

    الاخ فيصل
    هذا يؤكد ما ذهبت انا الية بان من امن العقوبة اساء الادب. فى العالم المتقدم اذا لم تحترم الوقت سوف تتأذى كثيرا فى عملك وفى كل شى عشان كدة بتنظبط غصبا عنك وعبر الزمن بكون احترام الوقت جزء من سلوكك العام. زمان كان الادارة فى السودان قوية عشان كدة الناس بتنظبط. الان فى السودان ما بيحصل ليك اى شى اذا لم تحترم الزمن. عشان كدة مستعجلين فوق شنو. بالاضافة الى اسباب اخرى ك الاحباط وغيرة
    ياخى دة حتى فى غنانا بنغنى تعال بكرة او بعد بكرة (يعنى مافى مشكلة)
     
  5. محمد امين

    محمد امين كاتب جديد

    إنضم إلينا في:
    ‏يوليو 18, 2011
    المشاركات:
    17
    الإعجابات المتلقاة:
    0
    نقاط الجائزة:
    1
    رد: قيمة الوقت في السودان

    انت عارف يا اخ فيصل مجتمعنا السودان رغم انة فية صفات كثيرة كويسة الا اننا بنعانى من مشاكل كثيرة فى تصرفاتنا اليومية. مثلا لو مواعد ليك زول الساعة 10 وشراك لحد الساعة 11 حتى جاء. اول شى ما بيعتذر عن التأخير واذا قلت لية تأخرت مالك بقول ليك اتا ازول شفقان كدة مالك (خصوصا اخوانا الصنايعية) وتتحول من مهاجم فى التأخير الى مدافع عن نفسك انك ما شفقان. واحد قبل كدة شرانى ولما احتجيت علية قال لى انا جنى وجن شفقة المغتربين دة. سكتنى ليك طوالى
    نحن مشكلتنا كسودانين بنسمى الاشيأ بغير اسمائها عشان نخليها حلوة ومغتية. مثلا المطالبة بامواعيد بنسميها شفقة عشان نبرر التأخير. حتى العادات السيئة بنحليها بتغيير اسمها مثلا من يطلب الرشوة بقول ليك ادينا حقنا لو قلت لية رشوة بقول ليك لا حقنا لاننا تعبنا رغم انة من صميم عملة
    الداير ينم (يقطع فى الناس) بنقول عليها شمار ( راجل عمرة فوق السبعين يقول ليك الشمار شنو) لو قلت لية هذة غيبة ونميمة وحاجة خطيرة بتودى النار بقول عليك مجنون وبخاصمك
    البيسرق المال العام بدل ما نقول علية حرامى. بيقولوا علية مفتح ومرطب ويقدموة فى الصلاة وبيتزوج بنات العز
    غايتو نقول شنو الله يصلح الحال.
     
  6. Awad alawad

    Awad alawad :: مُـشــــــرِف ::

    إنضم إلينا في:
    ‏سبتمبر 7, 2011
    المشاركات:
    5,059
    الإعجابات المتلقاة:
    9
    نقاط الجائزة:
    38
    رد: قيمة الوقت في السودان

    اسوأ حاجة عملتها حكومة الانقاذ افساد اخلاق الناس وبالتالي ما نستغرب في الظواهر الغريبة من اهدار زمن وغيرو
    تحياتي صاحب البوست والمتداخلين
     

مشاركة هذه الصفحة