قسم الله ودعوض5

#1
واشوقي علي طيبة وطواف البيت
** لامتين يالرسول يالفي راجاك ناجيت
الليلة يااخواني المعاي بعد المنام حسيت
** واذكر قعاداً طال علي وابطيت
ماتعبت الخبير نحوالجمال باريت
** ولازرت الرسول في مكة ما حجيت
ما تبعت القوافل وبي ام شراع راميت
** ما احرمت ما شلت الجمار عديت
ما طلعت الجبل فوق المقام صليت
** ولا زرت القبور الجم دكاك الزيت
قاعد في الهموم الفيهن اترويت
** ساكي الدنيا جاري وراها ما لميت
ده ملك الموت محارس عمري ما تميت
** انا ناوي ازرع جديد والزارعو ما لميت
وقت اليوم يتم بي رزقي انا انكاريت
** وفي الساعة الف مليون ما بقولي رضيت
ده يوما ًما بخليني ان بقيت فريت
** وان طر بالجناح ومع الملائكة بقيت
وقتين حدروني وللطعام جافيت
** راحو يهببو لي قالوا حار البيت
انا الحر في فؤادي وحاسبو للمويت
** ما عارفني قالوا لي تراك خفيت
اسقوني المراير وكل ما لجيت
** غصبوني وشربت وبيها ما ادواويت
انا الناس البريدن منهم غبيت
** وعارفت الملائكة انشاء الله قولوا بخيت
قاموا على البرود كشفوني ما اتغطيت
** وجابولن قماش لفوني بالحنيط
فارقت المساكن وتاني ما صديت
** ودوني المضايق وقالوا هذا البيت
جو املاك السؤال قالوا لي اتوفيت
** ما ربك ونبيك في الدنيا شن سويت
دي اعمالي القباح عدوها ما نافيت
** مكتوبة الصحائف وباللسان قريت
بتكلم معاهم وبالاله سميت
** اقولهم الكريم مولاي بيهو رضيت
وبالنبي صاحب الحوض والبراق ثنيت
** يقولوا لي نوم من الشقاوة نجيت
يالنبي مستجير بك يالعليك غنيت
** تحضرني ان بقيت عند السؤال لجيت
تقل ميزاني ان بقت خفيت
** وعدونا الصراط فوق الجناحو نشيط
قالك ودعوض فيك يالنبي اتحويت
** وخايف من ذنوباً فيهن اتهويت
خلس لي سوجاري ان بقت لويت
** انا ما بخته الكذب والغيبة والبهيت
في الفردوس معاك سكنا بي تثبيت
** اقسم لينا حوراً لابسات سوميت
نفرش فوق حرير الجنة نافي الخيت
** وكرم والدي وفي الله ما خاويت
يا برق الحجاز الليلة خاف قاويت
** مداح الرسول انا منهم نويت
يارب ياكريم حل قيدي كن ساريت
** لي بلد الرسول ان مت هناك ونجيك
الصلاة والسلام ياربي نا صليت
** انت والملائكة علي النبي وعزيت
ده ما قسم رزوق الخلق وما اعطيت
** بي عدد ما خلق في الدنيا وما افنيت
إهداء لكل اعضاء المنتدى الكرام ولكل الاهل بالعكد العزيزة
:Icon123:
 
أعلى أسفل